1 Ta idoya, neni yina ha wuyo kabani ka ngarango Ananias, oleni na ara wenna, Safira, da malajadi daguda. 2 Mono, hataja wana ara wenna, Ananias na bojolayi hawadeka hito wolida hamalajana bana wa dagudi, mono hawadeka iheyi hangodina, na bojolayi la koko witida hitu ana lima. 3 Tabollo, Wene nai Petrus, "Ananias, aba yina kabalko mana bonu guni yina atemu bamu dukini bam kawoho kaya yina Waddi Katengo mono bamu pojolayi hawadeka hitu woli tana hamalajamu? 4 Bajemu malaja honi, ja engakakngo nona tana ba dagu muni? Mono, ba poja hama lajani, nona tana ja engakakna ba yoka pa horani? aba mamu nukini hangadani nola atemu? Yoyo jemu kawohoka nekma yila kadadi toyo, tabolo labara nenai Allah." 5 Lodona, bana poja ha rongoyi hitu hatoki, Ananias na bopa mono kadukango na ngahuna. Moka na kode na kabohi tepijja la barada hitu toyo ka rongoya yitu. 6 kapirango bomone da mayo, da kubkani, mono da ngodiya la bali hodi, lodongo bana tanini. 7 Lodona, nengo nona lodo jam ka tolnani, ara wenai Ananias nemeni, tabolo iyo jena tajakmaya ahani kadadi mowa. 8 Mono, Petrus wenna labarana, "Toki gani labaragu, yina tana bamu malajani hena dangana na wolina?" Mono, wennai Safira, "ngoyo hena dangana." 9 Lodonai Petrus wewalina la barana, "Aba yoyo mono na layimu hawungo toki bam kabani yina Waddi nai Mori? Horanika, oro witida hitu toyo katani guni na layimu nehodi hola bara binna mono ijalayi ka keketawu ngodiwu la bali hodi." 10 Kode ngodiyaka, Safira na bopa nola koko witinai Petrus mono na dukango na ngahuna. Bada tama hitu bomone, da iteya yitu Safira ba boda matena, lodona, da keketaya la bali hodi mono da tanini la bara layina. 11 Mokka, nakode nakabohi tepijja la jongana hitu toyo hatena mono tangana na toyo ka rongoya tutuna yitu. 12 Dangayi tadjko ka tepijango mono mujizat kadadi lajongada hitu toyo danga lededi limada hitu ana lima mono tangada da hawu atengo engango nola hupu umma Salomo. 13 ja nekmango noyo la jongana kawawa ha koha wungo nola barada iyo, tabollo tangana na toyo da hama geborayi 14 Mono, na kiki matabayi hitu toyo ka hatena la bara nai Mori, kahengo dangana, wali kabani koha mawinne. 15 Oro ineya, iyo dukidi bada haropayi hitu toyo ka kalawara yila lara mono da kugladi yila ponu raka mono kope kua ba nemekani yitui Petrus la, langka mawo kakinani kawonayi hitu hawadeka. 16 hejalango, danga jala toyo kawali la bara harona bara Yerusalem kamaronga dobba, marongadi hitu toyo kalawara mono, hitu hatamana mortana. tanga kohada na hatogahayi. 17 Tabolo, hitu toyo boola da kodde, oledi hitu hama rongada, hitu toyo Saduki, mono na bonudi hakiri ate. 18 iyo da wopayi hitu ana lima mono daha tamadi la golu toyo danga. 19 Ta idoya, yitu bana hudongo, yina hawuyo malaikat nai Mori na bogera kohadi hitu tangadi bina golu, mono naha tingodi lara lohongo mono wenna, 20 "Halakomi. dede, mono talarani la barada hitu toyo ka nengo la Bait Allah, tangada liyo tutuna yitu na morho." 