¹ Diha lodo, Petrus monoi Yohanes da halako la Bait Allah yina lodo rahi kawojo, yila jam kabani dihango. ² lodona, neni naha wu toyo ka kaliku wali la kabu inyana da hakekuya. nahiya na lodo bada bojolaya dola binna Bait Allah ka ngarango Binna Bokola Hamaggu kana kareyo hodi wali yila toyo ka ma tama yila Bait Allah. ³ Bana iteyi hitui Petrus monoi Yohanes bada tama la Bait Allah,iyo na kareyo omaha. ⁴ Lodona, Petrus, oleni Yohanes, daha horani mono wedani "Horaki gama yama." ⁵ Yitu na toyo kaliku na arodi hitui Petrus monoi Yohanes, hagapengo bana monengo bana hiba wali la barada. ⁶ Ta idoyaka, Petrus wenani, "Yayo janekmango Perak ato mahi, tabollo ahani kanengo la baragu gu woguni la baramu. Ledena yila ngara nai Kristus Yesus yitu na toyo Nazaret, kodewuka mono kamu halakowuka!" ⁷ Lodona, Petrus na ketenani na lima kawanana yina toyo mono na tuluni bana kode dede. wali nonoka, witina mono koko witina na dadiyi bna kulhoyi. ⁸ Wango bana takohoka, iyo na dede mono walngo bana halako dagu. Lodona, iyo na tama dalo la Bait Allah, oledi hitu Petrus monoi yohanes, halako, mono na takohoka- takohoka, hagapengo bana dekkayai Allah. ⁹ tangana na toyo da iteya bana halako mono ba dekkayai Allah, ¹⁰ mono da taja yina toyo ba iyo ka ngodo jua nola Binna Bokola Hamagu Bait Allah ka ha oha bana kareyo. Tangada na bononi bokola ate mono doha ate tutuna ka dadi la barana. ¹¹ Batongroda hitu toyo bada ketenani hatoki dai Petrus monoi Yohanes, tangada toyo da palayo yila hupu umma kangarango hupu umma Salomo, wango hangotara. ¹² Lodona, bana iteyi yitui Petrus, iyo wedadi hitu toyo danga, "Hei tangami toyo Israel, aba mam hangotarami tutuna yitu ato aba yomi mam engango pahora gama yama kamera elo nani ba wamani ba kulho mono ba pewe dagumani yama, bana dadi bama rayini yina toyo bana dukini bana halako dagu? ¹³ Allah Abraham, monoi Isak, monoi Yakub, Allah da obu waikada idda da hama gebora mowaya na ata-Da, Yesus, ha wommi mono hatularami la aronai Pilatus ha poja mowana pohotaya kana mahiggu bawena-Ni. ¹⁴ Tabolo iyo, yomim tularani yi Katengo mono Katena, mono yomim kareya yina toyo kaha mate toyo pahola gimini, ¹⁵ mono yommim hamateya yika kawongo hamorho donga, yitu pa hakode habali nai Allah la jonga toyo kamate. tutuna yitu yama toyo katajaya. ¹⁶ Mono wango ate hatena lede nani na ngara-Na, yitui Yesus, naha kadongkoya yina kabani ha itemi mono yitu hatajami. Mono, yina hatena kamayo wali labarana Iyo na woni hoilo mane mara la barana yina kabani la aromi tangami. ¹⁷ Bahena, bagu ole begimi, yayo gu tajaya bam hakoddeya ledena yina je hapewemi kahejalango harayida hito kapalami. ¹⁸ Tabollo, yitu haduki nai Allah ka longango ledi hitu woba nabi yitui Kristus na mate neho bawedda, Na ponu mowayaka. ¹⁹ Oro ineyaka, joramika mono balimika ka hawali gimidi hitu doku jalami, ²⁰ baneme kani yina lodo mahiggo kanengo walilai Mori, mono Iyo kana ha wedeyi Kristus hapoja mowana hagonani la barami, yitui Yesus, ²¹ ha hibana yina surga koha dukini yina lodo rahi hatutudi tangada kahengo haotki nai Allah lededin hitu nabi-Na kamuraha wali la ka ullu. ²² Wene nai Musa, 'Mori Allahmi na kode habili gimi yomi ka nabingo kahengo yayo la jongada ole beyo dagumi. Yomim rongo nehoya tangadi hatoki dagimi iyo labarami.' ²³ mono, nadadi, tangada dewa, jeka rongo yitu na nabi da pudahayi wali ole kadadi toyoda. ²⁴ Mono, tangada hitu ana lima kaha newe mowa, wali lai Samuel koha hitu kaullu hepo da talara jalani hena lodo. ²⁵ Yomi ana suhu dagimi hitu ana lima mono yitu paha rahi mowa harayi nai Allah oledi hitu waikamu, ledengo bada tokiya lai Abraham, 'ledengo hitu kalungamu, tangada ana huhumu la ponu tana daha maringiyi.' ²⁶ Allah, bana poja hakodeyi ata-Na, daha ngodi-Ni la barami ka ullu kada hamaringi gimi wadi diha toyo- diha toyo la jongami da bali wali yika japata."