1 Tabollo, Saulus engana bana kajijko mono hamateyi hitu ana lima nai Mori, na halako arodi hitu Imam bokola, 2 mono na kareyi hurata kawali la iyo, hitu paha wono yila sinagoge-sinagoge la Damsyik bana toboka toyo kadokini yina lara, wali kabani koha mawinne, na dukiniponi bana raddidi kaloro bohi nola Yerusalem. 3 Kahekalango bana halako, na manari dukini yina Damsyik, neme hawodani ka nerko wali langto ka kilorani. 4 Lodona, iyo na kanadu la tana mono na rongoya na li kaha newe kawenna labarana, "Saulus, Saulus, aba mamu hamayilawa Yayo?" 5 Saulus na kapatani, "Garagu Yoyo, Mori?" Mono, Iyo na baleha, "Yadoka Yesus, ha paha mayilamu. 6 Ta idoyaka, kodewu kamu halakowu nola harona, mono katokigudi ahan neponi harayimu." 7 Hitu toyo ole halako nai Saulus da dede mono jeda hanewkma bada poja harongoya nona liyo, bajeda itenemo hawuaki toyo. 8 Saulus nakode wali la tanah, lopo na hawola doi matana, iyo janekmango ha ite ana. moka, hitu toyo ika hatutuni wani lima mono da tama ngodiya la Damsyik. 9 Mono, katolu lodongo, jena ite himango mono jena mukma mono jena inukma. 10 atu na lodona, nene naha wu toyo ana lima la Damsyik, ka ngarangoi Ananias. Mori naha newe ledengo ha itena, "Ananias!" Moka, Ananias na baleha, "Yadoka yi, Mori." 11 Lodonaka, Mori wena labarana, 'Kodewuka mono kamu halakowu nola lara nona lara lurho hawengo, mono la umanai Yudas, kamu mayegani nona toyo Tarsus kangaroi Saulu sorona, kamu pahorani, nona toyo baka wojo nani, 12 mono iyo abu kolena ha itena yina ha wu toyo ka ngarangoi Ananias na mayo mono na pajolani lima laponu katokuna kana ite habali." 13 tabollo, Ananias nabaleha, "Mori, yayo gu rongo mowa la toyo nanga tutuna yina toyo, dangakalayi kajapata harayina labarada hitu toyo hatena-Mu la Yerusalem, 14 mono wali kanono ia mana kolengo kuaha wali nola imam kapala kana radi kaloro bohi tangada toyo ka kawulo guni na ngara-Mu." 15 Ta idoya, Mori wenna labarana, "Halakowu orongo yina toyo hapedeguni kana halako ngodi gani na ngara-Gu la aroda hitu toyo hawadeka, mono hitu raja-raja, mono hitu toyo Israel. 16 Orona, Yayo gu patingo kanani labarana badanga neho nama yila ha arona orona na ngara-Gu." 17 Moka, Ananias na halako mono na tama nola uma, mono poja hajolani lima la ponu katokunai Saulus, iya wenani, "Saulus bagu olebeggu, yitu kapatingo wungo la baramu batongro lalarawu bamu ma neme, ika hawedewa kam ite habaliwu mono kana bonugu Waddi Katengngo." 18 Lodona, poja belhala kanono, nedi ka mera napu iyakala kakanadu wali la matana mono iya haite habali dongana. lodona, iya na kode mono ha ihoya. Saulus bana Kapunengeni Talarani Tutunai Yesus 19 Mono, bada poja ha muyo, iyo oledi hitu ana limana ba enga hona la Damsyik kapira lodongo. 20 Mono, walina bana halege talarani tutunai Yesus nola sinagoge-sinagoge ledengo ba wena. 'Yesus Ana Allah ya. 21 Tangada toyo karongoya da bangaro mono weda, "Jeikado yika nengo la Yerusalem kamateyi hitu toyo katokiya yina ngara mono kama hena la hakbu atena na ngodi ba engango ba raddidi la aroda hitu imam-imam kapala?" 22 Ta idoya, Saulus na kiki kolho mono na habangaroyi hitu toyo Yahudi ka engango nola Damsyik ledengo na patingoni ba yitui Yesus ba Kristus ya. Saulus Na Hilpo Wali Hila Toyo Yahudi 23 kole bana dibaka kapira lodongo, hitu toyo Yahudi da woroni ka hamateyai Saulus bawedda, 24 tabolo yiha woroda boda taja ulu nani yitui Saulus. Da hamataridi hitu tangada bina bokola wali hudo lodo ka dukini hamateya baweda. 