21 Mono, bada poja harongoya, nengo kuku manuya, iyo da tama la Bait Allah mono da ka pungengo ha ajara. Bada duki hitu toyo Bokola mono tangada hitu toyo ka oledi bada duki, da kohayi hitu Sanhedrin mono tangada be toyo kaweda Israel, lodongo da hawedeyi hitu toyo la golu kada ngodiyi hitu tangada ana lima la aroda iyo. 22 Lodono, bada poja haduki habali hitu toyo paha wededa bada dukiyi, jeda dukikmadi hitu ana lima nodalo la golu. Lodono, da bali mono datokiyi hitu hiteda, 23 wenneda, "badukini yina golu na makuhhi mono tangada hitu ka jaga da dede la bara binna, bama poja habugeradi, yama jema dukikmango hawu toyo do dalo." 24 Mono, hitu Kapala Bait Allah mono hitu toyo bokola bada rongoya yitu hatokida, daha ngotara dongadi hitu ana lima mono da hakapata wungo aha nyihingkana yitu bana dadi. 25 Lodonaka, nemeni naha wu toyo mono na toki dani, "Horadi! Hitu toyo hatami la golu nedi dede nola Bait Allah mono da ajara toyo danga." 26 Lodona, kapala golu Bait Allah oledi hitu mone yahona da halako ngodiyi hitu ana lima, tabollo jada wakmadi bani ate orongo da kabohi daha tayo watu hitu toyo danga. 27 Ba poja da ngodiyi hitui Petrus monoi Yohanes , da haorokadi la aroda Sanhedrin. Lodona, Beyo Toyo da kapatadi, 28 wenneda, "Yama ma hadudu heri mowa gimi ka abu hilumi haajara wani yina ngara, tabollo yommi ponu mowayaka yina Yerusalem wani yina haajarami mono yomi ha kabu atemi mutaguni na ruttona Yina toyo labarama." 29 Tabollo yitui Petrus mono hitu ana lima hawadeka da baleha, "Yama atne hona bama dokini yitu hatoki nai Allah bebu hatoki kadadi toyo. 30 Allah da hitu obu waikada iddango naha kode habali mowayai Yesus, yitu paha mate mowami mono yi-Ha teromi yila yayu paka dello. 31 Allah naha taya Iyo la hadoyo kamadeta la lima kawana-Na kana dadi kapala mono Lede Morha kana wowani mahigo yina toyo Israel mono na ma higo nabarada hitu toyo doku jala. 32 Mono, yama toyo kataya tutuna yitu tangana, mono hejalana yina Waddi Katengo, hawo mowanai Allah la barada hitu toyo kadokuni hatoki-Na." 33 Bada rongoya yitu hatokida, ateda nama ropoyi mono da kabu ateni hamateyi hitu ana lima. 34 Tabollo iyo, yina hawu toyo Farisi kangarongo Gamaliel ka guru Tauratngo pa akada tangana na toyo, na dede la aroda hitu Sanhedrin mono na kareyi hitu rasul kana ngodi tuddu doyi la bali hodu. 35 Lodona, iyo wenna la barada, "Hei tangami toyo Israel, hamatara dohani apani yiha rayimi la barada hitu toyo. 36 orona, atu kapirango lodo la jongana, Teudas na kode habali, na mangakwu daguna ba toyo hawaya mono nengo pato ngahu toyo kama kohha oleni, tabollo iyo, iyo da hamateya mono tangada ka dokuni na mahewa hilora, koha ba jehilu nehing mango. 37 Boja yitui Teudas, Yudas wali la Galilea nemewalini, yina lodo rahi tulho ngara, na tingiyi toyo danga kadokuni. Ia daha mate jalaya mono tangada toyo kadokuni dama hewa hilora. 38 Oro ineya, tutuna yitu, yayo gu haapegimini: Marongo wali hila toyo mono jekadaka. Oronani, yitu hakabu ateda mono harayida baka wali kadadi tokayi, jena dukik mani bana dadi. 39 Tabollo, yitu ha kabu ate ba kawali kaya lai Allah, yomi jemu dukka mani hangahuya. Loppo, yomi na duki negimi magoba mini yitui Allah." 40 Tangada da dokuni hatoki nai Gamaliel. lodona, lodona bana poja hakamakodi hitu kadungo ana lima, mono da paluyi kadungo toyo mono da heri hitu ana lima abu naha newe wani yina ngara nai Yesus, lodona da paholayi. 41 Oro ineya, hitu ana lima da halako wali la aroda hitu Sanhedrin wango ege ate orongo wonango bada mayila ledeni yina ngara-Na. 42 Mono, nahiya na lodo, yila Bait Allah mono diha umma-diha umma, jeda ngahu hingmango ha ajara mono talarango Liyo ba yitui Yesus ba Kristus ya.