¹ Batongrona ka nono, hitu rasul mono hitu ole hatena da kanengo nola Yudea da rongoya yitu hitu ka je toyo Yahudingo bada hibaya yitu na linai Allah. ² Oro ineya, pana pone yitui Petrus la Yerusalem hitu toyo kangeju mowa na hahepa pahangada dongani iyo, ³ weneda bada tokya, "Yoyo halako nemuni hitu la toyo jeka ngejuho mono moyo dongadi." ⁴ Tabollo, Petrus na toki hadoha dani la barada, wanadi, ⁵ "Yayo ba tongrongo bagu kawojo yila Yope, mono jegu sadar mawa, neneni yitu ha itegu, neni kamera kabaya ka buru, kamajolora pato kabihuna wali la langto, mono yina kaba na doheka la baragu. ⁶ bagu poja pahorani, gu hamatarani mono gu iteyi hitu haranga kapata gango witi na la ponu tana, haranga utta, ka halako wango kabuna, mono hitu kawurungo. ⁷ Yayo gu rongo jalaya na li kaha newe la baragu, 'Kodewu, Petrus, ropoyi mono kam mudi!' ⁸ tabollo, weguni, 'Jedokma, Mori. Orona, jenenekmango ka hori mono jeka doha katama a wobagu.' ⁹ ta idoya, yina li nabaleha paha duwana ka wali langto, 'Apadi hitu paha muraha mowanai Allah, abumu tokinekayi hori!' ¹⁰ Yika hengo koha bana hadolu wudango, lodona na pone habali kohayi la langto. ¹¹ iteyaka, wali noka, nedi katolungo toyo ma labaragu na ma nola umagu kanengo la Kaisarea. ¹² Lodona, Waddi na hanewe la baragu halakowu marongadi mono abum kabohikawu. Hitu ka nomongo ole hatenagu na halako marongaga mono matama nola umana nona toyo. ¹³ Lodona,iyo na toki gamani labarama ba neni ha itena na malaikat na dede nola umana mono wenani, 'hawedewu toyo la Yope mono kam tokinani Simon yitui Petrus hawengo kana ma hena, ¹⁴ kana ngodi guni yina li pa unna la baramu mono ledena yina li paunna la yoyo wogu mahiggo, yoyo koha ha toyo kanengo la umamu.' ¹⁵ Batongrongobagu hanewewa, Waddi Katengo na buru la jongada, kahengo wali kapungena kadadi lajongada ittango. ¹⁶ Moka, gu apeya yitu ha toki nai Mori, Iyo wena, 'Yohanes na paiho wango weiyo, tabolo yomi paiho wagimi adi Tengo.' ¹⁷ Bahenaka, Allah wonadi kanyuru kaha tuja labarada kahengo hitu wonada Iyo labarada itango bada poja hatenaya yitui Mori Yesus Kristus, Garane hingu kiga yayo bana dadi elo bagu halanguni yitui Allah?" ¹⁸ Pojabada rongoyi tangada hitu, da kadona mono da dekayai Allah weneda, "Bahekanaka, Allah naparingi jalayi hitu ka je toyo Yahudingo yina mahigo yila lara kamorho." Liyo Naduki la Antiokhia ¹⁹ Lodona, tangada hitu toyo kama talara oro paldani yitui la baranai Stefanus, na duki la Fenisia, Siprus, mono Antiokhia, ledengo bada jengo talarani yina linai Mori la tangana natoyo heleda hitu toyo Yahudi. ²⁰ Tabollo, nedi hitu toyo wali la jongada hitu toyo Siprus ono Kirene, Kama yitu la Antiokhia mono dahanewe dongadi hitu toyo Helenis hagapengo bada talarani tutnai Maroba Yesus. ²¹ Limanai Mori na okayi mono kapirrango toyo daha tena mono da bali la larnai Mori. ²² Naliyo tutuda na duki yila katiluda hitu toyo hatena la Yerusalem, mono da hawedeya yitui Barnabas la Antiokhia. ²³ Kole bana duki Barnabas mono na iteya yina li manawaranai Allah, iyo na ege ate mono naha nuwadi tangada kaengada hatena yai Mori wango modo ate. ²⁴ Oronai Barnabas ba toyo dohaneya, na bonuni Waddi Katengo mono kadongko, dangayi toyo ha ngodi la baranai Mori. ²⁵ Lodona, Barnabas na halao la Tarsus untuk mencari Saulus. ²⁶ Mono, ba poja bana tobokaya, iyo na marongani la Antiokhia. diha dona madena, bada hatoboka dongadi hitu toyo hatena mono da ajarayi toyo danga. Mono, la Antiokhia, hitu ana limana da kapungengi tokiya yina "toyo Kristen". ²⁷ Tangana atu na lodo, nedi nabi ka buru wali la Yerusalem ma yila Antiokhia. ²⁸ neni yina hawu toyo ka ngarangoi Agabus, na dede mono na takatutu wango yitu Waddi orona ba neni yina Kareba la ponu tana. Mono, yina Kareba na dadi yila pareha nai Klaudius. ²⁹ Moka, hitu ana lima da pohotaya halodingo taguda, roka hadukada diha toyo-diha toyo, tangada hitu ole beda yila Yudea. ³⁰ Mono, kahejalango harayida, daha ngodidi hitu hataguda labarada hitu toyo katungo ledena limadai Barnabas monoi Saulus.