¹ Atponana, Raja Herodes na keketaya na limana lajongana hitu toyo hatena kaha mayilayi baweda. ² Iyo na naha mateyai Yakobus, ole benai Yohanes, wango katopo ³ orongo yitui Herodes bana itenani yiha rayina bana ha ege dani ateda hitu toyo yahudi, na hangatango bana wopa yai petrus. ⁴ Koleha bana wopaya yai petrus, na hatamani la gol monno na woyya la hela to ban ka patongo mone yaho da anguni, mono ba pojaka ha paskah na pa orokani yila toyo danga ⁵ moka, Petrus da haengani nola golu, tabolo yitu na kawojo paha tanga dani yitui Petrus naha kitadi naha ponedi la aronai Allah kawali hitu la toyo hatena. Malaikat nai Mori da paholai Petrus wali la golu ⁶ Dengo diha hudo, Yitui Herodes kagu ngodiya la bali hodu ba wena, Petrus tongro majuru nani yila jongada hitu mone yaho, da pingo wali do gayo kaloro bohi, mono hitu ka jaga la binna engada bada hamatarani na golu. ⁷ Mono, horani, neni na hawuyo na malaikat nai Mori na dede nola bara nai Petrus mono na kawidaka noka derko nola golu, lodona yina malaikat da toba nani na karapehanai Petrus mono na ha roduya, wenani, "malewara kode!" Mono, hitu kaloro bohi na kanadui lopo bana halidi wali la limana. ⁸ Lodona, Malaikat wena labarana, "Pingoni na kabbumu mono wadi kopa witimu." Mono, iyo na rayini kahengo. lodona, iyo wena labarana, "wani na kalebemu mono kamdokuga!" ⁹ Lodona, Petrus n lohongo mono na dokuni yina malaikat. Io jena taja nekmaya ba ahani kadadi ledeni yina malaikat ka hepijango, tabolo paha ngadada enga nengo ha itena bawedani. ¹⁰ Bada pja pahepoyi hitu ka jaga kawunga bina koda binna ka dungo, da duki nola bina bohi ka lohongo nola ha rona. yina bina bokala na ma bugera dagu oroda, koha bada lohongomono daha lako nola diha doyo, mono wingo yina malaikat da jena yitui Petrus. ¹¹ Bana poja Petrus bana madomuni baahani kadadi la pola tona, iya wena, "Bahenaka, gu taja pija neyaka yitui Mori bana hawedeya na Malaikai-Na mono na pa mahigowa wali yila limanai Herodes mono wali la tangada hitu toyo ha bedda hitu toyo Yahudi." ¹² Ba pojai Petrus bana madomuni, iyo na halako nola umanai Maria, yina iny nai Yohanes yitui Markus hawengo, mono nedi hitu toyo danga ka makoha mono kakawojo. ¹³ yitui Petrus bana kaladini yina bina bokola, yina mawinne na ha wuyo kangarangoi Rode nemeni bugerani. ¹⁴ Bakole bana tajaya yina linai Petrus, orona bana ege na atena iyo na bugerani binna, mono na palayo dalo bana tokiya yitui Petrus neni dede nola bina bokola. ¹⁵ Idango wedani yitui Rode, "Yo kalango muni!" tabolo iyo, Rode da toki pa kitani kahe pijango, mono engango bawedani, "Nono katoknani" ¹⁶ Ta idoya, Petrus engana bana kaladini, mono kole bada bugerani na binna, da iteya yitui Petrus, mono daha ngotoro. ¹⁷ Tabollo, kole yitui Petrus bana woyo tadjkowango limana kada kadona, iyo na dulkodani ba ahanyina yitui Mori bana loho ngodiya wali nola golu. Mono iyo wenena, "hadukini tutuna yitui la Yakobus mono hitu la ole hatenada." Lodona, ia na halako mono engango nola iha hadoyo. ¹⁸ ba kole bana huda na lodo, na kode na ha ta bokola la jongana hitu prajurit tutuna yitu kadadi lai Petrus. Tutumatenai Herodes ¹⁹ Yitui Herodes bana mayegani yitui Petrus mono ba jena jomya, iyo na ka patadi hitu ka jaga mono na wodi li pareha kada hamateya. Lodona, Herodes na buru yila Yudea la Kaisarea mono na engango habali ²⁰ atponana, Herodes na bani ngadengo yila Toyo Tirus mono Sidon, koha bana hawu atengo aroni yitui Herodes, mono koleh ba ronini yitui Blastus, ka orhoya yina ha du umanana raja, na pa ohaya ka neni na dame orongo nola hadoda jeda kolekmango ha muyo ka wali hadonai Herodes. ²¹ Yila lodo poja paha rahi mowada, Herodes na wdi hitu kalebe rajana, mono na ngodoni nona ha doyo pareha, mono na hadukini paha kajalana la barada. ²² Hitu toyo danga engada kawullo, "yitu linani Mori, je li tonekmaya1" ²³ Wali no memaka, neni na hawuyo malaikatnai Mori na kapokaya oronani ba jeni rokana Allah mono iyo da muni loyo, lodongo bana mate. ²⁴ Tabollo, linai Allah na kiki buklo mono da pakita-kitango. ²⁵ Lodona, Barnabas moni Saulus da bali wali yila Yerusalem kole bada poja paha yilida, mono dama ronga jalani yitui Yohanes, yitui Markus hawengo.