¹ Koleha ba pohotoya ka halako la Italia wango tena bawengo, da woyai Paulus monno ole to hatahana hawadeka la to te pijja kalibo Agustan, ka ngarangoi Yulius. ² ma pone la tena ka walla Adramitium ka halako nahiy tangkohada hado tena hing bon Asia. Ma halako wango tena bana olegamai Aristarkhus, to Makedonia walla Tesalonika. ³ Labalna noyo, ma dukki la Sidon. Yulius na hamattara dohaniy Paulus mo loho widdo na halokon dukidda olena tutngo ha kamaknai Paulus. ⁴ Wal habali, ma halako wango tena lila Siprus orongo bana bangatana rereha. ⁵ Koleha bama halako lila hub bon tangkohana na hub bon Kilikia monno Pamfilia, ma dukla Likia. ⁶ Habal, nena jawa tepijja na dukkina tena walla Aleksandria ka tongro halako la Itialia, ma nahadikin la hawuna na tena. ⁷ Kapira lodongo jatedongakma halakoma , monno ma mayilla bama dukki la Knidus. Orongo na rereha bana bangata ima jama hala dikoroo, ima ma liyo la hing bon Kareta ka aro atla la hangud tana Salmone. ⁸ Ma halako lila ngud tana noyo ma mayilla monno ma dukki la hado na hawu ka ngarango la hado tena India, kanongo la bara harona Lasea. ⁹ Orongo bama tajaya ba janengo maloga, mo ne bahena, orongo ba heppo newalyaka ne na rah ngah da mu he to Yahudi ma bahalako hamayilla donga newalyaka, Paulus na hanuad. ¹⁰ Monno wenad. bag olebegim, bag itekyaka yina halakoda enga wonnada ne kajadoha mo loho wido rog bokolo wido ka nela ba da halako la bonu ingo tobokadan mayila kabokola, ja hepaha bokoda monno tena da mo loho wido nena lolo ngah widdoda ¹¹ Ta idoya nena to tepijjaya la kalingora at nehon na hatena la bara nena to ka kamuddingo tena monno ka morin nena tena orongo hanewenai Paulus. ¹² Orongo ba jana doha ba engango ne la hado tena tongrongo ba rah mayogaya, ma he hawadeka to da ngon ha lako dik wango tena la iha hado monno ba daduk kanna Feniks, na hawu hado tena la Kreta, ka aro la hatama lodo monno ka aro la we bon. Rereha ka bangata na wonaya na tenai Paulus. ¹³ Koleha na rereha bana towarango hodi walla Selatan, enga dukmanka la hado halakoma weda. imada tingyana wat katuk tena monno dahalakoi la hup bon Kreta. ¹⁴ Ta idoya, ja madewola wango, rereha na kapote, hengo Euroklidon ha weda, na walla la nuha noyo. ¹⁵ Moka bama tobokaya nena rereha jama dukakmanka ha lurhoya nena tena ma, mahaloko elonka na tena ma bana ha aro nutu nemme nagaman na rerehaha. ¹⁶ Tongrona bama ha aro aro hodin la heka nuha ka ngarango Kauda, ma mayilla pijja bama hamadya ta idoya ma dukan bama hamadya na tena ma. ¹⁷ Koleha bana mad habalngoka ne ana tena, da wad he kaloro pa paha kulhowa pin nena tena, orongo bada kabohiy aro la Sirtis, da haburud he hawana tena ma dahalokon na tena ba nuttu nemmena. ¹⁸ La balnaka nona, orongo ba nuttu nemmena gamaka nena rereha kajarodaha hingo, ma he to la tena letto-letto dadka he hawa la tena. ¹⁹ Monno, jongana to lodo walka, da letto- letto do walidka he hawana tena. ²⁰ Orongo ka pira lodongo ja itekmaka mata lodo monno ma dunno monno kapote ka enga hingongo, na bunga kohaika pahangadama. ²¹ Orongo ba dangaikan to khalako ja mang hamukmango, Paulus na dede la haduna mo wenad, "bag olebegim bana modahe doktoganka ne paha nuag monno ka ab walla Kreta nekada ka ab da wona kajadoha ka