¹ i yina dak, tomngo Apolos nen La Korintus, paulus na napala la kalingora tama dalo mona na duk la Efesus. Noha bal, na kolen hawadeka atana. ² Pauylus naha newe labara to," eben yom hibaya wad katengngo poja bam yom bam hatenaya?" to da balehaya, "jedoma, yama jama rongo mema mahoya ba nen wad katengngo." ³ iya, Paulus na tokya, "nola gin, lodona, yom daha ihom?" da baleha to, " nola haihi yohanes." ⁴ Paulus Natokya, "Yohanes daha ihoi kahengo haiho jora, ma tokya la to kada hatena la bara hito neme nemengo kma poja I, ne labara Maroba Yesus." ⁵ poja to bada rongoya ne yi, to daha ihoi nola ngara Mor Maroba Yesus. ⁶ lodona, i Paulus naha maringngin limana la pon katokna, wad kateng na ma labarada, mona daha newe tanga ngara hanewe. ⁷ to tangad ba yapud kabul du to da kaba. ⁸ mo, Paulus tama la sinagogemona naha newe bada tahin wal katol wulango, mona bada wo wuda hangada mona hamogton to hado madeta na maroba Alla. ⁹ Oro iya, hi to hawadeka bada tui ate da mona da tularan hatena, tongro bada tokii kajapata oronga lara hi haaroda to danga, Paulu na jed hi to mona da makod hi ata da halako, lodongo da wo wuda hangada diha lodo laha kola hi, teda. ¹⁰ Yina ne kahekalango madena ka du dongo tanam tangkohana to ka engango la asia da rongoya lina Morda, ba to yahudi mona to yunani. lakeda skewa. Maroba Alla na rayin kadangala kaheka hada jaka mang tujana lede lima nai Paulus, ¹² baidoya op lima ka jojaya kalito nai paulus da ngodya labara to kalawara, naka poreda to na bunga mona rerreha japata na loho ngo wala to. ¹³ baiya, hi to ka ohorad mortana Yahudi kaha lako manyolata da dukid bada tokya ngarana maroba Yesus hi to ha tama daloda rereha japata mona da tokya,"ya guharog nola ngara Maroba Yesus lai paulus hatalarana." ¹⁴ Pit lakeda ban Skewa, naha wu be to bokala Yahudi, karayin. ¹⁵ ba idoya, rereha japata na balehaya mona na tokya labara to,"gu tajaya Maroba Yesus mona ya gu tajaya nai paulus, taidoya gara gim yom?" ¹⁶ loho, to hatama daloda rereha japata na talohoka la aroda to, mona da mehan la hi to, mona daha longad to tangada mo hi to da kodya pala wala uma tongro kalolo mona mabugera. ¹⁷ yi da taja kohaya tangana to efesus, to yunani. mona tangada daka boh mona ngara MordaYesus rehna bada haegeya. ¹⁸ dangai wal hi to kapoja hatennay ka engango ma, da ngon mona da talaran harai raina to. ¹⁹ Loho, dangai wala to ka poja harain sihir, da kohai hi hurata da mona da tunui la aro tangana to. Mona, to da yapud wolda hurata hi mona da tobokaya wolna kaduk 50.000 arpi, ²⁰ baiya, Li morda naha ngatango buklo mona mehan. paulus da kudlon na halakoda ²¹ lodongo hi bada pojayi, nola wad tengngo, paulus daha ngadan halako la Yerusalem lodongo da pala la Makedonia mona Akaya, kahengo hatok, "poja ya banega noha bali, gu enganehona bag iteya Roma." ²² Mona, poja bada buto ngod da du to kada hayil la Makedonia, hi Timotius mona Erastus, i dag na engango pira lodo la Asia. Demetris na habuklon hatayaka la haarona bokola efesus ²³ wal lodo at, ha bal na dak ha barengo jaka moraha oro lara at. ²⁴ Oro, nen na to kangarango Demetrius, to karaingo Perak ka raingo kuil perak ka kolengo wolna jaka hok kingo he tagngo raingo. ²⁵ ka tagngo raingo hi da kohahameari kahengo hi kaha yil kamaniaa kaha tuja mona da tok," olebemma, yom tajaya bana bokola ida wal dala pungeda yi. ²⁶ Loho, yom iteya mona rongoya ka, ba ja efesus belemakamha hatangana Asia, paulus naha didiraya mona bana rayin ka danga to tabal hengo na tokya ba Moroba Alla ka rayin wango lima to ja Maroba Alla ma. ²⁷ Yi na ,ayila ja oro madan bada kanad nola hakulro, Dewi Artemis ka hoda madeta jahokma bada yapun, mona i, bada horon tangana asia mona pontana, na bunga hoda madetana." ²⁸ poja bada rongoya kahengo yi, to da dak ban mona dakawulo,"Bokala Artemis, dewi to efesus!" ²⁹ loho, naha rona bokola na bonun kawihaka mona da kode hamerango la uma mania mona da weran Gayus mona Aristarkhus, to makedonia ole halonai paulus. ³⁰ baineya, yi paulus bana bekango halako tama la hadu to danga, hi atada jeda jekman. ³¹ lohom, kapirango to bokola Asia ka ole dongan daha ngodin hawu li labarana mona dawungan bada renon labarana abda wu dagna la uma mania. ³² mo, hawadeka da wulon mona hawadeka, oro nama koha ba nen nola kawihaka mona hawadeka wala to jeda taja maya ahan kopena hi to bada ma makoha. ³³ hawadeka wala to danga da pohataya Aleksander oro hi to yahudi da tularad la aro, mona poja Aleksander bana woya tadko la limana, na kab atena haraina lahaduna laaro to danga. ³⁴ taido, poja bada tajaya ne Aleksander ba to yahudi, ka du jam kalango, to tangada dakawulo kaha wungo lina," bokola Artemis, dewi To efesus!" ³⁵ na poja to katagngo bawe,naha donango to danga, naha newe, "ta to efesus, garan jaka taja ba harona bokola efesus ba to ka jawa kuil dewa Artemis kama deta hadona mona kabur wala langto. ³⁶ baiya, oro kahengo yi, jaha dak goban, yom dak enganehongo kadona mona jaka harai jaka boh. ³⁷ Oro,yom kapoja ngodya to yi,Gayus monai aristarhus,hi to kaha lakoole nai paulus. ³⁸ ba oro iya, ba Demetrius mona to mania daha roje dongan da dagngo haoha labara ole to, meja wuha dok da bugeran mona nen Prokonsul. jene kakda hakik laha wu aro hawadeka. ³⁹ Baineya, ba ikaya yom bam bekan hakab atem hawadeka, da dadi ba pojaya nola kahareha to dokngo pata. ⁴⁰ oro, neda nola mayila bada hajala la kawihaka lodo hena oro janengo koped kaha tok hadohaya nena hatobo da ka wihaka." ⁴¹ poja bada tokya yi i, na hewai to kama koha.