Paulus atun nela Kalingora Makedonia molka Laka Lingora Yunanil ¹ Pojaka apan neka dad pojaya, Paulus kamako nad he ana hakodo ana halolena, pojaka hakulho dad ateda, ne iyo hanadad halako atla Kalingora Makedonia. ² Pojaka ne iyo banna nahya nona kalingora mana wod he iyo dangala liha nuwa, bana duk laka lingora Yunani. ³ Nohabal Paulus engana tol wulala. Orongo to Yahudi pujdan goban iyo neha lako pala nela Siria, ne i pohtonan bal palakan nena Makedonia. ⁴ Paulus na olen ney Sopater walnela Berea, ananay Pirus, ole domol dadiy Aristarkhus moy Sekundus walnela Tesalonika, moy Gayuswal walnela Derbe, moy Timotius oleniy Tikhikus moy Trfimus walnela iha do. ⁵ He iyo halako uldad mada rema gama yama nela Troas, ⁶ tabolo yama halako man walnela Filipi poja nena Lodo Hor Muka Baba Jaka Pod, maha lako dad hela iyo lata Troas kalima lodongo, nohabal yama enga man pit lodongo. Halako nay Paulus Kahoda mur nela Harona Troas ⁷ Lodo kawu ngango nona migna, tongroma makoha doba ne muka baba, Paulus hanewe nan nela barada oro hakab atena halako nelodo la aro, mane iyo naha malon nali nuwana duk taloro hudo. ⁸ Ned dangala ap we la koro deta, hado mako hama. ⁹ Nohabal dangalay bomone kangangoy Eutikhus katong rongo ngodo nela ana bina mangokro nan majur. Lodongka, Paulus hakita nan hanewe neka made kala, ne iyo rehma ngokra nan majur majana kanad ma walnela koro deta hadol wango mada keke taya mate mowaka. ¹⁰ Tabolo, Paulus burnan halokara wunan nela pon na mana udo kakya, hatokna," Abum kawihaka orongo na ngahna nehon nedalo la iyo." ¹¹ Koley Paulus bana bal pi pone, mana muka baba, ne iyo hanewe nan nela barada made kala, duk kukman. Pojaka no, ne iyo halako nan. ¹² He iyo maronga dan nena bomone bal enga hona morho hangadana doha pija. Halakona walnela Harona Troas lodolngo atnela Harona Miletus ¹³ Tabolo, pojaka bana halako ul nela tena, yama halako man nela Asos hakab atema toboka yay Paulus nohabal orongo ne iyo dakab ate he mowanka, ne idagwal hakab atena halako athabal wango halako tana. ¹⁴ Kole bana tobo kama yama nela Asos, yama toboka man, lodolngo halako nela Metilene. ¹⁵ Pojaka halako walnoha bal, yama dukman bana dela kango na tana nela Khios. Meraha wal, yama dohe manka nena Samos, iha lodo piwal yama dukman nela Miletus. ¹⁶ Orongo, Paulus napohto mowa yaka halako palakan nena Efesus tanam ne iyo abna pojaya na rahda nela iha do orongo malewara halako nela Yerusalem, bana dadka, nela lodo Burna Wadteng. Paulus Panewe nan hela Beto Efesus ¹⁷ Walnela, Miletus Paulus hawede nan to halako nela Efesus mana hawedey he betoda nola kalingorada manela barana. ¹⁸ Mane bada ma nela barana, ne ipa tokna labarada," Yom dag tajaya, aha nyina morhog nola jongam kadoma, walka wungana bag deken yina iha do, ¹⁹ nebag kawojon Namor wango liwawa ate, wango we mata, dukngo nena hajode ha tobokag ledengo hapujda heto Yahudi, ²⁰ ahanyik kana bajag tahngo hadukid nela baram tanga tangana kamang gona mawolgim liha nuwa nela aro ub atla iha uma iha uma, ²¹ kole pijango hanewe, magba nela to Yahudi molka nela to Yunani, tutna mol ate nela Kamawol Kamaray moha tena nela Morda,. Ananaha ²² Maneba hena, itekya, bada pingon Wadteng, ya tongrog halako nela Yerusalem, jag pewekman apan kadad nela barag athabal, ²³ helengo, Nawadteng naha tingo pijan nela iha harona iha harona labarag nena gol mono mayila na rema mowa gaka. ²⁴ Tabolo, yayo jag hangada nekman na morhog mang wolna tut pola to dagug tanam neya kag dadwa pojay hepa yilig molka nena kareja pa hibag walnela Mor Ananaha, nehaduk tepijan tutna Lihanuwa hawona Kamawol Kamaray. ²⁵ Maneba hena, itekya, yag tajaya janek mango nela jongam, nela baralkam yag nahya hadukin tutna kalingora preha pontana, da ite pikgan na matag. ²⁶ Ne orok nanka, yag hadukin nela baram hena lodo neya bajag jalawa tutna rutoda tangkoham. ²⁷ Orongo, ya jag pod wukmag tutha dukin nela baram tangkohada hakab atena Kamawol Kamaray. ²⁸ Hamatarra kin napola to dagum molka tangkohada olem orok nanka Nawadteng naha dad mowagka pamata rad tut jawaw he kangotena Kamawol Kamaray, nepa kole Dagna wango ruto Dagna. ²⁹ Yag tajaya nebag halako waka, boga uta boga uta jadoha madad nela jongam, jada hangada nekmadka heka ngote. ³⁰ Walnela jonga dagum na huday to kahanewe tutna nena hajode tingiy he ana hakodo ana haloleda walhela iyo. ³¹ Orok nanka, hamata rakngo, apekya ne bana hudongo mo bana lodongo, tol doyo madena, ya jag ngah mawa neyom ha apegim iha iha wango we mata. ³² Maneba hena, yag wow nela Mor molka nela lihanuwa Manawarana kadad hakodew wog hadagum nola jonga tangkohana to paha tengda. ³³ Yayo jagkab atek mango omaha kaka, omaha rara, molka kalebe apango. ³⁴ Yadag pewen yina lima pon ya hakab ateg mohe iwal ka olega yayo. ³⁵ Ne tangkohana, yayog hatingo mowanka nela baram neba kareja tepijaka yika hengo, ne ita datul hod jaka dongko mo apekiy hanewena Mor Ananaha, ne Idag hatokna," Nareh dohapo newoyo ubne hiba."' ³⁶ Ne I bana tokiy heyo, ne iyo nyokonan kawojo dongad he iyo tangkohada. ³⁷ Lodongo, dangalay we mata nela jonga tangkohada mahe iyo yapdan nakoko nay Paulus, udo kayya, ³⁸ he iyo mayila pija, pungeda oro hanewe hepa tokna orongo he iyo bajada hil itenan na matana. Lodongo, he iyo ole daniy Paulus nela tena.