hengo yiyo. ²² Mo ba ikaka nebahena, gu tullum kam tahngoka orongo la jongana ba janemongka ka mate daka, mo ba tabullo kada tena hil aha nyidaka. ²³ Oronan, we hiddo, ne na ta paha wedena na Maroba Wol Karai, ka olega monno pa kawojo katabag, na dede la arog, ²⁴ Mo wenna, 'Abim kabohkaw, Paulus. Mu dede nehow la aroi Kaisar. Monno, pahorango, na Maroba Wol Karai na bugerana atena la baram mo lohho tangkohada ha ole la tenam.' ²⁵ Oro iyla, bag olebegim ha kulhona atem bag hatena moya nena Maroba Wol Karai nengo kadak ka hengo hatokna. ²⁶ Ta iwalya, da horango la iha nuha. ²⁷ Ta inewaldoya, ka bul pato hudo jongana, enga homa ba nutu nemmema oro rereha la tangkohana na bon Adria, enga toloro hudoya, he to la tena pa hangada da enga baramanka na pon tana , ²⁸ Da ka tulakongo wat ka tut monno da kolen libna ba du kabul dopana kidna. Mo, da doheka hok waliy, da katulakka pi walngo wat ka tut ma imada tajaya libna ba kabul limma dopa moyaka. ²⁹ Orongo ba makabohi ka retto la wat, da haburko pato wat katuk walla hado monno da barai kana lodongo ba weda. ³⁰ Ta inedoya, h to la tena da pahil wuda walla tena monno da haburngo pa hilpo wango la bon bada habur awango wat katuk walla dikorongo, ³¹ Mo wenai Paulus la to tepijja olena, "Mo he to bajana kadonakai la pon tena, jana dadikma bam tolekam." ³² La jongana nona, he to pahawededa na rahatada kaloro pa pahil wada monno da jeda kahadongo bada bungai. ³³ Koleha ba manar delakananka, na hawedeiyii Paulu tangkohada deke ha mu, mo wenad, "Hena lodo kabul pato lodo daka engam hangatam la jonga mayilla pahangada monno tahango kareba ba janengo aha aha ango ha mu mi. ³⁴ Ima ma deke ne ha mu wegugim kam kadongko wango. Orongo jahaga ama ro logem ka halngo wala tang koham." ³⁵ Koleha ba wenaddi, Paulus na deke kababa monno engango bana pahodena ha tena la bara Maroba Wol Karai la aro tangkohada he olena, da tik tik yana kababa, monno da mui. ³⁶ Moka, koleha baha kulho dadka ateda monno ub da mui. ³⁷ Tangkohama la pon tena du ngah pit kabul nomo toma. ³⁸ Koleha ba mu koha ba bohi , da lettoda pare la bon kana lewara wango na tena ba weda. Na tena na bera mojango mo he to da tolekai. ³⁹ Koleha ba manar didara lodoya, jada taja dongakmaya ba nengo pon tana, horanedan nena hawuna hub tana hing bon, la hapa hangadada ha arona tena da, ⁴⁰ Moka, koleha bada ka tulakana wat ka tuk tena da, imada jena la ha du bon, monno da paholla jalai kaloro tena da monno da keketai leroda la aro ngora tena, kada dukngodgamma rereha la hing boheka weda. ⁴¹ Ta inelayaka, nena tena na ma pobaha la wat la hadoha tobokada he bon ka dungo imana engangho na tena. Do ha aroyana nena tena engana kareto monno jana dadikma dik, ma nena kabedo tena boho oro kawulo. ⁴² Ma he tangkohada he to ka angudi da woronka ka hamate kohai ka he toha taha weda ka ab nengo ka nang mo loho widdo ka ab nengo ka pala weda. ⁴³ Ta inewal doya, nena to tepijja, na kamakngo ha toleniy Paulus wenna, ka hilpon de hakamakda wenna. Ma wenad tangkoham garan ka pewengo nang katulakka wumka walla tena monno arom la tana punge. ⁴⁴ Monno, ka reh engngo la pon kapabala, mo newidongo kawango hawa heka walla pon tena, imoya, ma tangkohada he to da tolekay bada duk la tana punge.