¹ Tol lodona jongana, Festus na dukla provisi, koleha bana halako walla Kaisarea aro la Yerusalem. ² He to ha tena mono to bokolo la Yahudi gobadaniy Paulus, mono engadan bada duhayai Festus ³ Da gulya bada hawede to ngodyai Paulus la Yerusalem, Koleha bada woronka hamateyai Paulus la lara. ⁴ Festus balehananiy Paulus engango bada pot ya la Kaisarea mono i dag engango bana dedo ma, ⁵ Moka wenan, "Halokodka he kapareha nola jongana bada ma olega, mo baneka ahango jaka wonanga la barana, jekakmoda ka ineka ka hadukiy." 6 Pojakay Festus bana engango nola jongada jaka reh walla podo pato lodo mo loho kabul lodol, balnanka la Kaisarea. Moka, delango na tana, ngodonan la hado pohoto jala monno na parehayay Paulus ngodya la arona. ⁷ Kole banadukay Paulus, he to Yahudi ka ma walla Yerusalem dededad labarana, mada tokiy dangala jalana kabuto gobaniy Paulus, jaha dukda hatingod. ⁸ Poja kanoyo, Paulus na tokya kahepijango, "Ya jag rai mango apa ango kajala gobagim, tutna Pata Tanada Yahudi, Umana Kamawol Kamarai, mo domol nela Ngora To." ⁹ Ta idoka, oro kab ated hadohad ateda to Yahudi, Festus hanewena nela baray Paulus," Neyom wawa kado halako nela Yerusalem moda dolgun najalam nela arog tutda hipa tokdag?" ¹⁰ Tabolo, Paulus hatokna," Ya dedegun nela arona kapreha Ngora To, lahado pohto hijadagan najalag. Ya jag jala pijag mawa tutda nela barada to Yahudi hengo hataja mowam. ¹¹ Manene, bag jala kawa mograyngo ahango katuba hamate donga, yayo jagpla dongakman walne hamate donga. Ta idoya, ne paha jala donga daga bajana tenaka, janek mango hawu toyo kadad pohtoga neha jala dongag. Mane yayog ponewa hatagngo nela Ngora To." ¹² Maha legeya, pojakay Festus bana woro dongad heto Kawohoka, na balehay," Yo pone mowa munka nela Ngora To hatagngo, manela barana Ngora To yom halako nehow." Festus kapatanan nela Ngora To tutna nay Paulus ¹³ Kole hoka pira lodongo kalongango, Ngora To Agripa ¹⁴ Bada engango nohabal kapira lodongo, Festus dulkonan tutney Paulus nela Ngora To, hatokna," Nen nahawuna to hapodney Feliks ¹⁵ Neba atga nela Yerusalem heto taghanet bokolo oled he toka tuda Yahudi tokdan paha jaladan bada goban mo daka reya kada dolun hajala dongana ¹⁶ Mayag balehay he iyo jaka nogog madan heto Roma dolun jalana nena to jaka jalaho bajada hatoboka mata hongo mada won maloga tokya katepijango tutda he paha jala dongadan. ¹⁷ Moka, mada mai makoha hena, jag hadikikman yina kadad, tabolo, delakango na tana,ya ngodogun la hado pareha mag hawedey tutna nena to ngodya la arog. ¹⁸ Bada dedeka he to kaha jalaya, jahil nekmangka hatokda jaka doha ne pahangadag. ¹⁹ Ta idoka, tokhedan ahan nejaka doha tutna nena to tut hatena doda mo tutwalna nena Ana Naha, ka mate moyaka, ha toknay Paulus ne ina morho. ²⁰ Orongo bag bongoro ahanyina kejuy hi tangkohada, yag kapatan halakodow la Yerusalem mo bada pohoto nohabal tutna yiyo. ²¹ Ney Paulus bana poneka hagoba tut potdan mo remango ha pohotona Ngora To, yag prehai ne i ka engana bapotya koha badukin hangodya la Ngora To." ²² Moka, Agripa hatokna la barai Festus, "Yag kamak jalango rongo dagya nena to." "Meraha,"Hatoknai Festus, "Yom rongokaya." ²³ Moka, iha lodol jongana, Agripa monoi Bernike madad tanga ngara manadango mada tama la koro hado preha oled to ban mono he ka preha nola harona. Halegeya, dokngo nali prehanay Festus, Paulus marongadan tama. ²⁴ Ha toknai Festus, "Ngora To Agripa mono tang kohada kanengo ka olegama yama hehena, Itekya yina to, paha ohada tang kohada to Yahudi labarag, ka nengo la Yerusalem mowalka kanengo hehena, ka wango kawulo yina to badokan jahilha morho hamadekmanka. ²⁵ Ta idoya, yag pewen yina to janekmango apa ango ka rokango tutna ha mate dongana. Monno, bana pone pik ne la Ngora To, gu pohtoya ha ngodin nela Ngora To. ²⁶ Tabolo, janekmango aha ango ka tuba ha tulho nela yo ha bapa. Oro idoka, imag marongan yina to la baram tang koham, tubana nela baram, Ngora To Agripa. Neba hena, nela bada pojakaya nen hemala ba hamadya ub nengo ha tulho. ²⁷ orongo, ne kahengo kajaka wing la pahangadag tut hangodngo ha wu to hapot jaka nengo jalana ka hepijango nola barana."