Eldaganni Apoltonna Stefanus ¹ Ahmurinnya, Imam Bokollo atakkinanniki, Penna elheppinjana?" ² Monno, Stefanus eltakkiyaka, Ndungkambu ngarrakehe monno Mbapa-mbapa, rongngogo yaya. Maramba Allah ella Mahamulia elhunda ella ambu nuhinda, Abraham, eb ewani ella Mesopotamia, eb janna epani ella Haran, ³ monno eltakkinandiki ' Cibaka eltanamu monno walli ella ndungkambummu, menge emewalimabamuku eltana monno kubhundogunniki elbarramu.' ⁴ Mengeke, Abraham lamdalaniki a tana toyo Kasdim monno eldoyo ella Haran. Monno walli nonno, mbanna mati a mbapanna, Maramba Allah laptumboniki diki walli ella tana, ebdolondummu hennene. ⁵ Ndika, Maramba Allah janna wongo warisan elbarrana, monno janna wonni antana hodipangngu, ndimokko ella laprahingngo ella wongngo keturunana muriwali-muriwali, tenggerejapongngoko an anana. ⁶ Ndidonomoko, Maramba Allah eltakki henyaniki, monno ellak kataddina a dadi eldadi to eminni eltana toyo monno ndiyo ngarrakehe pap atang monno pap wende ella potto ngahu ndoyo. ⁷ Ndimokko, Yaya el rotehi bangsa epap atanga ndiyo ngarrakehe, ' Wena Maramba Allah,' Monno, menge ta etu ndiyo ndika loho walli ella nonno monno habayang elbara-Gu yiyo lapdoyo.' ⁸ Mengeke, Maramba Allah elwonniki Abrahamma prahingngo sunat, mokko Abraham eldadika mbapanna Ishak monno elsunatyaka ebanna umurrongo pandapotto lodo, monno Ishak eldadika mbapanna Yakub, monno Yakub, el hakbulu nduyo ambu. ⁹ Orro knoreknanni Yusuf, mbapa ambu nuhinnda yica lahmahindi el Mesir. Ndimokko, Maramba Allah eldaginni Yusuf, ¹⁰ monno lahlamatoyo walli ella kriyo, monno elwonniki pamnoworrongngo jappa ukur monno japkira monno apeghe enna lahdapanna Firaun, a Raja Mesir, ellapdadiya akpalana Mesir monno ngarrakehe istananna. ¹¹ Enna lodono, eldadika aklamba ella Mesir monno Kanaan, menge eldadika akriyo bokollo, ella ambu nuhidda yica monno indi ngole pahmuyo. ¹² Ndimokko, menge Yakub mbanna rongngoyo monno engngo gandum ella Mesir, ndiyo laptumbodiki eh ambu nuhinda yica otindi ononno lakwungoniki. ¹³ Enna mbanna lahmatang abduna, Yusuf laphunniki apoltonna elbarrana ngarrakehe eh ndungkambunna, monno eh mbarra ollehna Yusuf eldahaka elbarana Firaun. ¹⁴ Menge, Yusuf lappangandingo liyo monno lakwuloni Yakub, a mbapanna, monno ngarrakehe ndungkambunna, ngarrakehe 75 paltodda. ¹⁵ Mokko, elburuka Yakub el Mesir monno ndiyo elmatikka ononno, ndiyo monno ambu nuhinja yica. ¹⁶ Walli eja, ndiyo ngarrakehe ap dikindiki ella Sikhem monno a pamdurundiki ellah hondinya Abraham a kahiyaka enna walinya ndingi walli ella walinya eh annanna Hemor el Sikhem. ¹⁷ Ndimokko, mbanna tukkaka enna loddo paprahingngo, eh menge Maramba Allah pap takinna elbarrana Abraham, enna bangsa lamtombo ndangada monno ella rehiya ndangada walli ella Mesir, ¹⁸ ndukinni enna raja heka el ndetengngo ella pannuna Mesir, eljanna peghenni tutunna Yusuf. ¹⁹ Enna Raja lamgunnoni a bangsanda yica monno akwotinni ambu nuhinda yica monno aphahandi hankede akpattindi annalakede rara ndiyo ngarrakehe ella janna matahanga mopirra. ²⁰ Enna loddono, Musa el ndadika monno ndiyo hekdahana elmatanna Maramba Allah. Monno, Musa akraghayaka el ummana mbapanna tallu wulla. ²¹ Monno, enna mbakpattini, enna ana warconna Firaun eldekeya monno lakraghayaka lundulappa mbanna