25 Ta idoya, hitu ana limanai Saulus na ngodiya noyo bana hudongo da haburuni ha lini nola atro bada hajolani lima nola habura. Saulus La Yerusalem 26 Bana poja haduki Saulus la Yerusalem, iyo na kabango hakoha wuna nola ole ana limana. Ta idoya, tangada da kabohini orongo jeda hatenak mahoya ma ole ana lima dani. 27 tabollo, Barnabas da opohoyai Saulus mono na marongani nola rasul mono na dulkoya apa nyina bana hatobo kadongani yitui Mori nola lara bana halako, mono bana hanewe yitui Mori la barana, mono apa nyina bana dadi hanewe nani na ngara nai Yesus la Damsyik. 28 Mono, Saulus na oledi tangada bada tama mono bada lohongo nola Yerusalem hagapengo bada talarani na ngara nai Mori. 29 Iyo naha newe da hagobango dugui Helenis, tabolo na kabu ateni hamateya. 30 hitu ole hatena bada taja wani bahenna, na buru ngodiya nola Kaisarea mono da hawedeya nola Tarsus. 31 Oro ineyaka, hitu tangada toyo hatena tangana la Yudea,mono Galilea, mono Samaria da kolengo magebora mono da mataba. Mono, morho ba engango kabohini yitu Mori, mono yila hiburna na Wadi Katengo, da pakitango mataba danga. Petrus La Harona Lida mono Yope 32 Nengo yiyo diha lodo, bana poja hawoletani nona ha doyo, ia na lo duki jala hitu toyo muraha ka engango nola Lida. 33 Noha bali, iya bana tobokaya na wuyo na toyo kangarango Eneas, ka engango majuru nola pinyana ka podo pato dungo oronga bana kaliku. 34 Lodono, Petrus wenna la barana, "Eneas, Yesus Kristus napa togahawu. kodde wuka mono kamu hamadiya na hadoyo majurumu!" Mono, wali nomemaka, Eneas na kodde. 35 Moka tangada hitu toyo ka engango la Lida mono Saron da iteya mono da poterango lai Mori. 36 Diha lodo, la Yope, neni na hawu toyo ana lima ka mawinengo ka ngaroi Tabita, ngara hawedakana yitui Dorkas. Iyo na bonuni harayi kadoha mono oro manutana. 37 nona lodoka, nadadika bana dukin kalawara mono mate. lodona, lodona, hitu toyo hawedaka bada poja pa ihoya mono napa majuruya nola koro kadoyo deta. 38 Orongo yina Lida bana doheka neya nona Yope, hitu ana lima, bada poja harongoya yitui Petrus baneni noha bali, da hawede du toyo lai Petrus mono dapa ohaya, "Abu hilu hadiki kakinika na rahi halakomu nola hadoma!" 39 Moka, Petrus na kode dede mono halako marongadi. Mono, iyo na duki, da ngodiya nola koro kado deta. Tangada hitu mawine balu da dede koha la barana Petrus mono engada huyo mono da patingodi hoyo kalebe kadubhoda mono hoyo kalebeda hawedaka ha doha juana yitui DOrkas bana ole hodi. 40 Tabollo, Petrus naha wede kohayi lohongo, kada tokodi kuddo da mono kawojo. Lodona, iyo na gilakani yitu na karogona Tabita mono iyo wenena, "Tabita, koddewuka!" Lodona, yina mawine na hawoladi matana mono bana iteya yitui Petru, iya mana ngodo. 41 Moka, petrus na pajoladi limana bana hakodeya. lodona, na kamakodi hitu toyo hatena mono hitu mawine balu, mono na patingo yitui Tabita bana morho. 42 mono, yika dadi namatalaro la tangana na Yope, mono dangayi toyo kahatena la baranai Mori. 43 Moka, Petrus tutu jala mojana bana engango nola Yope oleni yina ha wuyo na toyo ka ngarango Simon, katagu hamurahango kalito.