1 Lodona, Imam bokola wenna bana tokiya, "Hepijja kakna?" 2 Mono, Stefanus wenna bana hanewe, Bagu ole begimi, bagu bapa gimi, rongo gani hatokigu, Allah Kahoda tengingo, na hudda la obu waikada itangoi, Abraham, ba enga hona yila Mesopotamia, bajena enga hongo la Haran, 3 Mono wena labarana, 'Halakowu wali yila tanahmu mono wali yila jonga ole bemmu, mono kammawu yila tana paha tutugugu la baramu.' 4 Lodona, Abraham na jenna nona tanada toyo Kasdim mono da engango nola Haran. Mono wali kanonno, la bali matena na bapana, Allah naha wede waliya diki yola tanah, yiyo hadoyo engami bahena. 5 Tabollo, Allah jena wokmadi daguda, lohho jeka kajiddi tanah jalakma, tabollo na tokiya bana wonani yitui Abraham kana daguni lopo hitu ana muri- ana murina, langka la jongana yitui Abraham ba jenehongo anana. 6 Tabollo, Allah wenena bana tokiya, hitu ana muri - ana murida da dadi toyo kaabu dukiyi mono jehadomakmayi loppo daha bali hodi ata mono da pahamayilayi koha pato ngahu dongngo. 7 'Tabollo, Yayo gu paakta poyi hitu toyo kahabali ata,' wenai Allah, 'Mono, labalina kanono da lohongo wali nono, mono da kawojo la bara-Gu yila hadoyo yiyo.' 8 Lopoi Allah na wonani yina katuku ngeju, mokai Abraham na dadi bapa nai Ishak mono na ngejuya ba boda podo pato lodona wali bana dadi, monoi Ishak na dadi bapa dai Yakub, monoi Yakub, kabulu dungo waikada. 9 orongo bana kiryai Yusuf, obu waikada idda iya mana malajani la Mesir. Taidoya, Allah naokayai Yusuf, 10 mono naha tolkoya wali yila tangana na mayilla, mono na woni kanyuru mono luro paha ngada la aronai Firaun, Raja Mesir, kahadadini kapala yila Mesir mono tangana nona istanana. 11 nengo hadakka, baneni na kareba kadadi tangana yila Mesir mono Kanaan, koho bana dukini yina mayila kaakto, mono hitu obu waikada jenekmango hadoyo oleda hamuyo. 12 Ta idoya, yitui Yakub bana rongonya ba nedi hitu gandum yila Mesir, iyo naha wediyi hitu obuda kada mayo no habali kapungena. 13 paha du wada halako, Yusuf na rayi wuna kada tajaya hitu ole benna, mono hitu ole benna Yusuf da dadi olebenadi Firaun. 14 Lajongana kanono, Yusuf na hangodidi liyo mono na kalehuni Yakub, bapana, mono tangada hitu ole benna, 75 toyo tangada. 15 moka Yakub na buru la Mesir mono iyo na dukini mate habali, iyo mono tangada hitu obu waikada. 16 Wali kanono, daha dikidi yila Sikhem mono da kuglodi yila rate ha kahinai Abraham wango omaha kawali la ana nai Hemor la Sikhem 17 Tabollo, ba manari dukini yina rahi paka tukuna, hapatoki mowanai Abraham, yina yoyo damataba danga mono karehi pikhoyi wali la Mesir, 18 Koha banengo raja hawadeka kadedeni tangana na Mesir, jeka taja tutunai Yusuf. 19 yina raja na bokala wadi hitu todda mono naha mayila dadi obu waikada, pakhayi kada letodi ana morahada koha baje hilu tahngo ha morho. 20 athona na, na dadi yitui Musa mono na manada pijango la mata nai Allah. Monoi Musa daka rawoya yila uma bapana tolu wulla jongana. 21 Mono, bada poja haletoni, ana mawinne nai Firau ika dekeya mono kaha matuni na habalini ba ana dagu nani. 22 Mokka, Musa daha kola wani pata toyo Mesir mono iyo na kuaha ledeni yiha tokina mono harayina. 23 Lajongana, yitui Musa bana dukini pato kabulu doyo, na lohongo wali lapaha ngadana halako dukidi ole benna, hitu kaburu wali la Israel. 24 Mono, bana iteya naha wuyo ole benna ba rayini jeka doha labarana hitu toyo Mesir, nemini Musa na oledi hitu toyo paha mayilla mono na tajelu naha mateyi hitu toyo Mesir. 25 pahangada nai Musa hitu ole benna da tajaya yitui Allah ka wodi mahiggo ledeni na pola tonna, tabollo jeda wopa nekmaya. 26 Diha lodo wali labalna, Musa na dukidi hitu toyo Israel kaha tango, mono na kamadi hapayi mono na hadamedi, wenadi, 'hei, jeka haole bekka nagimi, aba mam hata nelkango?' 27 tobollo, yina toyo kataya na ole benna na tingiyai Musa hagapengo ba wenani, 'garani kaha dadigu kuaha moho hakim la jongama yama? 28 kabu ate muga hamatewa kahengo hitu toyo Mesir paha matemu wemalona?' 29 Bana rongo nani ha tokina yina toyo, Musa na palayo mono na dadi toyo ka maledengo yila tanah Median. Habali, iyo na dadi bapa wali hitu kadungo ana kabanina. 