¹ Barada ata pareta dodo: Dodo Daud, atana MORI, a hinnage barana MORI ne inana dodo, ne loddo bana patolekawi MORI wali limma detada ngara gobbana monno wali limma detana Saul. Ku manawara-GU, o MORI, pawessigu. ² MORI nya lete togogu, bentenggu, monno a paselamatawaga, ALLAHgu, lete togogu, bara-NA ku elletawe perlindungan, perisai, kadi selamatagu, pandou perlindungangu a madeta. ³ Ku kadengngawi MORI, a tuba baku weila kowa, nyaka paselamataga wali ngara gobbagu. ⁴ Kalerre pamate dengnga, a belitabaga, monno loko kalada bokala, na ponnu baga. ⁵ Kalerre pandou ata mate a lilitabaga, irra pamate dengnga ne'ege aro matogu. ⁶ Ne sesak danagu, ku kadengawi MORI, ku kawula dengngi tulu barana ALLAHgu. Wali umma-NA, NA rengnge gawe li'igu, monno dengngi tulugu bara-NA dukkiwi katillu danana. ⁷ Bage, ponnu tana na guncang monno nagoddo kawe. Monno, ne kere letena na goddoka monno a koddoka, orona NA bani. ⁸ Mau na louso wali korru danana, api wali ngada dana-NA a nga'adi, mala'o a muttuna wali bara-NA. ⁹ Naparadakawe langita bage kanna burru, kapotta ne'ige kabu wa'ina. ¹⁰ Na keletawa kerub monno nalera, ne'i a lera ponnu kapa paringngi. ¹¹ NA raige ne kapotta padou pakabunni wa'i-NA, umma-NA a woleta-WI, ne 'we'e a kapotta monno kasoba a tebala ponnu langita. ¹² Wali cahaya ne aro-NA, mua banna kasoba-NA a tebala, urra es monno malaga api. ¹³ MORI na bergemuruh ne langita deta; A Mahatinggi naparengngege li'ina, waina urra es monno malaga api. ¹⁴ Na pasilliwi lakawa pana-NA monno na seikaradi, na keddewe katorroka monno napabingungai. ¹⁵ Bage, eta bawe alur bonnu, monno ngara dasar ponnu tanah terkua, orona napabaka-MU, o MORI, orona ngau wali korru dana-NA. ¹⁶ NA pangindi-WA wali pandou a madeta, na dedewaga, na tengngiwaga, wali we'e apa allu. ¹⁷ Napaselamataga wali barada gobbagu a pawessi, wali barada a karodduka atega. Orona, hidda napa allupo pawessida wali baragu. ¹⁸ Haida a tepawu ne loddo millagu, takka MORI nya a topangga. ¹⁹ Na ngindiaga ngounga, ne pandou a lapang, napatolekawaga, orona NA berkenan baragu. ²⁰ MORI natauga tanga dekuge benaragu, dekuge sucina limmagu, NA ganjarawaga. ²¹ Orona, ku jaga bawe ngara larana MORI, monno dakku pernaki baku raige ne a fasik barana ALLAHgu. ²² Orona, ngara hukum-NA ne'idi arogu, monno dakku pernahki baku elena wali ngara ketetapan-NA. ²³ Ku sempurna aro-NA, monno ku jaga tougu wali kesesatan. ²⁴ Nyaka, MORI na tauga tanga dekuge benaragu, dekuge sucina limmagu aro mata-NA. ²⁵ Barada a duwa, MU patutuda mba WO'U douna MU duwa, barada a sempurna, MU patutuda ba WO'U douna sempurna. ²⁶ Barada ata suci, MU patutuda mba WO'U douna bu suci, takka barada a sesat, MU belat-belit. ²⁷ Orona, menyelamatkan ata a milla, takka mata ata a keketa wekkina MU rendahkan. ²⁸ Orona, WO'U a pewagaraga pelitagu. MORI, ALLAHgu, paterangga kapottagu. ²⁹ Orona, pangngugu WO'U, ku bisa baku malle ne antara gerombolan, monno ALLAHgu, ku bisa baku talokage tembok. ³⁰ Na ALLAH, lara-NA sempurna, patekkina MORI ns teruji bawe. Nya keto a tubawi ngara ata a elleta perlindungan bara-NA. ³¹ Orona, garrai ALLAH, da nyako MORI? Garrai lete togada, badanyako ALLAHda? ³² ALLAH, a kettega pawessiga kombugu , NA raigawi na laragu bana sempurna. ³³ NA raigai wa'igu hinna wa'i rusa, monno na raiga baku dede ne ponnu letena. ³⁴ Na panungngagai limmagu bana patau, nyakanna pawessi na lakogu kanna bisa bana kabekkowi busur omma tabaga. ³⁵ WO'U Mu yabaga keto selamata-MU, limma kawana-MU na rombabaga. Monno, ne kelemahlembutan-MU, MU raiga baku kaladana. ³⁶ MU raibagadi oro wa'igu ne kabugu, monno mata wa'igu danna kelutaki. ³⁷ Ku wolawi gobbagu monno kuwoppawi, daku baliki dukki baku bawi. ³⁸ Ku pubbukai, kada kedde bali kanna. A gogola, ne kabu wa'igu. ³⁹ Orona, WO'U a kettega kombugu waina pawessi baku patauna, MU raidi haida a keddega ba rukkodi kundoda. ⁴⁰ MU yagadi bukkuda gobbagu, monno MU pabawi, hidda a buttuga ate. ⁴¹ A kawula, takka da'iki a paselamatawi, barana MORI, takka danna waleki. ⁴² Ku pumbubaibakawi, hinnana pa'u tana papalerana paringngi, ku pakobbokawi hinnana rede lara dana. ⁴³ MU paberuga, wali patau aa mangeda. MU keketa baku kepaladi ata, ata dapapandegu a runu baragu. ⁴⁴ Haida katilluda barengnge tubagu, a taat baragu, ata eka a runu baragu. ⁴⁵ Ata eka namawala, monno a louso waina kadanadaka wali ngara kubuda. ⁴⁶ MORI na toleka! Pujiagai lete togogu, monno pamadetagai ALLAH keselamatangu, ⁴⁷ ALLAH a yaga tanga, hinna-GE barada ata ngga'ika runu baragu. ⁴⁸ NA paselamataga wali gobbagu, Tetakka, WO'U MU keketaga ponnuda, MU paselamataga, wali ngara ata a bokala. ⁴⁹ Nyaka, ku keketawe weila bara-MU, ne tillu ata, o MORI. Ku dodowi weila ngara-MU. ⁵⁰ Na yaga selamata a kaladana a tuma bara tokko-NA, monno na padadige kasih setia-NA barada ata paurapi-NA, barana Daud monno umbu aibana mori wali-mori wali.