Pitu Toyo Ehpende tutunna Pelayanan Khusus ¹ Enna loddo ndangana, a dangada eh muridconno amtombo, ahngurukuda ellwalingo ella toyo danga Helenis lahdapada atoyo danga Ibrani topinja ndimokko eh warcoyo janga laghitja ablihekdiki walli ella wongngo muyo delloko-delloko. ² Mokko, eh hakbullu nduyo a rasullo akwullundiki ngarrakehe murid monno eltakkinandiki," Janna ghenne elbarrama yamma ebbu indiwani linnya Mori atutunna apelayananna ella meja. ³ Ndidokka, ngarrakehe ndungkambu, pende mbahiki eh topitu walli ella barramu elhetopinjana ndahana, elbannuni Ndewa Mbihanna monno engnga hikmat, epapkotama tutunna yiya atugasa. ⁴ Hennyaka, yamma mamkrohika ah mbayango monno mam padukinni a linnya Mori." ⁵ Ebtakinna netu pap ndaha ati ndengengoyo atodanga. Monno, ndiyo ngarrakehe apendeke Stefanus, toyo pahbanungo atiwayo monno Ndewa Mbiha, monno Filipus, Prokhorus, Nikanor, Timon, Parmenas, dan Nikolaus, monno proselit walli ella Antiokhia. ⁶ Ndiyo ngarrakehe endilahdapat eh rasul ngarrakehe, monno menge mbahbayang, ngarrakehe rasul awotidinki limma eh topitu toyo. ⁷ Linnya Mori Maramba Allah engenna mbanna hobborong ella Yerusalem eltomboh ndanga, Monno, ellakklompok imam bokollo a bengoko atiwango. Adogolloyo Stefanus ⁸ Monno, Stefanus, a mbannuni ndewa mbihanna monno kuahanna, epap dadinnya pamngoroho ndengengoyo eldadi elbarrana atodanga. ⁹ Ndimokko, endi ehpira atoyo walli ella Sinagoge ebtakki atoyo Libertini, monno atoyo Kirene monno atoyo Aleksandria, monno a pirratoyo walli ella Kilikia monno Asia, akede monno gabbani Stefanus. ¹⁰ Ndimokko, ndiyo ngarrakehe janga elmampu mba gabbani apeghen monno Ndewa Mbihana ella Stefanus eltakkinanni. ¹¹ menge, akdannaka ndiyo ngarrakehe monno anummayaka apirra toyo monno etakkiyaka, " Yamma mengeke mbam rongoyo yiya toyo mbanna takkiya eljanna daha ellalahdapan Musa monno ella maramba Allah!" ¹² Monno, ndiyo ngarrakehe awonni paghahhi eh todanga, ehtom lupu, monno ngarrakehe ahli Taurat, mengeke otidinki ella Stefanus, monno dogolloyaka, mengeke a ngandiyaka ella Sanhedrin. ¹³ Ndiyo ngarrakehe otindi ella lahdapad ngarrakehe saksi mbolete ella takkiya," Yiya atoyo janna ndukongo mbanna paneghen monno lamlawanna yiya lapdoyo ella mbiha monno Hukum Taurat. ¹⁴ Ndidokka, yamma mengeke mbamma rongoyo ndiyo mbanna takkiya monno Yesus walli ella Nazaret ndikka lahmoyo yiya pandoyo monno laphekinni a adatonno yita walli ella Musa ." ¹⁵ Monno, mbakharranni a rupanna Stefanus, ngarrakehe atoyo ella londo Sanhedrin el iccaya rupa mailakat.