1 Batongroda Petrus monoi Yohanes bada hanewe la aroda toyo danga, nemedi labarada hitu toyo bokola, Kapala jaga Bait Allah, mono hitu toyo Saduki, 2 dabani pijja orongo bada ajarayi hitu danga mono da talarani ledeni ngara nai Yesus na kode wali jonga toyo kamate. 3 Lodona, da wopayi hitui Petrus mono Yohanes mono daha tamadi nola golu koha na delakadi orongo ba boda huddu nani. 4 Tabollo, danga mowayi ka boda rongo mowayi hatokida hitu ana lima na duki hatena, mono dangada hitu kabani la jongada nengo lima rata toyo. 5 Badelango tana, hitu habapa-habapa, toyo katungo-toyo katungo, mono toyo pewe-toyo pewengo Taurat da makoha-koha la Yerusalem, 6 oledi hitu Imam Bokola Hanas, monoi Kayafas, Yohanes, Aleksander, mono tangada toyo ha ole bedd hitu Imam bokola. 7 poja da tayi hitui Petrus monoi Yohanes la haduna, da kapatadi, "Gara kulhonani ato gara ngara nani ha ledemi bam rayini yitu kahengo?" 8 Lodona, Petrus, na bonuni Waddi Katengo, wenna la barada, "Tangami habapa mono toyo ka tungo, 9 yama hena lodo ba parehama na hawuyo harayima kadoha ha poja mowama rayina yila aroda hitu toyo ka loja, aha nyinehodi hitu toyo baha togahayi? 10 Jekanaka kam tajaya tanga kohami mono tangam toyo Israel ba ledeni ngara nai Kristus Yesus, Toyo Nazaret, haka dellomi, paha kode habali mowa nai Allah wali la jonga toyo mate, yina toyo na dede la aromi poja ha togaha. 11 Yitui Yesus iyo: 'Watu hatularami yomi, kapewengo hadoha umma, kadadi watu paka tutu wayo. 12 Mono, jahilu nekmani nama higgo langka garakani halede orona jahilu nekmango ngara hawadeka yila kabu langto ha woyo la jonga kadadi toyo oro ledeni atu na ngara da kolengo mahigo." 13 ba poja da iteya Petrus monoi Yohanes mono da tajaya ba je toyo hakolayi mano toyo jeka domayi, da hangataro mono walingo bada apeyi hitu kadungo toyo bada ele honi yitui Yesus. 14 Mono, poja iteya yina toyo paha togahada na dede la baradai Petrus monoi Yohanes, jena dadikma bada gobani. 15 Ta idoya, ba tongroda bada hawedeyi hitui Petrus monoi Yohanes kada jekna yina Sanhedrin, da gopora wungo diha-diha, 16 wedda bada hanewe,"Ahango harayi dadi hitu kadungo toyo? orona, yina hawuyo tadjko tepija harayi mowada lededi iyo mono he pijja weda hito toyo ka engango la Yerusalem, mono jena nakma bada kaballini. 17 tabolo iyo, tutuna yitu abuna taba luro la diha toyo- diha toyo, mada kada ha gogayi abu hilu da talarani la toyo hawadeka wani yitu na ngara. 18 "Lodona, da kamkodi hitui Petrus monoi Yohanes, lodona da parehayi ka dungo ka abuda hanewe mono aha domoni ha ajarada wani yina ngara nai Yesus. 19 Ta idoya, Petrus monoi Yohanes dabalehayi mono wadda la barada,"Pohotayaka, geni katena ha itenai Allah, ka rongo gimi yomi karehi wali Lai Allah? 20 Orona, yama jema dadikma tokiya tutu nayitu ha ite mowama mono harongoma." 21 mokka, baengango bada hagogayi hitui Petrus monoi Yohanes, iyo da jedda hitu ana lima bada halako, ba orongo bajeda jomi hada paha jala wadadi hitu kadungo toyo orongo toyo nanga ka dekaya yitui Allah l jongan yitu kadadi mowa. 22 Orona, hitu toyo la barada ka iteya na tadjko ha togaha donga paha tingo mowani, karehi la kapato bullu dongo 23 Ba poja bada hama logayi, Petrus monoi Yohanes da halako la ole daguda mono da dulkoya tangada hatokida hitu toyo bokola mono toyo katungo la barada. 24 Mono, hitu oleda bada rongoyi, iyo da keketayi lida la bara nai Allah da hawungo ate mono wedda, "Wu Mori, Yodoka karayini yina langto, ponu tana, na bonu, mono tangana na ihina, 25 kahanewe ledengo Waddi Katengo, ledengo wobada ata-Mu, Daud, obu waikama yama: 'Aba hitu diha toyo da bani, mono tangada toyo da rongoya jeka mangu gonna? 26 Raja-Raja ponu tana daha gonangoka, mono tangada ka pote da makoha-koha, gobani yitui Mori mono gobadi hitu Pahama ringi-Na.' 27 Orona, badoku kani yila harona dama koha mowa ka gobani yitui Yesus, Ata-Mu, ka Muraha, yituPahamaringi, wali hitui Herodes monoi Pontius Pilatus, oledi hitu tangada diha toyo- diha toyo, mono tangada toyo Israel, 28 karayini tanga kohana wango lima-Mu mono paha gona-Mu paha tutu mowaya kapungena kadadi bawengo. 29 Mono bahena, Mori, pahoradika hitu bada hagoga- hagoga gama mono Ponu gamaka ata-ata-Mu kama talarani nali-Mu bonungo moddo ate, 30 la jonana Yoyo kamu hajola gama lima-Mu kamu hatogahango mono tadjko-tadjko loppo kaakto-kaakto na dadiyi ledeni ngarana Ata-Mu ka Muraha, Yesus." 31 Mono, bada poja haka wojo, na gedo yina hadoyo makoha-makohada mono tangada na bonudi Waddi Katengo, loppo ka engango batalarani na linai Allah wango kadongko. 32 Mono, kalibboda hitu kaha tena naha wudi ateda mono dewada. Janekmango ha wu toyo kawenna hitu hadaguna dagu gudi bawenna, tabolo tangada dagu doba dadi wedda. 33 Lodona, ledengo kulho kabokola hitu ana lima da tokiya hapeweda tutuna yitu kode habali nai Mori Yesus mono kanyuru bokola neni labrada tangada. 34 Janekmango hawu toyo kadobo lajongada orona tangada toyo nekohango mangoda ato ummada, da malajadi, mono da ngodiyi hitu wolida, 35 lodona na bojolayi la koko witida hitu ana lima, mono da bawe-baweyi hila diha toyo- diha toyo kahengo roka hawada. 36 Hejalango yitui Yusuf, toyo Lewi, duwu nai Siprus, ka hengo bada kawulo kani hitu ana lima, Barnabas, ka artingo 'lakeda kadiggi,' 37 da malajadi hitu mango hadaguda mono da ngodiyi omahada, da bojolayi yila koko witida hitu ana lima.