Kawukku 28 Mata 1-8 ¹ Koleha bama toleka bama hepoya, inelho bama tajaya nena pon tana ba Malta wedan. ² He To kadon ne na tana dahatingo tepijja na doha ateda. Orongo, daha derko gamma ap monno da hibba kohama orongo banna urra monno mayogala. ³ Moy Paulus na waro karaga yai monno na tai la pon ap, mo nena kaboko na parata bana lohongo orongo bana banaha na kojelanan na limmanai Paulus. ⁴ Mo he To ho da iteya nena kaboko ka matero la limmanai Paulus, Mo hawewuda la oleda, "jahilha hangada nekmayaka, nana To To Hamate To neyaka. Mo loko bana toleka walla bon, ka tena engango ba jennaha halokkon morrho." ⁵ Tabollo, nei Paulus na perohan nena kaboko la ap walla limmana monno janekmango haraha anna. ⁶ Mo he To engngana na ba mo loho na bopa enggana mate mema wedan. Ta idoya, koleha bada rema madenni monno jada itekma aha aha ango ka dad la baranna, moka dapa hekangoka paha ngadada monno wedda nai Paulus Rato tepijjaya. ⁷ Mo labal lodonona, la bara hado noyo, nena tana dagna nena Rato la tanna no ka ngarango Publius, da hibba gamma monno na hamu gamma ka tol lodongo. ⁸ Mo nonna, rato Publius hawollnanni laha domajurrna orongo na maring kalawara. Na mai Paulus ma dukin monno na kawojo kataba bana hadukinna lina la bara Morr, moka na tayana limmana la ponna ne na Rato monno badana hatogahanni. ⁹ Laballnaka nonna, heto tangkohada hola tana hoyyo ka tongro kalawara da mai labarai Paulus monno na hatogahai. ¹⁰ Tangkohada he toyo daha wolla pijjagamma monno koleha halako wemaka bal bama li la wedalo, da hagonakohagamma tanggkohada ha bemma. Paulus halakonanka la haronna Roma ¹¹ Koleha ba tol wullanaka ka longango, ma halako walla li la wedalo wango tena walla Alexsandria, ka li la tanna noyo pijjana rah maringgi mo wango Dioskuri ha li tajkongo. ¹² Koleha badukka la Sirakuasa, ma engako habal tol lodo. ¹³ Wall haballi, ma ponnengo tena li la hubtana punge monno duk la Regium. Delakango, haring selatan na bangata, monno hekawalngo lodona, ma dukki la Putioli. ¹⁴ Haballi, ma dukkid paha olebayyo kahawungo hatena monno ma kamakod ma oled ka pitu lodongo. Moka, ma halakola Roma. ¹⁵ Monno, he paha olebai kahawungo hatenada, koleha bada rongo tutma yama, da mai wallhaball dukki la Forum Apius dan Tres Taberne orongo kadukid wedagamaa. Moka banna itei Paulus, na bokolo na atena la bara Maroba Wol Karai monno atena na hakadongkoni. Paulus La Harona Roma ¹⁶ Kolleha bama dukk la Roma, dahalokkoniy Paulus enga mehango, olengo ha wu To ban ka olen. ¹⁷ Jongana tol lodo, Paulus na kohai he rato-rato lakalingora Yahudi, monno koleha bada makohai, mo wedad, "Bagolebegim, langka janehingkango harayig kajadoha la tana da ba jedoka la kanogo pata tana da wallka ull, ta idoya da wowa la hado taha walla Yerusalem la limma to Roma. ¹⁸ Mo kolleha bada kamihwa, mo dakamakga hamaloggawa orongo bajanengo harayig hamayilla mate la barag ¹⁹ Ta inewaldoya, orongo hita To Yahudi da butoi ateda, gu engango pone hatakngo dugiy Kaisar ma, janenekmango pahadog ha goba dongagun na tanag. ²⁰ Ma, ineya nenna, gu karewa kag iteu monno hanewenongaga orongo engada bada pingoga waga kaloro bohi orongo hakamag Israel." ²¹ Moka, wedanniy Paulus, "Jama kallama hibak hurata tutmu walla Yudea monno janenekmango olebem kahawungo hatenam ka madukgim dulkoya kajadoha tuttum, ²² Ta idoya, ma kamakngo katangagunna hangadam orongo tutna yinna kalibbo, ma tajaya langka la ge ge engango bada goban." ²³ Kolle bada harahin bada hawonan hawu lodo dagnai Paulus, damai la hadanai Paulus, mang to dangada. Wal kahudo dug hudo, Paulus na halaradad tut harahana wal hado Maroba Woll Karai monno na engango bana tokya kana hatenaya na tutna Maroba Ana kanaha, mo wal uk patai Musa, mo loho hurata hor tanggohada Nabi. ²⁴ Mo neda to kahatenaiya orongo ha toknai Paulus, ta idoya hi hawadeka jada hatenamaya. ²⁵ Mo bajada hatena wukmango, mo dahalakoi pojja Paulus bawennnad, jahijjamma tenai ahan hatok wad tengngo la bara nuh wekamm li labara Nabi Yesaya, ²⁶ 'Halakoulah la yila hado monno wemmud: mi rongoila, ta idoya jam patajakmad , monno mi itei ta idoya jam patajakmai. ²⁷ Orongo, ate da hi to yo da makebelai monno katillda butoi rongo. Da tondad matana. Kada abda itei wango matada, da rongoi wango katillda, da tajai la ateda monno nakabal. Ub, gu hatogahad.' ²⁸ Orongo, nela kam tajakak moya yi na toleka wal la Maroba Wol Ka Ray nahaduk koha mowa dadka hi la to walla heka hadoyo monno da rongonya." ²⁹ [Koleha bana hadukkid he hatokiy Paulus, He to Yahudi dahalakoy jada pahawukmango pahangada.] ³⁰ Na engango du do la umma pa kahewa dona monno na hibba kohai to ka mala barana, ³¹ Hagapen bana hadukinna li na walla hado Maroba Woll Karai monno naha duad tutna Maroba Ana kanaha wana atena ka ban monno janekmango ka haribatana.