30 Kole bana dibaka pato kabulu doyo, na hawuyo Malaikat napantingo wuna lai Musa la jonga kadawu la ponu letena kangaroi Sinai, yina derko api la jonga tara. 31 bana iteya yitu Musa kahengo, iyo naha bangara dongani yiha itena. mono, bana poja hadohekaya na pamatarani, nemeni na lina Mori, 32 'Yadoka Allah daobu waikamu, Allah Abraham, Allah Ishak, monoi Allah Yakub.' Musa Na karedi kabohini mono jena wawakma hamatarini. 33 Lodonaka, Mori wenna la barana, 'Halidi ha kopa wali lawittimu, orongo yina na tanah hadoyo dedemu tana horiya. 34 Yayo itemoya na mayila hitu To-Gu kaengango la Mesir mono rongo mowadadi kangirkoda. Mono, Gu buru mowa kagu kamahigoyi tangada. mono bahena mawuka, ka-Gu pawedewu la Mesir.' 35 Musa, ha tubara mowada ba wedani, 'garani ka dadigu kuaha mono hakim la barama?' Iyo toyo paha wedenani Allah kana dadi, wali kuaha lopo kapamahiggo, ledena yina lima malaikat kapa tingo wungo labarana yila jonga tara. 36 Yina Toyo ika kapaladi lohongo, hagapengo bana rayingo mukjizat mono tajko-tajko ka langngo yila tanah Mesir, mono la Bonu Rara, mono la maroda gallara kapato bulu dongo. 37 Musa doyola ka hanewe yila toyo Israel, 'Allah naha dede gimini yina hawu toyo nabi kahengo yayo la jongami bagu ole begimi.' 38 Iyo yina toyo kanengo yila lajonga toyo danga kanengo yila maroda gallaro oleni yina malaikat kahanewe labarana yina ponu letena kangarano Sinai, mono oledi hitu obu waikada, mono iyo kahibaya na liyo kamorho ha wodada la barada ittango. 39 Obuda ida jeda bekmango dokuni hatoki nai Musa, mono da wugaya mono dabengo bali la Mesir weda nola ateda, 40 weda bada tokinani Harun, ' Rayi gama dewa kaha lako ulugama lara orongo yitui Musa, ka kapala gama lohongo wali la tanah Mesir, jema tajakmaya ahan kadadi la barana.' 41 atu diha lodona, da rayingo hawuyo katuku hapi, mono na woni marakana yila dewa harayida, mono da ege dongadi hitupaha yili oro limada. 42 Ta idoya, Allah na pelidi mono naha lokodi da woni marakana yina kepala tentara langto, kahengo kama tulho kahengo nola huratada nabi, 'Mu ngodi kakga labara-Gu haranga manuta mono maraka kapato bulu dongo yila maroda gallaro, yommi toyo Israel? 43 Yomim ngodiyi kareka Molokh mono madunno dewamu, Refan, katukku harayimi mono paha marakami, mono yayo gu letto gimi la bali Babel.' 44 hitu obuda neni na kareka hadoyo haneweda lamaroda galara, kahengo paha reha nai Allah bana toki nani Musa, kana rayini kahengo na tuja ha ite mowana. 45 Poja bana hibaya nona kareka, na obuda na tama ngodiya oleni Yosua, atu baha lumngo tanah gobadi hitu toyo hawadeka, hapaha maroyo monai Allah wali la jongada obuda, koha dukini harehanai Daud. 46 Daud nakolengo kanyuru la aronai Allah mono na kareyo kana kolengo hadoyo tanganai AllahYakub. 47 Ta idoya, Salomo kaha kodeni uma daguna Iyo. 48 Tabollo, yika kahoda Majaga jena engakmango nola uma harayi limada ka dadi toyo,kahengohatoki da hitu nabi, 49 'na Langto hadoyo katawa todu-Guni mono na tanah hadoyo deke witi-Guni Umma apa neni yi paha kode mi-Ga?' Allah na woya nalina ' ato pango hadoyo ngahu-Gu? 50 Je lima kadi-Gu karayi kohadi tangadi?' 51 Hei, na yomi toyo kataku watu, wango ate mano katilu jeka muraha, yommi goba juani yina Waddi Katengo, kahengo harayida hitu obu waikamu! 52 gara-gara Nabi jeha paha mayilada hitu obu waikamu? Mono daha mateyi hitu toyo kawuna katokiya ba nemeni yitu ka ngodiya ka tena, mono bahena kaha dadi gimini pola tomi dadi toyo bokala mono kahamate ole tonna. 53 yomi, kahibaya yina Uku Taurat kahengo yi paha duki mowada hitu malaikat, tabollo yomi jemu jaga nekmaya!" 54 Bada poja harongo tangada hitu, na maropoyi ateda mono napa ngoktodi ngoduda la aronai Stefanus. 55 Ta idoya, Stefanus habonuna Waddi Katengona tangara ya na langto mono na iteya magabora nai Allah, monoi Yesus na dede la tabara kawana nai Allah. 56 Stefanus wenena " Rongowa! Yayo gu iteya na langto kamabugera mono yina Ana Kadadi toyo na dede a tabara kawana nai Allah." 57 Tabollo, da kawullo-wullo, mono da todiyi katiluda, mono da hawungo yayarayai Stefanus. 58 Lodona, da yoruya lohongo wali nola harona mono walngo nono bada wewuya wani watu. Poja kanono hitu kaite wango mata da halidi kalebbeda yila koko witinna yina hawuyo bomone kangarangoi Saulus. 59 Mono, naha kitango dojjakani yitui Stefanus ka engango paoha mono wenna bana hanewe, "Moroba Yesus hibagani na dewagu." 60 lodona, bana poja hatokodi kuddona, na kawullo-wullo, "Mori, abum hatagu kadani yina jala la barada!" Mono, bana poja hatokiya, ipoya bebuna mate.