¹ nengo hadaka nola Kaisarea, neni naha wuyo na toyo ka ngarangoi Kornelius, yina kapala wali yila palihi Italia, ² Toyo hatena ka kabohini yitui Allah hejala hitu tangada toyo kaengango nola umana, mono na woyo hadangango manuta la toyo danga mono na kawojo juala no la bara nai Allah. ³ nengo diha mamalo nengo jam kabani dihanani nona lodo, na itte mata nehingya nola manyurana, yina hawuyo na malaikat Allah nemeni mono na hanewe labarana, "Kornelius,!" ⁴ Lodona, iyo napa matarani nona malaikat orongo bana kabohi mono wenani, "Apani yitu, Mori?" Mono, yitu na malaikat wena la barana, "hitu paka wojomu mono hitu manutamu na pone mowayi kana dadi tajoyi yila baranai Allah. ⁵ Bahena, hawedi hitu toyo la Yope mono naha lako yina hawuna toyo ka ngarangoi Simon, yitui Petrus hawejalango, ⁶ iyo na engango oleni nona toyo ka tagu hamurahango kalitto ka ngarangoi Simon, nona umana ka nongola hupu banu." ⁷ Bana poja halako yina malaikat kahanewe la barana, Kornelius naka makodi hitu du toyo atana mono yina ha wu toyo ana limana ka doha atena wali yi la tangada hitu toyo ka yilini tutuna, ⁸ mono bana poja hatoki kohayi tangada la barada, iyo napawedeyi halako nola Yope. ⁹ Delango na tana, ba tongroda noyi la lara mono manari duki dani nona harona, Petrus na pone nola ponu kawedo uma, nengo ba jam ka nomo nani mono na kawojo. ¹⁰ mono, na podani na karebana mono na kabu atengo muyo, ta idoya hitu toyo ba tongroda hagonango ha muyo, Petrus neni pa itena, ¹¹ mono iyo na ite na langto bana mabugera, mono neni na kaba kabolera pija kaburu mono na madoluyi hitu kapatongo kabihuna la tana. ¹² no ihina dala, nedi tangana haranga ka pato gango witina mono tangaa haranga kaha lako wango kabuna la ponu tana, mono tangada kawurngo la langto. ¹³ lodona, neni na liyo ha poda kaha newe la barana, "Kodewuka, Petrus, ropoyika mono kamu mudi!" ¹⁴ Ta idoya, wenenai Petrus, "Jedokma, Mori. Orona, yayo jegu mu memakmawa apa hitu ka hori mono jeka tidango." ¹⁵ Mono, yina liyo we piwalina la barana paha duwayo, "Apadi hitu pahamuraha muwanai Allah, na horiyi abu wehingukam." ¹⁶ yitu na dadi na padolu wudango, mono tangada hitu na makeketa habaliyi la langto. ¹⁷ ba tongrongo nono, Petrus engapona bana hangotora pa ngadani yiha itena, na iteyika hitu toyo paha wede nai Kornelius bada kapatani na umanai Simon,engana dede la bina bokola, ¹⁸ hagapengo bada kawullo, da kapatango yitui Simon, iyo Petrus hawengo, engango no habali. ¹⁹ Batongranai Petrus mana hangadani yitu ha ittena, na Waddi na hanewe labarana, "horamodi, nedi hitu tolu kabani kamayegagu. ²⁰ kodewu kamburuwu, halakowu marongadi mono abim momo kawu orongo ba Yanemo ka hawedeyi." ²¹ Lodona, Petrus na buru dukidi hitu toyo mono wenadi, "Horamoga, yadoka hama yegami. Apaneni hama dongami?" ²² wedda bada tokya, "Kornelius, kapalaya, toyo hatenaya mono kaka bohini Allah, hamadom neya dohana yila jonga toyo Yahudi, daha apenani yitui malaikat muraha kada hawedewu mayo yila ummana kana rongo guni hatokimu." ²³ Petrus naha wedeyi tama mono naha lokodi doyo. delango tana, iyo na kode mono daha lako maronga mono da oledi hitu ole hatenada wali la Yope. ²⁴ Diha lodo wali jongana, da dukini na Kaisarea. Kornelius madeyi bana rema-remadi mono na koha mowayi ole bena mono ole atena. ²⁵ kole bana tamai Petrus, Kornelius na tobokoya, mono na tokodi kuddona la koko witti nai Petrus mono na pamanutaya. ²⁶ Ta