mbokollo monno mereke eb anaknehenani. ²² Mokko, Musa a paknekenniki ella lapdonna a toyo peghe ella Mesir monno ndiyo ndika lakwuaha ellap pneghen monno ella hadanna. ²³ Ndimokko, mbanna tutu a umurronno Musa potto kabullu ndoyo, el hundakka walli atinnya monno lammatandi eh ndungkambunna ngarrakehe, ella kattajadinna Israel. ²⁴ Monno, menge mba icaya lahtoyo walli ella ndiyo ngarrakehe aplakundiki janna ghenne walli ella toyo Mesir, Musa ella emminiki mibelahi ngarrakehe atoyo pakwotengo paghili monno ella wolohohi eh toyo papwunu menge lahmatihiki eh toyo Mesir. ²⁵ Musa lapngaddadinki eh ndungkambunna ngarrakehe ella peghe monno Maramba Allah el wondiki halammato walli ella poltonna Musa, ndimokko ndiyo ngarrakehe japeghenni. ²⁶ Enna lodonno, Musa ella otinni eltoyo Israel eltenggero abdonggolong, monno ndiyo ellbengo pa apindi tanna jahpallungo, menge lapneghengoko,' Hai, monno penna merewongo indipadungkambungo, penna yemmi mbuhadduwumi?' ²⁷ Ndimokko, enna toyo laphaduwuna ellapdikinni Musa ella krahanna monno lapneghen,' monno garranggu yoyo elmerewongo tokkwaha gamma yamma? ²⁸ Monno penna yoyo bengo wunugamma yamma mere ebwunihi toyo Israel wimolo?' ²⁹ Elrongngoyoko ebtakinna atoyo, Musa laplayaka monno enniki el tanan Midian. Enonno, ndiyo mbapanandiki eh to nduyo halkebani. ³⁰ Menge pahika potto kabullu ndoyo, enna lahtoyo malaikat laphunda wunaka elbarana Musa ellam mradda niala ella leten Sinai, ella lamma api eltarra dolo. ³¹ Enna Musa mbanna iceya, ndiyo lamngorohoko mbanna iceya henyani. Monno, enna tukaya harrapandaha wani, emminiki akpokolinnya Morri, ' ³² Yaya ndoyaka Maramba Allah Ishak, monno Maramba Allah Yakub.' menge Musa lakdandaka kbohi monno janna brani harrapandahinni. ³³ Mengeke, Morri eltakkinanniki, ' pahallamaka eh koppowitummu walli ella witimu enna nana padondedemu ndidoyaka tanna mbiha. ³⁴ Yaya hettopinjana mbaku iceya krinna enna umatung-Gu ella enni el Mesir monno mengeke mbaku rongngohi iha-ihada ngarrakehe. Yaya menge mbaku mburu pahlamatihi ndiyo ngarrakehe. Monno henenne mabika , Yaya laptumbonggu ella Mesir.' ³⁵ Musa, ella menge patolakado ndiyo monno lapneghen, ' Garraniki a wonggu kwuaha monno topprehe ella poltomma yamma?' Ndiyo ndidoyaka a toyo paptumbana Maramba Allah tutunna eldadi, enna kwuahanna monno pahlamatoyo, walli ella limmana malaikata ella laphundawuna poltonna ella barrana tarra. ³⁶ Yiya a toyo ella ngandihi lohho, pamrengeni padadi pamngoroho ndengengoyo monno atanda-tanda ajaib eltanna Mesir, monno el wemahi ndorongo, monno ella lambrada niala potto kabullu ndoyo. ³⁷ Musa ndoyaka eltakkinanni a bangsa Israel,' Maramba Allah ella keketughu lahtoyo a nabi ella merengga yaya walli ella ndungkambummu.' ³⁸ ndidoyaka yiya atoyo ella enni elbarana ajemaata ella marada niala ollena a malaikata ellap negheng ella pannu letenne Sinai. monno enna olengo ambu nuhinda yica, monno ndiyo elhimbaya linnya elmopir papwodanda yica. ³⁹ Ambu nuhinda yica eljanna himbaya ebtakkina Musa, ndimokko eldikika monno elbalika el Mesir walli ella atija, ⁴⁰ enna takiyaka elbaranda Harun,'Padahammanggamaka ndewa-ndewa ellah loko ellahdapamma tutunna yiya Musa, ella ngandigamma lohho walli ella tanna Mesir, yamma jamma peghenni eldadi elpoltonna.' ⁴¹ Enna lodona, ndiyo ngarrakehe apdahaka mbipatung ana lembu, monno wonniki persembahannonno elbarana berhalada, menge engge engeniki enna papghilija ehlimmada. ⁴² Ndimoko, Maramba Allah lamdallindiki walli ella ndiyo monno laphallahiki mapamlanguya ennatentara kramba, elmereke lamturoho ella buku mbihana ngarra eh nabi,' Penakah yoyo ebngandiya elbarra-Gu enna akhranga paptebe monno pahrakummu enna la potto kabullu ndoyo ella marada niala, hai toyo Israel? ⁴³ Yemmi elngandiya anna kombongono Molokh monno madunna ndewamu, Refan, akhaltoyo papdahamu monno sembaya, monno Yaya kupattigukku ellah balinya henenna Babel.' Am.'5:25-27 ⁴⁴ Ambu nuhinja yica engnga ummada ella marada niala, mereke epaptumbana Mori Maramba Allah elbarana Musa, tanna lapdahaya elmere rupana eb icana. ⁴⁵ mengeke mbanna himbaya enna umma, ambu nuhinda elngandiyaka monno eltamaka ndungnga Yosua, enna lodonna mbaka karebaya atanada ndiyo walli ella bangsa-bangsa heka, eh menge papdikinnya Maramba Allah walli ella lahdapadda ambu nuhinda yica, ndukinni enna sammanonno Daud. ⁴⁶ Daud ella ngoleko pamnoworonna walli ella Maramba Allah monno lakreyo ngolewongo padolondono enna Maramba Allah Yakub. ⁴⁷ Ndimoko, Salomono ellapkedeya enna umma-Na Ndiyo. ⁴⁸ Ndimoko, Enna Lamdete janna ndoyo ella umma papdahana atoyo piya, ebtakinna enna nabi, ⁴⁹ Akramba ndidoyaka atahta-Gu monno pannu tana ndidoyaka padon dekenna awiting-Gu. appa Ummayaka ehbemmu pakdeya tanggu-Gu Yaya?' Lapneghengoko Maramba Allah,' ato, ndiyaka epapdonggu hangahungg-Gu? ⁵⁰ monno indilimagundi Yaya lapdahaya ngarrakehe yiya?' Yesaya 66: 1-2 ⁵¹ Hai, yemmi toyo ndanga ella tonggoro katakku, wango ati monno roktillu ebjappa sunat, yemmi engemi eb gabbani Ndewa Mbihanna, mereke epap plakunna ambu nuhimmu! ⁵² Ngarrakehe eh Nabi ebjappa pakriya walli ella ambu nuhimmu ? Monno, ndiyo ngarrakehe awunuhi ngarrakehe atoyo ebjanna ummumpani tutu emini Enna Elle Ghenne, ella hennenne ella menge padadiya apoltommu knehengo ella padenja monno ella wunu. ⁵³ Yemmi, ella menge himbaya ahukum Taurat elmereke ebhimbada ngarrakehe malaikat, ndimoko yemmi indi daganni!'' Stefanus A wunuya ⁵⁴ Menge ndiyo ngarrakehe rongoyo tutunna yiya, atija ndiyo ngarrakehe lamdakurongngo monno pamghilur wunganduda ndiyo ngarrakehe ellahladapanna Stefanus. ⁵⁵ Ndimoko, Stefanus a bannuniki Ndewa Mbihanna lakharaniki ella lakramba monno ella iceyaka ndahana Maramba Allah, monno Yesus ella dende lakwannanna Maramba Allah. ⁵⁶ Stefanus lapneghen, " Rongngoyo! Yaya ella iceya akramba lamwuke monno Anna Topiya ella dende ella lakwannanna Maramba Allah." ⁵⁷ Ndimokko, ndiyo ngarrakehe akyokongo wahhi lantakka, monno atodi roktilluda ndiyo, menge a pahwungo gabbani Stefanus. ⁵⁸ menge, ndiyo ngarrakehe atinguka ngandiya lakdellek walli ella Kota monno amulaika gheghuya wango watu. Mengeke, ngarrakehe a iceya wango mata a halliniki akhihinya ndiyo ngarrakehe ella witinya lahtoyo enna apemuda ella ngarango Saulus. ⁵⁹ Monno, ndiyo ngarrakehe appaluya Stefanus ella lakyokong monno lapneghen," Mori Yesus, himbaganni ndewanggu." ⁶⁰ Mengeke, mbanna tokkondi ehkundana, ndiyo lakwullongo wahhika, " Mori, ambawonggani yiya adohodo ndiyo ngarrakehe!" Monno, mengeke mbanna takkiya, ndiyo ella matikka.