¹ Hidda dona ngara amsalna Salomo : Na lakawa amanibba, napa senang nawe atena ama'na, takka na lakawa atebe napakarodduka nawe atena inna'na. ² Ngara doka pakolleda wali pata mapodeta dappa utu dengakiwe, takka ne ahinna takkana napaluputawa ata waline pamate denga. ³ Na MYORI dana ndundaka kidi ngara ata aduwa mba kareba, takka ne pabeida ngara ata fasik Dana neibakiwe. ⁴ Limmada ata manebbe napatukke toleka a'milla, takka hidda limmada ngara ata amanunna nakanenggawe tolekada. ⁵ Garra kugu apakuwana nee mbana mere tanage, ata amaneilowu, takka na ata adura nee wulla makeni ata pamakke dengawa. ⁶ Ne kanuru kanengga neige ponnu katowana ata abenara, takka ne ngadana ata fasik na burrige ne kelaliman. ⁷ Kanuru kanengga nyawe palolo waidawi na ata benara, takka ne ngara'na ata fasik enga kanirra nawe. ⁸ Garra kugu amaneilo ate'na, enga mataramudi ngara pareta, takka garra kugu nda jagawe ngadana enga pubbukadagu. ⁹ Garra kugu aduwa parawina, mu karawa'wa na lara pali'mu, takka mba garraku dalurruta larana enga pande memadagu. ¹⁰ Mba garra kugu akapaddekadi matana, na ellewe ne pasusa denga, mba garra kugu nda pande na pata panewe enga warrakana. ¹¹ Ne ngadana ata benara nyadowe patoleka denga'da, takka ne ngada'da ata fasik a'burrige kelaliman. ¹² Ne kamukana napatukkena patau denga, takka ne manowara napaeruge ngara pataudenga. ¹³ Ne rowidetana ata pande wa'ige maneilo, takka na palu nyabana tubada ata kabokko. ¹⁴ Na ata maneilo naparammiwe ne pande'na , takka ne ngada'da ata kabokko na arowe wittu dana. ¹⁵ Hidda ranga'da ata pote nyabawe ne wanno' kalada'da, takka ne pamilla denga'da ata dengo nyadowe ne dawa'ina. ¹⁶ Ne pakolle'da ngara ata apawilli tandi na arowe patoleka denga, takka ne pakolleda ata fasik na arowe doku denga dana. ¹⁷ Mba garra kugu a'karawawe ne panungnga, na ndekuwi na lara patoleka denga, takka mba garra kugu darengngewe ne teguran enga nangngana. ¹⁸ Mba garra kugu aburrige ne pakamuka denga ata mapodetawa, mba garra kugu akanissika madangi nyabana ata pomala. ¹⁹ Ne mba luwalangutakka kudi patekki, na luwa kaige pata panewe asala, takka ba garrakugu apattu wekkina, mu paate. ²⁰ Ne lomma ata abenara napagaige omma kaka pa'piaeka, takka ne pangeddana ata fasik dana pawellikiwe. ²¹ Ne ngadana ata benara napalolowi lara ata mangeda, takka na ata kabokko na mate orodana manibba. ²² Ne kanuru kanengga payana Mola Marawi nyadowe pa'pote dengamu, ne pawilli mboto dana matamba kiwe. ²³ Mba raige ne nda'dua pamoda nawe na ata kumbe, ahinna kaina mbana raige ne a'dua na ata amaneilo. ²⁴ Appa kowe pamadautana na ata fasik mba nyawe pakollena, takka apalurusa nawe ne pabeiatena ata benara. ²⁵ Mbana keddeko kapote namodda na ata fasik, tetapi orang benar adalah alas yang abadi. ²⁶ Ahinna cuka amawedewi ngundu, monno mau barra mata, hinna wa'ina na ata kumbe barrada ata apawedewa. ²⁷ Waini na MYORI namado'iwe tolekamu, takka ne ngara douda ata fasik napa katondu'di. ²⁸ Ne pamenneda ata benara enga nyawe pasennang denga'da, takka hidda ngara douda ata fasik enga li'lokoda. ²⁹ Na larana MYORI nya pamawona ngara ata adua, takka pamatedengawa barrada ata akawirra. ³⁰ Na ata benara dana matombaki nadukkiwe kadukana, takka na ata fasik dana doukige ne wanno. ³¹ Ne ngadana ata benara napaoudana maneilo, takka ne lomma amalobe enga waredawe. ³² Ne rowida ata benara apandege ne pawukku patekkida, takka ne rowida ata fasik nyakidowe pawilli mapodeta.