¹ Barada a paretawi dodo : Waina dodo "Rusa bana manarri mewage." Dodona Daud. ALLAHgu, ALLAHgu, KU ngga'iga? Selamatagu na marrowe wali baragu, nyabawi panewe kaaulagu. ² O ALLAHgu, ku kadengngagu bana lodoge, takka WO'U du waleke. Monno, bana geddege, takka du tarakaki. ³ Takka, WO'U a mb'iya, a mandi'i ponuna weila dtena ata Israel. ⁴ Ne bara-MU, ama kawedama ma waigu. A waigu monno MU paselamatawi. ⁵ Bara-MU, a kawula, monno a selamata. Bara-MU a wai-GU, monno dapamakkekiwi. ⁶ Takka, ne youwa kabaketawaga, da ata kiyaga. Ngara ata hinaga monno a benciwaga. ⁷ Ngara ata a etawaga a kanissikaga. A wukke rowiwida, a koddo-koddokage katowada. ⁸ Gulirawe wekkimu barana MORI, ngga'iku kana pasilliwu. Ngga'iku kanna paselamatawu, orona bana berkenanwu barana." ⁹ Takka, WO'U a tengngi aga wali ti'a dana. WO'U a raiga baku wai-GU, ne katukku ngau detana mamagu. ¹⁰ Ku maweitaka wali ti'a dana, WO'U bana ALLAHGU, wali ti'a danana inagu. ¹¹ Du marrokanna wali baragu, orona ne a sesaka na tukke bawe, takka da'iki a tuluga. ¹² A luwana lembu mane a woletaga, a pawessi wali Basan bakopaga. ¹³ A wukku pakaladage ngadada baragu, hinna wa'ina singa a mengaum-aum monno menerkam ¹⁴ Ku malegawaga hinna wa'ina we'e, ngara kuwa ruwigu a talepasa wali sendigu. Ne ategu ekakowa lilin, na kokora ne wekki danagu. ¹⁵ Ne pawessigu na marokkotawe hinna kaina wirro a malekkata. Lommagu na marekketawe ne ponnu langit-langit ngadagu. MU ta'i wa'iga ne pa'u tana kamate. ¹⁶ Orona, bongga a woletaga. gerombolan ata a bokkala a woletaga, a dakuragadi limma monno wa'igu. ¹⁷ Bisa ku reke kuwawi ngara ruwwigu. a patu'uga monno a eta. ¹⁸ A bagi-bagi gandi kalambegu ne barada, monno a lettona undi ponnu jubahgu. ¹⁹ Takka WO'U , o MORI, du marro kanna! o pawessigu, ngettana gataga. ²⁰ Paselamatawaga wali katopo, a iya waiki donna, wali cengkeraman bongga. ²¹ Paselamatawaga wali ngadada singa, wali kadu banteng maredda ; MU walebaga. ²² Enga tekki guge ngara-MU, barada 'dugu, ne tillu pakuwama, youwa ku deika-WU. ²³ Ne yo'u a madautawi MORI, deikawa! Yemmi kuwa 'duna Yakub, detana ngara-NA! Yemmi kuwa 'duna Israel, madauta-WI! ²⁴ Orona, danna paki'i kindi monno dana benci kiwe penderitaan, ata a tertindas. Danna burri kingge mata-NA wali barada, monno narengngeda kaaulada. ²⁵ Wali bara-MU, ammige weila deta ne kumpulan a kalada, youwa ku bayarage auragu ne aroda a mandauta-GU. ²⁶ Ata a tertindas enga nga'ana, monno a papuasawi. Hidda a elletawa a weila detawi MORI. Ne atemu ka enga tolekana! ²⁷ Ngara kadukkana ponnu tana enga loloda, monno a bali bara-MU MORI. Monno, ngara kuwa kaum bangsa, enga kawodo aro-MU. ²⁸ Orona, MORI Tokko, monno namareta ponnuna ata. ²⁹ Ngara kuwa ata morru ne ponnu tana enga nga'ada monno a kawodo. Ngara kuwa a burru ne pa'u tana a kawodo aro-NA , da bisaki ba sambungge tolekana. ³⁰ Iya a pawali a layan-WU, enga tekki dawe tumana MORI barada generasi a ammina. ³¹ Enga ammidi monno a tekkiwe kebenaran-NA, barada ngara bangsa papa dadi , na bertindak bana.