Paulus todo talaranan tutna Hatenana ¹ " Olebeyo moha bapa, rongogan hatokig neba hena labaram." ² He iyo bada rongoya ney Paulus bana kamakod dalo laha newe iha nuha, he iyo rehka dona dad, maha tokney Paulus, ³ " Ya to Yahudiwa, kadadwa la Tarsus, Kilikia, tabolo matug yi laha rona hakar, hanuwa daga lakab li prehay Gamaliel kate pijango dokngo uk patana nuh weikada, mag run ngo tutna Kamawol Kamaray, hamera ne yom tangkoham hena lodo. ⁴ Yag hama yilaya yina Lara dukngo rah mate, apey hatamad iyo, kaban moma wine nedalo lagol. ⁵ hamera domol To Taghanet Bokolo mo tangkohada be toyo hatok daga labarag. Wal hela iyo yag hibay hurata tutda he olebe nela Damsyik mag halako pingod he iyo kanengo nohabal ngodiy nela Yerusalem potuy kadolud jalada. ⁶ Ma dad nanka, tongrog halako hokmoka dukig nela Damsyik, tankatut lodongka, hawing nan nama gakaha walla langto kaloloka kapongga. ⁷ Yag bopa nela tana mag rongoya naliyo hatokna nela barag," Saulus, Saulus, aba yo mamha yilawa Ya?' ⁸ Yag baleha,' Garag Yo, Mori?' Lodongo ne Iyo hatokna nela barag,' Yadoka Ananaha walla Nazaret, ne pama yilam yo.' ⁹ To hama rongag iteya nena maga kaha, tabolo jada tajak maya lina To katong rongo hanewe dongaga. ¹⁰ Maha tokig, Apa nehon neha rayig, Mori?' Mana Morig bale hawa ya, ' Dedew maha lakow nela Damsyik , manoha bal, yo daha dukgun tangkohada pa pohto mowa kam karejad.' ¹¹ Neba jagdadwa itewa orongo manadana nena magakaha, ya daha retga heto ka olega bag tama nela Damsyik." ¹² Halegeya, nen nato kanga rangoy Ananias, toka tubaya dokngo Ukpata To Pewe, tajadan to dahaya tangkohana to Yahudi ka engango nohabal, ¹³ manan nela barag, bana dede nela barag, hatokna, ' Saulus, Saulus, itewka!" Walno mema, yag ite habalwa mag iteya iyo. ¹⁴ Mane iyo hatokna,' Kamawol Kamaray nuh weikada hadidara mowag kam tajay Hamoda Habena iteya Katena, lodongo rongonan nali walla Wobana, ¹⁵ orongo yo kaha Dukgan tangkohana to tutna apan ha ite mowam moha rongom. ¹⁶ Mane bahena, aba yom mamha diki dikin? Kodew kam woya napola tom iho, kamha murahad dok jalam engango kamakon na Ngarana." ¹⁷ " Nebag balwa nela Yerusalem batongrog kawojo nela Umana Kamawol Kamaray, yada bon ga Wadteng, ¹⁸ mayag iteya Iyo hanewe nela barag,' Ngotok ngo malewa raw lohongo walnela Yerusalem orongo jada bekma gun hatokim tutug Ya,' ^{21 19} Maha tokig, ' Mori, he idag da tajawwa neyayo bagha tamad lagol mahe iyog pingod kaha tena nela Baram walnela hawu uma doka wojo atha wadeka wal. ²⁰ Maha legeya, nena rutona Natom, Stefanus, bowongo, ya dag ne allaga nohabal, ngo allan, magpa horadad kalebeda to kaha mateya.' Pojaka no, Ananaha hatokna nela barag,' Halakow! Orongo, ya hawede gug yo kamma rongo hela to hawadeka."' ²² Heto danga katanga yay Paulus dukda hipa newe. Pojaka no, he iyo tangkohada haloho dad lida iyo maha tokda," Podahay to hika hengo walnela pontana orongo jada tutma ne morho!" ²³ Lodongo, tongroda he iyo bada kawulo, bada wewdad borda, bada hoba rango kobko nela awango. ²⁴ ngora to ban wonan li preha ney Paulus kangodya nela hadoda, tanam ney Paulus kapa horan wan pal tanam ne iyo ka kolen aba he iyo mada kawulo goban ne ika hengo. ²⁵ Tabolo, hebada haloka ray heka lito, Paulus hatokna nela to ban neka dede labarana," Ika hawa neyo bam paluw hawu to baha wuya to Roma bajam kejnan najalana?" ²⁶ Kole nena to ban bana rongoya, ne iyo halako nan dukin ngora to ban hadukin, hatokna," Apan neha rayim? Orongo, yina to bato Romaya." ²⁷ Manena ngora to ban manan maha tokna labaray Paulus," Tokgan nela barag, yoyo to Roma hijaw? Paulus hatokna, " Ngo" ²⁸ Nena ngora to ban balehana," Yag kolen bato Romawa wango omaha dangala." May Paulus hatokna," Tabolo yag kolen bato romawa oro nodo dadgun." ²⁹ Mahe to kajegyay Paulus uja madankan manena ngora to ban dukngo kaboh orongo bana taja yay Paulus bato Roma ya bana pingo mowanka. Paulus Panewe Donga nad he Kapareha Yahudi ³⁰ Ta idoka, neme la lodo piwal, orongo nena ngora to ban kab atenan tajaya apan kaha oro pija abay Paulus mada haja laya heto Yahudi, ne iyo pahola naniy Paulus mana parehay heto taghanet bokolo tangkohal kada heto Kawohoka makoha, mane iyo maronganiy Paulus bur mana pa aron nela jongada.