¹ Miktam Daud. Lindungiaga, o ALLAH, orona bara-MU, ku berlindung. ² Lungguge barana MORI, "WO'U MORIgu. Da'iki a loukapa duwa." ³ Ata kudus a ne'ina ponnu tana, nyabawi ata a mulia, hidda kuwa pabeigu ⁴ Susana ata a wo'i omma kawin namatambawi luwana. Kurban pencurahan ra'a dakku burrikege, monno daku tekki kidawe ngarada ne rowiwi detagu. ⁵ MORI nyabana warisan monno pialagu. MU terregai undiangu. ⁶ Kalerre paukura wai nawarraka baragu ne pandou a senango. Tetakka, ku deiba warisan a duwa. ⁷ Ku deikawa MORI, a panungaga, gedde mangeda-ngeda, ne ate waigu napanungaga. ⁸ Ku ta'i MORI ne arogu. Orona ne'iwi ne tuba kawanagu, dakku goddokaki. ⁹ Orona, ategu na weila deta monno kemuliaangu na weila deta. O, wekkigu engawai aman, ¹⁰ Orona, WO'U du ngga'i kanggai na dewagu, ne tana ate mate dana, du ngga'iki ata kudus-MU, ba etawe pamate dengada. ¹¹ MU tekkiga baragu, lara toleka. Ne aro-MU, wa'ige bonnuna weilama, ne limma kawana-MU, wa'ige kebahagiaan mori wali-mori wali.