¹ Monno, Saulus waddi el lastujuyaka ebwunuya Stefanus. Saulus ella wunu kehehiki ehjemaato el Yerusalem enna lodonno, habereng bokollo eldadi elbarana jemaato el Yerusalem, monno ndiyo ngarrakehe amhoborong ella kalli batu Yudea monno Samaria, hadaja eh rasul ngarrakehe. ² Eh toyo a ndaha atonnoniki Stefanus monno enniki akabebe ati bokollo elbarada. ³ Ndimokko, Saulus ella bengo hamengendi ngarrakehe ajemato walli ella ngarrakehe umma. Ndiyo ella tinguhi ngarrakehe hakbani monno ehwarcoyo, menge ella pahrakandiki ella gallu. Filipus Lapdukinni enna Injil el Samaria. ⁴ Menge, ndiyo ngarrakehe amhobborongoko monno enna aklilingniki monno abnukinni enna Injili. ⁵ Filipus elburu ella Kota monno el Samaria monno lapdukinniki liyo tutunna Kristus. ⁶ Monno, atodanga elpahwungo atinnya payaka ebtakinna Filipus e ndiyo ngarrakehe arongoyo monno a iceya atanda-tandana ella pamngoroho ndengengoyo el dadi. ⁷ Ndimoko, ndewa-ndewa indaha enna lohho walli ella atodanga ebwalinya ndewa indaha, monno akyokongoko wahingoko, menge atodanga elndanga atokliku monno lakdeku ebtonggoho. ⁸ Ndidoyaka, enniki enna engge ati bokollo ella kota. ⁹ Ndimoko, enni akbani elngarango Simon enna ahmurinnya laplakuya asihir ella kota monno abekeheni atodanga ella Samaria, monno ella takkiya apoltonna tobokollo. ¹⁰ Ngarrakehe atodanga, walli laktappa lundulappa ato bokollo, lapneghen, "Yiya atoyo ndidoyaka akwahana Maramba Allah ebtakki 'Bokollo'". ¹¹ Mokko, ndiyo ngarrakehe akharra liheking monno amandeka ndiyo mabdahaya pamgoroho ndengengoyo enna sihironno. ¹² Ndimokko, menge ngarrakehe atoyo ella wani Filipus ellapdukinni enna Injil tutunna atokkona Maramba Allah monno ngarrana Kristus Yesus, ndiyo ngarrakehe ab ihohiki, lakbani monno rawicoyo. ¹³ Ndimokko, Simon kneheng ella wani monno menge mbap ihaya, ndiyo krohing ella enni elbarana Filipus, monno ndika mbanna iceya hekdanganna enna mujizata monno enna atanda-tandana ella pamngoroho ndengengoya eldadi. ¹⁴ Enna loddona, ehrasul-rasul ella Yerusalem arongoya ndidoka enna atodanga Samaria menge mba himbaya alinnya Mori Maramba Allah, ndiyo ngarrakehe abtumboniki Petrus monno Yohanes elbarada atodanga enonno, ¹⁵ ella emeni monno lahbango tutuda ndiyo ngarrakehe tanna ndiyo ahimbaya Ndewa Mbihanna. ¹⁶ Ndika, Ndewa Mbihanna janna mburupongo elbarana lahtoyo walli ella ndiyo ngarrakehe, ndiyo ngarrakehe menge mbap ihohi elbarra ngarrana Tuhan Yesus. ¹⁷ Menge, Petrus monno Yohanes akobokngoko limma ella pannu katakkuda ndiyo monno ndiyo ngarrakehe himbayaka Ndewa Mbiha. ¹⁸ Ndika Simon iceya enni Ndewa Mbiha ella wongo lewato akobokong limmada ehrasul-rasul, Simon eltoworindi ndingi elbarada ehrasul-rasul ngarrakehe, ¹⁹ menge atakkiyaka, " Wonggamani akwuaha yiyo menge ngarratoyo papkobokongo limmanggu ella himbayaka Ndewa Mbiha." ²⁰ Ndimokko, Petrus eltakinaniki Simon," ebnika andingimu netu mbinasa engeni apoltommu ndika yoyo abngadamu ngole wani akarunia walli ella Maramba Allah wango ndingi! ²¹ Yemmi jango tanggumi ato hakamu ella dodollo enna atimmu janna luruho ellahdapanna Maramba Allah. ²² Ndika, dukabaka walli ella janna ndaha yiya monno hababingoko ella barrana Mori tanna ella