¹ Ne maneilo napakedde bawe ne umma'na, monno na padedewi a'pittu parii'na. ² Na tunnuwi ngara marakana, napakaulage anggura'na, monno na sakarawi meja deta. ³ Napatukabadi ngara ata pawedena mawinne, ka'kako ka'aula nemme ngara padou amadeta nee kotadana: ⁴ '' Garra kugu a'dama nibba, li'wu neme'', monno hidda damangu koba katowana hinna'ge : ⁵ ''Meiyawu, ngaa ge ne rotigu, monno enuge ne anggura papakaulagu; ⁶ Paeruge ne kabokkomu, mbaka enga tolekamu, monno dekuwi na lara adua.'' ⁷ Garra kugu apanungngawi ata kanissika, napamakkewe tou douna, monno garra kugu ategura ata fasik, nakollena kanissika. ⁸ Da tuddukaka na ata kanissika, ga'i mba kadana kamuka kagu. Tegurawa na ata maneilo, monno mba enga manowaranagu. ⁹ Panungawi na ata maneilo, mba enga louka maneilo'na. Panungawi na ata ahinna takkana, mba enga louka pande'na ne mbana panungngana. ¹⁰ Kawunga nawe maneilo nyadowe madautawi na MYORI, monno mba pandewi na A Maha Kudus nyadowe papande denga. ¹¹ Orogowe apamalougowe lolo ngaumu, monno apamado'i gudi ndou tolekamu. ¹² Ne mbu maneilo kuwu, ne maneilomu toro doumowe. Ne mbu kanissika kuwu, yo'u doudona a'todduge. ¹³ Mawinne tebe monno kalli ngada, ndana madommuki, monno dana pandekige pamakke denga. ¹⁴ Na madii nee mbinna dana'na, ponnu kursi amadeta nee kotadana, ¹⁵ Nakadengngadi ngara ata alewata laradana, ngara ata akako tandiwi larana, ¹⁶ '' Garra kugu a'damadommu, li'nera,'' monno ngara ata damangngu koba katowwana hinnage: ¹⁷ Ne wee pakedu namagolloge, monno hidda ngara roti pangaa kabunni a'minnaka.'' ¹⁸ Takka na ata dana pandekige, mba wa'idi dewa ata mate nee, monno hidda ngara ata pa' mbo'na wa'i nee wanno'da ata mate.