¹ lodongoi Paulus na ujan Atena, moma naha lako la Korintus. ² La Korintus naha tobo dongan to Yahudi ka ngara nai Akwila, kawal lai Pontus. ab duk wala itali ole Priskila, arawenna, hi tangada ti yahudi kada ujan n Roma. Paulus na li la umada. ³ Mona oro to bada roje hayilin kaha mera, daha roje engango, da roje hayil, ba tukan g kema koha moi. ⁴ mona diha lodo mig Paulus naha newe nola uma ibadat mona daha kidid ha ngada to yahudi mona to yunani ⁵ poja silas mona timotius da ma wala makedonia, paulus na wo kohaya kole talaran li hor, la gin bana woya haitena labara to yahudi, na maroba Yesus ba ana nahaya. ⁶ taidoya hi to bada muh nelin mona bada kulroya, na kobahaya kobko wala kalebena mona na tokya labara to: "jenekakna rutog bada bowongo la pon katok dagug, gu muraha, jana jala. wal bahena ya halakowa la to hjawadeka." ⁷ na lohongo wal no, na ma lo uma to ka ngarango Titius Yustus, ka ngote labara Maroba Alla, mona karokeha wedongo uma ibadat. ⁸ taidoya Kripus, be to uma ibadat, da dak hatena la bara Morda daha roje dongango ih uma, mona da danga wala to korintus, karongoya bada talaran paulus. daha tenaya mona wo wuda to haihoi. ⁹ I Ya, Morna naha newe labarai paulus naha wuna hudo no hawu haiteda," abim kabohkau, taidodoya ngata dekakngo hanewe abim kadona, ¹⁰ Oro bag maronga mog mona ja nenemango hawu to ka goba gu kada hama yilag bada danga nemoi tog laha rona bokola." ¹¹ Iya, Paulus na enga ngo noha bal 1 do 6 wula, toma bana hanuwango Li Maroba Alla la hadu to. Paulus daha aron labara Galio. ¹² taidoya, poja Galio bana dak Prokonsul Akhaya, hi to yahudi daha wu atengo kode gobani Paulus mona da ngodya la aro kursi pengadila, ¹³ mona hatokna,"To yi da uhui to danga kada horon na Maroba Alla da koban pata Turat." ¹⁴ oro taidoya, i Paulus hokmo bada bugeran na wobana, Galio na tokya labara hi to yahudi," ba ikaya yi, ba wat widakai ba kajala jaka areha, ta to yahudi,ya gu tagun detoya na harayim. ¹⁵ Baineya, ba ikai yika jala tutda laha newe, mona ngara da, mona pata dagum, urhaya na dagum. jag wawa nek mawa pohata wu dag ngo hi yi." ¹⁶ iya, Galio na wugai wala uma pengadilan. ¹⁷ poja no, to tangada da wopaya sontenes, Katok sinagoge, mona dapalui la aro uma kahareha. Ba idoya, Galio jena pahora neman hi i. paulus na bal la harona bokola An tiokhia ¹⁸ poja ni, paulus na engahongo pira lodo, mo naha nai ole bena kaha wungo hatena mona pala la siria, marongani Priskila monai Akwila. di kengkerea, paulus na gutya na logena pata to yahudi ¹⁹ lodoto da duk la Efesus, mona paulu na jen Priskilamona akwila noha bal, taidoya i dag natama la sinagoge mona da woha ngadangone to yahudi. ²⁰ baido to bada reya paulus ma deto ngango, paulus jena wawama. ²¹ taidoya naha nai hi to mona tokya,"ya nemeg bal piwa labaram na maroba Alla bana bekakhoga." mona , na pala wala efesus ²² poja i nabur la Kaisarea, paulus na pone la Yerusalem mona na woya lina labara to hateana ka nengo habal. mona bur la Antiokhia. ²³ Mona, na poja bana maloga noha bal, na jen naha do at mona na woletan naha wu hado at la hado hawadeka nola kalingora Galatia mona Frigia, poja bana hakulhod atana.Apolos la harona bokola efesus mona harona bokola Korintus. ²⁴ nengo neme, ne na to yahudi ka ngarango Apolos, wola Aleksandria, na ma la Efesus. i hawu to kaha kola mona pewe nola hurata hor. ²⁵ nbto yi daha nuwa mowan na lara Morda mona nama gahara nola wad tengna. na tok ya mona naha nuwango tepijango hada dag Maroba Yesus, taidoya hatajana haiho yohanes. ²⁶ i nemen hanewe kaha te pijango nola sinagoge, taidoya ne priskila mona akwila da rongoya, to dakodon la rapehana mona naha nuwan labara na larana Maroba Alla ka reh geha. ²⁷ Mona, Ne Apolos bengo pala la Akhaya, tanga da ole be kahawungo ha ngada daha didaraya mona da tulho labara ana poja da hibaya mana. poja bada duk, da dangai hatulna to oro kanyur morha ha poja hatena, 8 orona ia bada hawikongo bana goban hi to yahudi la aro pajang, na hatingon na hurata hor na Kristus ba Ana nahaya.