¹ Paulus kaduray heto Kawohoka maha tokna," Bag ole begim, yayo paha lakoya na morhog wango ate muraha katena nela arona Kamawol Kamaray duk hena bahena." ² Maha legeya, Ngora To Taghane Bokolo kangarangoy Ananias prehay heto kadede labaray Paulus kapokan nawoba ney Paulus. ³ Maha legeya, Paulus hatokna labarana," Kamawol Kamaray naka pokag, neyo koro wat pala gorada kakango! Neyom bam ngodom mayega miga jalag dokngo Ukpata To Pewe, tabolo yom layya nena ukpata to pewe bam hawedem kapo kaga yayo?" ⁴ Heto kadede nela barana hatokda," Neyo podmun nena Ngora To Bokolana Kamawol Kamaray?" ⁵ Maha legeyay, Paulus hatokna," Jag pewekman bag ole begim, ne iyo ba Ngora To Hanet Bokoloya. Orongo, kama tulho,' Abum hanewe boka laka tutna hawu to kaparehana kalingoram.' " ⁶ Ta idoka, koley Paulus bana tajaya nola jongada bato Jaka wohokay mo toka Wohokoy, Paulus hanewe nan nedalo lato Kawohoka," Ole beyo, yayo toka Wohowa, ana naga toka Wohoka. Yayo hajala daga orongo hamonegun mo tolkoda toka mate!" ⁷ Koley Paulus hiyo bana tokiy, kodenan hajeke wungo nola toka Wohoka mo jaka Wohoka, maha koboda he toyyo habawe bawedad. ⁸ Orongo, heto Kawohoka hatokda janekman natolko, janek mango ana hawedena, jane alak mango wadtengngo, tabolo heto Kawohoka ngod he tangkohada heyo. ⁹ Ma, kodenan nahata bokolo mahe hawu du To Pewe Ukpata wal laka lingora toka Wohoka haga tepija dad," Yama jama kolek mango aha ango kajala wal yina to. Aha nyina na wadtengo mo ana hawedena naha newe mowa nela barana?" ¹⁰ Lodongka, kole naha jeke wuda reh bokolo nan, ngora to ban kaboniy Paulus bada hira harakan heto danga, mana prehay heto ban bur jeke but ate yay Paulus wal nola jongada, mada marongan nela katorada. ¹¹ Meraha bana hudongo, Namor dedenan nela baray Paulus maha tokna," Haka dongkon na atem orongo yom tokya kahe pijango tutkag Neya nela Yerusalem, mane walka yoyyom tok pihoya nela Roma." Kujlon Hamate yay Paulus ¹² Bana lodongka, to Yahudi pujdan mada haro wu dagda ja muyo moja in apa ango duk bada hamate yay Paulus. ¹³ Reh walla pato kabul to hika pujun. ¹⁴ He iyo madad nela ngora to taghanet bokolo mo toka tuda, hatokda," Yama pohto mowa manka bama haro ba jama muyo mo in apa ango dukngo bama hamate yay Paulus. ¹⁵ Nebahena, orongka, yoyyo oled he toka Wohoka, hadukin nela ngora to ban kada bur ngodya nela barama, ne yoyyo mera kapohto tepija mun najalana mane yama rohkoman hama teya bajana dukhon yi laha do." ¹⁶ Ta idoka, lakeda kaban ana kabiney Paulus rongoya tutna nena karebo, mana halako tama nela katora to ban, hadukin nelay Paulus. ¹⁷ Paulus kama kongo hawu to ban maha tokna," Marongan nena lakeda labarana ngora to ban orongo nen paha dukna labarana." ¹⁸ Manena to ban marongan nela ngora to ban maha tokna," Paulus, neha potum, kamako naga bana karewa marongan yina lakeda bo mone labaram orongo nen paha duknag labaram." ¹⁹ Ngora to ban keten nalimanna nena lakeda bo mone mehada," Apan pahaduk moga nela barag?" ²⁰ Mana baleha," To Yahudi da pohtoya kare nela baram maronganiy Paulus bur nela toka Woho meraha, he iyo mera kapata pijadad tutna iyo. ²¹ Manene, abum rongoy he iyo orongo ned pato kabul to walhela jongada kahaniy Paulus, kaharo mowa jaka muyo mo jaka in dukngo he iyo bada hamate yay Paulus. Maneba hena, he iyo da rohko mowangka rema modadka na ngomun." ²² Halegeya, ngora to ban hawe deya nena lakeda bo mone halako, ha apen nelaa barana," Abum dulkoya nela garakan orongo yo hetang kohada pahaduk mowa moga." Paulus hangod dad nela harona Kaisarea ²³ Maha legeya, nena ngora to ban kamakod du to ban maha toknad," Pagonango du ngah to ban, pit kabul kalete jara mo du ngahwal to ban kamang bodlona, kaha lako nela Kaisarea, yila kukman maro. ²⁴ Pagona alango haranga kana kalete niy Paulus ne iyo marongan ab nengo apango labaray Feliks, nena ngora to." ²⁵ Lodongka, ne iyo tulhonan hawu hurata kahengo yiyo: ²⁶ Walley Klaudius Lisias. Nela barana Ngora Toy Feliks kama nadango. Maringngo. ²⁷ Yina to wopadan heto Yahudi mohok moka daha mateya he iyo nebag mawa oled heto ban magha tolkon, kole bada tajaya ne iyo baha wuya to Roma. ²⁸ Orongo yayo kab aten pewen apan orona he iyo hajala dan, yag marongan bur nela barada toka Wohokada. ²⁹ Yag tobokaya ne iyo hajala dan tutna neka dadna Ukpatada To Peweda, tabolo janek mango apa ango katuba tut jala mate mola golwal. ³⁰ Ne bada hadukgan nela barag banen hawu nakuj longo goban yina to, yayo malawara gun prehay he kaha jalaya kada hatingon paha jaladan nela barana nela arom. ³¹ Halegeya, heto ban dokngo nali preha nela barada, jeka yay Paulus marongan bana hudongo nelay Antipatris. ³² Delango na tana, he iyo paholay heto kalete jara olen halako. mada bal nela katora to ban. ³³ Kole bada dukka nela Kaisarea mada hadukin nena hurata labarana ngorat to, he idomol maronganiy Paulus nela barana. ³⁴ Pojaka na ngora to bana kejya nena hurata, ne iyo kapata nan geka lingora yay Paulus edo walna. Kole bana pewen ney Paulus bawalnan nela Kilikia. ³⁵ Ne ipa tokna," Yag katangaw poja he kaha jalaw bada ma alla. " Maha legeya, ne iyo prehay he kapa horaniy Paulus nedalo la katora bokolonay Herodes.