¹ Barana ata pareta dodo: Dodo Daud. Langita na tekkiwe kemuliaan ALLAH, monno cakrawala natekki nawe parawi limma-NA. ² Iya loddo-iya loddo nagindiwe li'i, iya gedde-iya gedde na tekkiwene pande. ³ Da'iki li'i, da'iki panewe, ne li'i dappa rengnge. ⁴ Kalerre paukura waida na dukki bawe ngara ponnu tana, monno patekkiada na dukkiwe ne kadukkana ponnu tana. Ne langita, na ta'ige kemah a tubawe loddo, ⁵ hinna pengantin kabani a louso wali koro dana, hinna kaina pahlawan a weila deta ba malle lara dana. ⁶ Pennena wali kadukkana langita monno nawoletawe dukki kaduna a iya, da'iki a matodi wali bangatana. ⁷ Li'ina MORI na sempurna, na paduwawe tou. Ne papalolona MORI na kokowe, hikmat a tuba ata naif. ⁸ Ajaran MORI naduwa, napa weilawe ate. Ne paretana MORI namurniwe, napa mangewalai mata. ⁹ Madautawi MORI na mbi'yawe, engage mori wali-mori wali. Penghakiman MORI na benarawe, monno na adil kuwawe, ¹⁰ Na loukapo wellina wali omma rara, na loukapo omma rara dappa pakaula. Monno, magollona loukapo wali taiko kanena, monno loukapo wali tetesan kanena wali reddeta kanena. ¹¹ Dommo, orona ata-MU napalolowaga. Baku pelihara kowa, wa'i welli a kaladana. ¹² Garraku a pandege dokuna? Pabersihwaga wali salahgu a matodi. ¹³ Pattuwaga wali ne keketa wekkina, du ngga'i kandi ba berkuasa ponnugu, kadakku macela kanna, monno bersih wali pelanggaran a kaladana. ¹⁴ Ne patekkina ngadagu monno ne a ne'ina ate danagu, na tutuwi ara-MU, o MORI, togo letegu monno penebusgu.