¹ Ne pande ndana kawadirakiwe? monno nee papande denga ndana padukki kige lii'na? ² Nee ponnu padou a'madeta uppu lara, nee padou paliwa'i nyawe padede wa'ina. ³ Nee tidi binna gerbang, nee aro wanno, nee binna tama, na wandige mbana kadengnga. ⁴ Ne barramuwe co...ata kabani mbaku padukkige li'igu, barradawe ata pi'a mbaku kawadirawaga. ⁵ Co...ata damangu pengalaman'na, wolawe ne papande denga, co... ata tebe kalita, ndekege pangedda ate danamu. ⁶ Rengewe, orona ne patekkigu na arowe toleka dana, monno na yagu pangedda atuba ne patoleka denga. ⁷ Orona, kutekkiwe ne ahinna takkana, monno daku beikige ne panewe togo rowi. ⁸ Ngara patekkigu ahinna takkanadi da'iki a'elena. ⁹ Ngara kuwana a'benara barrada ata maniba, monno nalurutawe barrada ata a'pande. ¹⁰ Ndimbawe ne papanungnga'gu, naloukawe ndoka kaka, monno ne papande denga naloukawi ndoka. ¹¹ Orona ne manibba na louka pawelli'po wali doka kaka, appakowe pabeida ata, da' pasama dengakige.'' ¹² " Yowa, manibba, enga'ga pangu papande denga , monno ku'dukkige ne papande denga monno pamanibba denga. ¹³ Madautawi MYORI nyawe mba kamukage ne a'diraka. Ku kamukage ne panewe mbodo monno mapodeta lapata parawi nda duwa monno ngada apawee kukamukage. ¹⁴ Ne barragu wa'ige nasihat monno papangedda, ne barra gowe pawessi. ¹⁵ Orogo ngara tokko apareta, monno ngara ata pa'ama apadukkige keadilan. ¹⁶ Orogo ngara ata pa'ama a'terrege mbendera monno ngara ata pareta ponnu tana. ¹⁷ Kumanowarawi na ata amanowaraga, monno na ata ndama nukkage mbana ellewaga mba enga donggura naga. ¹⁸ Ne pote monno pa'aka wa'ige barragu, monno ngara pote nda dukkana lapata keadilan. ¹⁹ Hidda uwagu alouka pawellipo wali barrada ndoka to'i, monno pakollegu naloukapo wali barra'da ndoka kaka amanadana. ²⁰ Ku kakowaga ne lara aluruta, nee tilluna lara a'adila, ²¹ Ga'i kaku pamboto nadi hidda ngara pote barrana na ata amanowaraga, monno kaku palimbotanawi na patauwaina. ²² Na MYORI narawiga walipoge kawungana papawilli'Na, nyawi parawi ullu'Na netti kawungana tana. ²³ Nyapowe hetti kawungana mba rawiga,nyapowe mbadana rawi poge tana. ²⁴ Ne mbada'i poge wee bonnu, ku ndadi bana, nee mba da'i pudi ngara mata wee. ²⁵ Nee mba nda ndedepo ngara letena monno ngara kabundukana wa'i ullu mbaga. ²⁶ Ne mba dana rawi poge tana monno ngara kuwa i'na ato ngara pa'u tana a'ulluna. ²⁷ Ne mbana pakeddewe langita, nee wa'iga, nee mbana rawidi ngara wa'inawe langita nee ponnu tana. ²⁸ Ne mbana patukkuwi ngara kasoba ne ponnu'na, monno ngara mata wee mba tobbula. ²⁹ Ne mbana ta'ige kadukana bonnu, ga'i ne wee ka'dana langgar kage ne pareta'Na, monno ne mbana ta'ige kadukanawe tana. ³⁰ Enga'ga barra'Na, lakawa pamanowara naga, gedde loddo enga gollopanaga, monno enga mawago wa'igu nee barra'Na. ³¹ Ku mawago waga nee ponnu tana monno hidda ana ata pi'a hidda olle'Gu. ³² Nyaka bahinnawe, co...lakawa rengngewe, na nduwa tolekana na ata a'ndekuwi na laraGu. ³³ Rengngewe ne papanungadagu, ga'i kumanibba; ndu dundakakage. ³⁴ Na duwawe tolekana na ata a'rengnge waga, a'napaga nee binna dana loddo gedde, a'kadiwe ne binna tama'gu. ³⁵ Malla, garra kuwi a'kollega, na moripa, monno na MYORI nakanuru kanengga'wa ³⁶ Takka mba garra kuwi a'nda kollega, naparugi douwe tolekana; ngara ata a'kamukaga, na beige ne pamate denga."