Tabayyana Daud ¹ Rengngewe keadilan, o MORI. Mattarage kawulagu. Rengngegawe tabayyagu, da'iki rowiwi a matipu. ² Kiranya penghakiman a wali aro-MU. Ngga'i haida mata-MU kanna etawe a jujura. ³ WO'U MU nungnga baga ategu, MU gelokabaga bana geddege. MU pamurnibaga monno da'iki patabboka-MU. Ku rancangbage ne ngada-GU danna lawi bawe. ⁴ Tubana parawina ata pi'a, hinna kaina patekki rowiwi-MU, ku awasabana wali lara a kattona. ⁵ Kakogu enga ku terrege barana jejak-MU. Haida wa'igu da warrakaki. ⁶ Youwa kukadengnga-GU, orona WO'U MU waleaga, o ALLAH. Condongkan katillu-MU baragu, rengngegawa patekkigu. ⁷ Waina cara a eka gai ponnguna, patutuge kasih setia-MU, a patolekawi a elleta perlindungan ne limma kawana-MU, wali hidda a kedde. ⁸ Jagawaga hinna kaina watu mata-MU. Kabunniaga ne kabu bayang kapa-MU, ⁹ wali ata fasik a pubbukaga, wali ngara gobbagu, a woletaga. ¹⁰ Morru a todiwi, waina ngadada, a deika wekkina bapanewe. ¹¹ Bahinna ne'e, a kepunggai lara kakogu, a patutudi matada, ngga'ika lettoga tanah deta. ¹² Nyapatuddana singa , a beige irra-irra. Monno, hinna kaina singa muda, a dangngi ne padou a kabunni. ¹³ Keddewu, o MORI! Arowi, monno parunuwi. Paselamatagai dewagu wali ata fasik, waina keto-MU, ¹⁴ wali ata waina limma-MU, o MORI, wali ata ponnu tana a tubawe ne toleka. MU ponnu dawe ti'a dawaina dou, a bekuta waina anada, monno a ngga'ige sisa barada anada. ¹⁵ Takka, youwa ku etagowe mata-MU, ne benara dana-MU, bakku keddeko kupuasa orona rupa-MU