¹ Mokai Angripa wenaniy Paulus, "gu wog maloka kam hanewew taya habe atem.' ma ikay Paulus na hawolarada limana mana tokya ha be atena pa hilpo wuna. ² "Tangkohada paha hadomiga walla he to Yahudi, utuk yaweg bag hangada wugu, Rato Agripa, orongo bag tokya ka hehijango pa hilpo dongag nela arom ne ba henna, ³ Orongo bam taja hijjaya kanogoda he to Yahudi monno jalada. Ineyaka, ne bahena wenegug kam katanga dohawa. ⁴ Tang kohada To Yahudi da taja kohagana hada morhog wal bag bod howa, kawal kapunge na morhogu la jonga ole dogu monno la Yerusalem. ⁵ Orongo ba madeka da tajawa na tutugu, mo bada wawakay, mo da tajwagan na morhog la kalibo tepijja walla kalibo to hatena da, gu habalngo to jaha tena. ⁶ Mo nebahena, ba yigaka yiyo ka urhoya ka tena orongo hakamadiggu la bara Maroba Wol Karai tutungo nuh wekada. ⁷ Yi paworo ka walla ka kabul dongo kabih da kada dukid, tongrongo bada kawojo kataba la bara Maroba Wol Karai lodo monno hudo. Monno, orongo yi hakamadi da hadogan hi To Yahudi, wu rato. ⁸ Mo aba majam tajaya na Maroba Wol Karai bana ha morho habal to kamate mowa? ⁹ Orongo ineya, mo bag hangada doni enga dangahona ha raig jadokin na ngara nna Mor Ana Naha la Yerusalem. ¹⁰ Mo ja to hatena ka muraha bele nek ama ne hatamag la gol, koleha bag kolengo ha tena walla he be to hatena, mo loho wido ba dukid hamayila koha ba mate, ma gu ngon. ¹¹ Moka, gu hamayila juai la sinagoge mono gu hawedei terliwui. Monno gu ban te pijjad, gu hamayillad, koha ba duk la harona jaha kal taja." Paulus na dulkoya bana tobokoya na Mor Ana Kanaha ¹² Mo tut ne wido, tongro la lara widowa aro la Damsyik, na hatena monno paha wededaga walla be to hatena, ¹³ Tongro par duyana lodo, wu rato, bala larawa, gu itewa ka derko wala langto, athon magakahana walla mata lodo, ka derko la tutug bag oled he oleg. ¹⁴ Moka, koleha bama moko kohawa la tana, gu podango hanewe na wango hanewe Ibrani, 'Saulus-Saulus, aba mam hamayillaya wenna? jam dadik maw kam tularana galah rangsang ¹⁵ Mo ima wegun, garag wegun, Mori? moka, na Mor na baleha, 'Yai Mori, ha pamayillam. ¹⁶ Mo kodeu kam dedew. Orongo imag hatingo wug l;a baram tutna yi, hawonagug kam hamadiw ole tom monno kam taja waga, mo ha item ja ibelek nemay, ta idoya he paha tingo jalagug. ¹⁷ Gu hatolekag wal olem yila monno walla to hawadeka, ma walla i gu hawonag, ¹⁸ ka bugera da da matada kada baliy la walla kapogto ka da aroi la kamagakaha mono walla kulho marapu kareh wolo kada aroi la Maroba Wol Karai da mo kada hibaya na nyora wal haraiyda mo kada hibaya nena dagda la jonga to paha mad mowa walla he pe to hatena la barag."" Paulus na dulkonan na tut hayilna ¹⁹ Moka, rato Angripa, jag kalmawa ja dokin neha iteg tutla hado maringo, ²⁰ Ta idoya, Kapungena, gu dulkodan he ka nengo la Damsyik, mo la Yerusalem mono tangkohada la Yudea, moloho wido la to hawadeka, orongo da jora deho monno da bal nehoi la bara Maroba Wol Karai mo harai kadoha. ²¹ Ineyala, he to Yahudi ma da wopawa la hado Maroba Wol Karai monno ka hamateya wedaga. ²² Dokngo hena lodo, na hamadwa na Maroba Wol Karai imag dedewa hena dulkoya ka hepijango, la ana to mo loho to matu ka hepijango, abida ha tokda he to pah wedena monoi Musa tutngo ba ahan ka dak nemela, ²³ mo bana mayila neho neme na Mor da, tutna ba ika morho habal walla tangkohada to kamate, na tong lurhoya, he la to Yahudi mo loho la to hawadeka." Paulus na engango hatena wenaniy Angripa. ²⁴ Mo ba engahodai Paulus bana tokiy tutna bana pahilpo wuna, Festus wehadohanan, "Paulus, ja ngade kakho mun! nena al pewemu ipa kabonga dongam." ²⁵ Mo na balehai Paulus, "Festus jag ngadekmawa, toknegud ka tena mo ka hepijango. ²⁶ Orongo, rato na tajay hi monno ba i imag tokiy ka hepijango. Orongo, gu tajaya janekmango ka dad hepoya walla pahamadna orongo yi jala hado la hupmanan do dakna. ²⁷ Rato Angripa, mo hatena kadoy he to paha wede? Gu tajaw bam hatenai." ²⁸ Rato Angripa wenaniy Paulus, "nena maloga ka dobo, mu paha tenawa dak to hatena." ²⁹ Moi Paulus na baleha, " Gu renoni la barana Maroba Wol Karai malewarana mo ngare ngarena, ja yowakmango, hekohango tang kohango to ka rongowa hena lodo, dak ba hem la ya, abin hi kaloro boh." ³⁰ Moka, na dede na rato, Mo loho wido na Gubernur Berniuke, monno tangkohada he to ole ngodo da. ³¹ Mo, da ujakana nena hado, mo da hanewei, "yina to janekmango haraina ka wing ab hamayila duk matekan mo loho taya la gol." ³² Moka, Angripa wenaniy Festus, "yina to halokonka kana hongo mo baja poneka ha tak donganiy Kaisar."