¹ Vavalii seeleo soso'uya tetoo nuVarisi ane soso'uya teguru nuhukum nu'Alata'ala sanu najaok lamai teYerusalem neincong eipapalit niYesus mo'inepea siia. ² Siira ne'ita soso'uya temurid niYesus nenginang jiompo monambas telima niira monurut teada. ³ Tetoo-too nuVarisi ane jojoo tetoo nuYahudi sanu ntaninya monambas telima niira luulu he'uapa menginang.Siira mogutu he'ua molambot teada nusiopu niira luulu mai. ⁴ Ane jiompo monambas luulu te'alae niira watu siira netencile lamai te pasar.siira jiompo menginang Umai nabari teada ntaninya sanu tinuru'i niira sima mongugas tepenginunong'tecere,ane teurong. ⁵ Karena he'ua tetoo-too nuVarisi ane teguru-guru nuhukum nu'Alata'ala nonjarita eisi Yesus,"Temurit-murit -Mu jio monoruk teada nusiopu ni'ita luulu mai!Siira menginang tapi siira jiompo monambas telima niira luulu." ⁶ Si Yesus nonyimbat eisiira,"Si'emiu tetoo-too sanu inita mombosi tapi majaat.Tutuu tejarita nu'Alata'ala sanu tinulisa niNabi Yesaya sima si'emiu luulu.Te'Alata'ala nongular, 'Tetoo-too eini nomuji Sia'u eivivi niira. ⁷ Jio oguno siira monyomba " eiSia'u.Karena siira nomaguru tetoo-too monuut tepangajar numanusia ane jio tepangajar nu'Alata'ala.' " ⁸ Lamai he'ua siYesus nojarita sima eini valii,"Si'emiu jio nonarima tepatuju nu'Alata'Ala.Si'emiu boi nolambot teada numanusia." ⁹ Lamai he'ua siYesus nonjarita eisiira,"Si'emiu majaat nomatuvaya tepatuju nuhukum nu'Alata'alaantau molambot teadamu. ¹⁰ SiNabi Musa nojarita,'Po'ongko eisiamamu ane siinamu,'ane'Sisee-see monulak siamanta atau siinanya,kanaboi siia nopatei." ^{13 11} Tapi si' emiu tetoo-too nuVarisi ane teguru-guru nuhukum nu' Alata'ala nonjarita, tetoo maala mongulara eisiamanya atau siinaya, ''Tesapa sanu kanaboi si'emiu ma'aala lamai sia'u pinake tepombee sanu tebatuanya tepombee ei'Alata'ala. ¹² Lamai he'ua si'emiu jio mombeena' onye siia mogutu tesapa-sapa mondulu siamanya atau siinanya.'/v 13 Ane sima he'ua si' emiu jio pino'inepea'onya tejarita nu'alata'ala antau montaani teada sanu pinagurua ni'emiu. Mabari tesaba ntaninya sima heu'a sanu pinogutu ni'emiu''. ¹⁴ 14 Lamai he'ua siYesus noleva jojoo tetoo sanu umai eiri'ua ane nonjarita eisiira,"Po'inepea mombosi eiSia'u si'emiu jojoo,ane mo'otoi tesapa sanu Uulara eisi'emiu. ¹⁵ o umai te'aniong sanu no'inang nutoo maala no'encina'onya eimata nu'Alata'ala.Tapi tegauk sanu majaat sanu mompamula lamai teambok nutoo he'ua sanu no'encina'onya." ¹⁶ Jojoo tetoo po'inepea tututuu tejarita'U! ¹⁷ Watun siYesus nolinjo'i tetoo bari he'ua ane nentama eivonua,temurit-murit-Nya no'utanya eiSiia tebatua nupogurapanong sanu inulara eikokua he'ua. ¹⁸ Siia nonyimbat ,"Si'emiu selilio boi simo tetoo-too ntaninya ane jio mo'otoi tebatua nujarita'U.Si'emiu jio mo'otoi tesapa sanu ininang ane ininung jio maala mencina'onya. ¹⁹ Karena te'anjong he'ua