¹ Barada ata pareta dodo: Dodo Daud. Na MORI nawale kummi nebi susako. Nyako ngara ALLAH Yakub a pamadetami. ² Nyako a utusawe patulu wali padou a mbi'ya, monno na rombami wali Sion. ³ Enga koge bana lolo kuwamidid marakamu, monno na beimidi kurban patunnumi. Sela ⁴ Enga koge bana karuniamidi barami dekuge pabei atemu, monno na bonnu kuwage kambu atemi. ⁵ Ta weila detana orona selamatami, monno mikeketawe bendera waige ngarana ALLAH da. Na ponnu kuwa kummidi ngara padengimi. ⁶ Hinna ne'e kupandege, na MORI bana paselamatawi ngara ata papedena. Enga waledai, wali surga-NA a mbi'ya, waina kuasa selamata a walli limma kawana deta-NA. ⁷ Hidda a waina keretada monno darada, takka itto ta lolonawe ngarana MORI, ALLAHda. ⁸ HIdda enga rukka dandai kundoda monno a warraka, takka itto takedde monno ta dede teguh. ⁹ O MORI, paselamatawa tokko! Na MORI nyako a waleama ne bama kaaulako.