wonggu bengo walli ella atimmu monno amnoworonggu. ²³ Ndika, yaya iceya monno yemmi yinni ella atimmu dodolo ella paddu monno ella laptanna janna ndaha." ²⁴ Ndimokko, Simon ella wolohoyo monno eltakiyaka, " Habanggo yaya elbarrana Mori monno epaptakimmu yoyo janna mbaliya ella yaya." ²⁵ Mokko, menge Petrus monno Yohanes enna abnukinni topinjoni monno linnya Morri, ndiyo ngarrakehe abalihiki ella Yerusalem monno abnukinni a injili eldanga dehe atoyo Samaria. Filipus lap ihaya Atoyo Etiopia ²⁶ Ahmurinnya, malaikatanno Mori lapneghengoko elbarrana Filipus wenaka, " Kedde mbaka monno otubangguku ella Selatan, ellara pahburunna walli ella Yerusalem laotu ella Gaza. Alarra ndidoyaka alarra ella jango tonna." ²⁷ Filipus ella kedde monno otinniki. Monno, ella hunda lahtoyo Etiopia, ndidohiki sida-sida walli ella tobokollo ella pengadilan Sri Kandake, Ratu tokkona Etiopia. Ndiyo ella lakwuahihi ngarrakehe enna hartanna mintokko. Ndiyo ella emini ella Yerusalem monno lahbango, ²⁸ monno tenggerena mbanna mbaliya, tenggere lodonna ella krete monno ella baca kitabponno Nabi Yesaya ²⁹ Menge, Ndewa Mbiha lapneghengoko ella barrana Filipus, " ³⁰ Mokko, Filipus laplayo ella Krete monno ella rongoya enna toyo tenggerena mbanna mbacaya kitab Nabi Yesaya. Filipus laklerenniki, " Payaka ehpeghummu epahbacum tuan?" ³¹ Monno, enna toyo lapwolohoko," Penna yaya mbanna ndadi, ndimokko lahtoyo ella lap apinggo?" Mokko, ndiyo ella kwulloni Filipus tanna eldetongo nonno ellondo engeni. ³² Enna lodonna, lahwadikongo walli ella Kitab Suci eltenggeren pahbacanna ndiyo ndidoyaka yiya," Ndiyo papngandi elmereka anna domba papngandi ella papdobteba, monno mereka anna domba ebjappa guti logenna lakbanga ndidoyaka Ndiyo janna mbungkereya aghobanna. ³³ Ebtenggeren hapandijanni Ndiyo, ellajanna adillo akrebananni walli ella Ndiyo. Garraniki ella ngoleya lapneghenni atutunna kataddi ndadi-Nya? Ndika, amopironno Ndiyo menge mbakka krebaya walli ella pannu tanna. " Yes. 53:7-8 ³⁴ Ahmurinnya, sida-sida enna awolohoyo monno atakinanniki Filipus, " Yaya lakreyo elbarramu, tutunna garraniki enna nabi eltakiya yiya, tutunna apoltonna kneheng ato tutunna toheke?" ³⁵ Menge, Filipus elbungkere aghobanna, monno ella lakwunniki abacaya yiya Akitab Suci, ndiyo ella kotbah tutunna Yesus elpoltonna. ³⁶ Monno, ediyo mba otindi ahlokinni alarra, ndiyo nduki ellapdoyo menge wennya, monno sida-sida eltakiyaka," icabaka, engngo, weyo! Payaka laphalangonggo ebbakku paihanggu?" ³⁷ [Menge, Filipus eltakiya,'' ebwajonggo tuan mokko wali lakkiatingmu, mabika tuan." Menge, ndiyo elwolohoko monno eltakiyaka, " Yaya kuwaniki Kristus Yesus ndidoyaka Ananna Maramba Allah."] ³⁸ Ahmurinnya, sida-sida lapretehi kereta tanna lapdendeya. Monno, ndiyo toduyo aburuka elweyo, Filipus monno Sida-sida, menge Filipus lap ihohiki. ³⁹ Mengeke ndiyo toduyo mbaloho walli ella weyo, Ndewa Mbihanna Mori ella enniki elbarana Filipus monno el otniki, monno sida-sida ja iceya wallika, menge ahloko krohika monno engge atika. ⁴⁰ Ndimoko, Filipus eldukinni apoltonna enni ella Asdod, monno ebhennya ndiyo mbanna langani akawasanno, ndiyo lapdukinni a Injillo el ngarrakehe kota lundulappa el Kaisarea.