jio nentama eilalong nuambok tapi nentama eilalong nu'ompong,lamai he'ua sinuvuna lamai te'alaenya." Watu siYesus nongulara he'ua,siia nopa'apatas jio umai te'aniong sanu mepali. ²⁰ Lamai he'ua Siia nojaritaonye,"Tesapa sanu mesuvung lami teambok nutoo,he'ua mencina'onya. ²¹ Karena lamai eilalong nuambok nutoo mompamula tepikiran sanu majaat,monuru'i te'eseseilu sanu majaat,mongangga ,momate, ²² monyaapi modoko,te'ajajaat,malampoa,monggauka mabari sanu majaat'ne'iri hati,monjaati tetoo,majampa,jio seilu nopagurui. ²³ Jojoo sanu majaat eini mompamula lamai eilalong nuambok nutoo ane mencina'onya." ²⁴ Lamai he'ua siYesus melampa eitana sanu mo'osuk teKota nuTirus Eiri'ua siia mentama eilalong nuvonua. Siia jio seilu umai tetoo mo' otoi te'ajajaok-Nya, tapi te'ajajaok-Nya jio maala sinoya. ²⁵ Umai sotoo tebengkel he'ua ne'eepe siYesus eiri'ua, siia nanjaok ane nopotu'u eitolo niYesus. ²⁶ Tebengkel he'ua jio tetoo nuYahudi tapi tetoo nuSiro-Penisia. Siia nomongi eisiYesus mombungo te' alus sanu majaat he'ua nesuvung lamai teunganya bengkel. ²⁷ Tapi siYesus nonyimbat eibengkel he'ua, ''Patuvaya teunga-unga nopo'ovosu luulu, karna jio mombosi mongala teroti nuunga ane mombeena eiasu-asu.'' ²⁸ Tebengkel he'ua mo'otoi siYesus nogurapang tetoo-too jio nuYahudi sima teasu-asu ane tetoo-too nuYahudi, sima teunga-unga. Lamai he'ua siia nonyimbat, ''Oie, tutuu he'ua, siopu. Tapi teasu nenginang te'aniong sanu nanavu lamai temeja. Karna he'ua dului sia'u maampo sede'i'' ²⁹ Lamai he'ua siYesus nonjarita eisiia, ''Karna tesimbatmu tutuu, pelampamo si'oo e'eini. Te'alus he'ua nesuvungo lamai teungamu.'' ³⁰ Tebengkel he'ua netencile ane nongita teunganya bengkel nopoduling ane nongondok eibabok nupo' oturuong. Te'alus sanu majaat he'ua nesuvungo. ³¹ Lamai he'ua siYesus nolinjo'i teTana nuTirus ane nalabat teSidon uma'o eiBonto nuGalilea eiTana nuDekapolis. ³² Eiri'ua lasiatoo nongomung sotoo telangkai eisiYesus. Tetoo eini nobongol ane nonjarita nongaduduut. Siira nomongi siYesus monggama siia antau siia meondok. ³³ Lamai he'ua, siYesus nongantaa siia lamai tepeinconong nutoo he'ua, boi siira rotoo. SiYesus nentamaa tebubuanong nulima eilalong nutelinga nutoo he'ua lamai he'ua. ³⁴ Lamai he'ua, siYesus nopongaring eilagit ane neambok nooge ane nonjarita eitoo he'ua, ''evata!'' sanu tebatuanya, ''Netebo'amo!'' ³⁵ Selengaan tetoo he'ua maalamo ne'eepe ane teoyonya mombosimo ane siia naalamo nonjarita mapatas. ³⁶ Lamai he'ua siYesus nontuuna eitoo-too sanu umai eiri'ua antau inyaa mongulara eitoo-too sima tegauk he'ua. Maampo siia nontuuna siira,siira boi nelabi valii nokarevaa eitoo-too ntaninya. ³⁷ Jojoo tetoo neherang tutuu tesapa sanu pinogutu niYesus ane nonjarita, ''jojoocsanu ginauka'o-Nya mombosi. Tetoo sanu nobongol pinogutu-Nya ne'eepe ane sanu nobobo maala nonjarita!''