idoya, Petrus na hakodeya dede mono wenani, "dedewuka! Yayo toyo piyp jalakaduwa." ²⁷ Batongrona Petrus bana hanewe dongani yitui Kornelius, Petrus na tama mono na dukidi toyo danga ka makoha. ²⁸ Lodona, Petrus na hanewe la aroda, "Yomim taja nekakya yitu na manyigla neya la barada hitu toyo Yahudi dada hadoma donga kadi ato la haduki dola toyo ka je Yahudingo, tabolloi Allah na patingogani la baraguba je tanganekmana hori mono manyarho bawedi. ²⁹ Ineya ka haoro, ineya jegu tularakmani bamu hawedewa mayo. oro ineyaka, magu kapatagimi aba mamkamakoga?" ³⁰ Mono, Kornelius wenani, "wali atu kapatongo lodo jongana koha bahena, yitu na jam kabani diha, yayo gu kawojo nola umagu, mono iteyaka, neni na toyo kadede la arogu na wango kalebe kamaninoka. ³¹ lodona, wenaga, Kornelius, yitu pakawojomu rongo mowayaka mono hitu manutamu ape mowayi la bara nai Allah. ³² Oroineyaka, hawedeyi la Yope mono tokinani Simon yitu Petrus hawengo kana mayo. Iyo ennga pona nola umanai Simon, yi katagu hamurahango kalitto, la hupu bonu.' ³³ Oro ineyaka, bagu hawedeyi hitu toyo halako la baramu, mono oro doha atemu wawamu mayo. Bahenaka, tangadaka nekoho mowada, laaronai Allah, ka rongoyi tangadi pahareha mowanagu Morila baramu." Petrus Na talarango Li la Uma nai Kornelius ³⁴ Lodona, Petrus Na bugerani wobana mono wena, "Bahena, gu tajamowayaka Allah na patingo mowani ba haolenani. ³⁵ Taidoyaka, latanagada toyo, hitu toyo kakabohi Iyo mono karayini katena, katengo labara-Na. ³⁶ Yina Li paha ngodnai Allah la toyo Israel da talarango hoilo dohha ledeni nKristus Yesus, Idoka na Morida tangana. ³⁷ Yomim taja dagu jalaya kadadi tangana yila Yudea, wali la Galilea, pojja yina pa iho hatalarana yitu Yohanes, ³⁸ yomim taja yai Yesus, Toto Nazaret, apa nyinai Allah bana hamodo-Ni wani Wadi Katengo mono wani kuaha. Iyo na halako woletango rayini kadoha mono napatogahayi tangada hitu toyo hapittada wadi japata oronai Allah bana oleni Iyo. ³⁹ Yama toyo katajaya tutuna tangana harayi nai Yesus, wali yila hadoda hitu toyo Yahudi lopo yila Yerusalem. Da pamate mowaya yitui Yesus mono da kedelo mowa-Ya yila yayu paha hebala. ⁴⁰ Tabollo, Allah na pa morho habali-Ya tolu lodo jongana mono naha lokoni Iyo kana patingo wuna, ⁴¹ jela tanga nekmana na toyo tabollo la yama nehe, saksi-saksi hapede ulu mowanai Allah, ka moyo mono inu ole-Ni poja Iyo bana morho habali wali yila jonga toyo mate. ⁴² Mono, Iyo napa reha gama yama kama talarani yitu la toyo danga mono tokiya kaha tepijango tutuna Idoka paha tutu nai Allah kana dadi parehayi wali hitu kamorho koha hitu kamate. ⁴³ Tutuna Iyo, tangada nabi da toki mowayaka bagarani kaha tena ledeni yina ngara-Na na hopi nadi jalana ledeni na ngara-Na." Allah na patingoni Iyo Bana Hibayi Tangana na Toyo ⁴⁴ Batongronai Petrus bana tokiyi hitu, yinna Waddi Katengo na buru yila jongada hitu toyo ka katangaya yina liyo. ⁴⁵ Mono, tangada hitu toyo hatena ka ngeju mowa ka ma marongani yitui Petrus, da ka ngakko orona yina Waddi Katengo haburu dadi, loppo hitu toyo hawadeka. ⁴⁶ Orongo, bada rongoyi hitu toyo bada hanewe wango tanga ngara hanewe mono nekkayai Allah. Lodonai Petrus wenadi, ⁴⁷ Jenakakngo ina kadadi pajalaya yina weyo paha iho wada ida toyo kahibaya yina Waddi Katengo kahengo itango?" ⁴⁸ Moka, Petrus na hawedeyi kada pa iho ledeni na nagara nai Kristus Yesus. Lodonaka, hitu toyo na kareya kaenga tongo oledi kapira lodo walingo.