¹ diha lodo, hitui Paulus monoi Silas bada hepoyana Amfipolis mono Apolonia, da duki nola Tesalonika, neni nona ga hawuyo na uma horida hitu toyo Yahudi. ² Lodona, kahengo harayi juanai Paulus, iyo na tama lajongada, koha dukini hatolu lodo hori na naha newe dongadi wadi hitu Hurata Hori, ³ hagapengo bana tokiya mono bana patingoni yitui Kristus bana mayila nepo mono na kode habali wali la jonga toyo kamate, wenena, "Yitui Yesus, yiha tokigimi la barami, yitui Kristus." ⁴ Lodona, hitu hawadeka hatajana kaha ole mowa yilai Paulus mono Silas, oledi hitu hawadeka toyo Yunani ka kabohini Allah mono nedi hawadeka mawinne paha aka. ⁵ taidoya, hitu toyo Yahudi na dukidi hakir ate mono da kamakodi hitu toyo japata ka engango halako mamayo yila hadoyo toyo danga, da koha hadango toyo mono da rayingo hata toyo danga nola harona, lodona da yayara dadi hitu umadai Yason hagapengo bada mayegani Paulus monoi Silas ka ngodiyi hitu la bali hodi hitu la toyo danga. ⁶ Orongo ba jeda jomuyi hitui Paulus monoi Silas, da yori yai Yason mono hawadeka ole hatena la aroda kapareha la harona, weda bada kawullo, "Hitu toyo, kakaboraya yina ponu tana, nejaladi kahena. ⁷ Mono, Yason na hibayi, mono tangada daha doku gobadi yitui Kaisar orongo nene honi na raja hawadeka baweda, yitui Yesus hawengo ⁸ Hitu toyo danga mono hitu kapala harona daka wihaka bada rongoya tutuna yitu. ⁹ Mono, kole bada koleni na ihina wali lai Yason mono hitu hawadeka, hitu toyo dapa holayi. Paulus Monoi Silas la Harona Berea ¹⁰ Hitu ole hatena da malewara hawedeyi hitui Paulus monoi Silas, no hudo mema, la Berea, mono kole bada duki, dala halako nola uma horida toyo Yahudi. ¹¹ Hitu toyo Yahudi habali na doha nehoyi ateda bebu hitu kanengo hola Tesalonika orona bada hibaya na li wango ege ate, hagapengo bada hamataradi hitu hurata hori diha lodo- diha lodo ka taja ba he pijakana baweda. ¹² Oro ineya, danga wali la jongada kadukingo hatena, oledi hitu mawinne mono kabani Yunani paha aka jeka kika hingungo dangada. ¹³ Ta idoya, hitu toyo Yahudi la Tesalonika bada rongoya yina li nai Allah bada haduki jalani hitui Paulus la Berea, neme jaladi yila Berea bada yuyadi mono daha kawihaki yitu toyo danga. ¹⁴ Lodona, no mema, hitu ole hatena daha wedeyai Paulus halako nola hing bonu, tabolo hitui Paulus monoi Timotius enga neda. ¹⁵ Hitu toyo ka oleni Paulus da marongani koha duki la Atena, kole bada hibaya na li hanayo kawali lai Paulus paha wonana lai Silas monoi Timotius kada malewara ma bawena, mokka daha lako. Paulus la Harona Atena ¹⁶ Batongronai Paaulus remadi nola Atena, mera kohi nani na waddina orongo bana iteya nona harona bana bonuni katuku kajala. ¹⁷ Oro ineya, bana kareyo paha ngada nola oma horida hitu toyo Yahudi mono kawali hitu laha doyo hawadeka, kaka bohini Allah, koha nola hadoyo toyo danga, diha lodo-diha lodo, mono hitu hitu kanengo noha bali. ¹⁸ Kapira hitu toyo mania kawali la Epikuros mono Stoa daha newe donga jalani. Mono nedi kapirango toyo weneda, " Apalini hatokina yituna toyo kawoloka?" Hawadeka wedda, "Yina toyo enga kangodiya li hitu dewa-dewa awa, orongo bana tokiya yitui Yesus mono na Morha habali. ¹⁹ Lodona, na tokinani mono da marongani la Areopagus hagapengo baweda, "Dadi kado bama tajaya yina ka boyo hajaramu? ²⁰ Orona, bama ngodi negamadi hitu kabayo kaduku la katiluma. Yama mabeni kama tajaya aha tutuneya wema." ²¹ ( Bahena, tangada hitu toyo Atena mono hitu toyo hawadekaka engango noha bali kapojaya na lododa mono da mayo harayida helena tokiya mono rongoya yika bango) ²² Moka, Paulus na dede nola haduyo Areopagus mono wenna, "Tangami toyo Atena, yayo bagu hamatara gimi yomi hatena koha neya. ²³ Orona, batongrong bagu woletani mono bagu hamataradi hitu katuku kanengo hitu ha horomi, gu duki jalani yina ha wuyo na natara mono neni naha tulho, 'TANGANAI ALLAH JEHA TAJA.' Oro ineya, aha neni ha horomi taboolo jem taja nekmaya, idoka yitu hatokigu la barami. ²⁴ Allah na rayini na ponu tana mono tangana na ihina, orona iyo ba Mori yila langta mono ponu tana, jena enga nekmango nola uma harayina hitu limada toyo danga, ²⁵ Mono Iyo jeha paha jola wajalakmaya limada kadadi toyo ba mera ne eolongo kagu koleni hawa-Na orona Iyo dagu kawodi tangada ka morho, mono kamangu ngahuna, mono tangada. ²⁶ Mono, Iyo na rayini, wali laha wu toyo, tangada kadadi toyo kada engango nola ponu tana, poja rayidi hitu rahi ura mono lodo mono diri rahi dadida, ²⁷ kada mayegani Allah, mono mana dadika dukini joja-Ya langka Iyo jena maro nekma wali la ida tangada. ²⁸ Orona, nola Iyo, itango da morho, da goyako, mono neda. 'orona itango wola jala-Nada.' ²⁹ orona itango bawonadai Allah, dokani itango jeda hangada nekmani yitu na Marobana na hatujaya la mahi, pera, mono watu, yina hawu harayi wali mania paha ngada kadadi toyo. ³⁰ Oro ineyaka, poja bada jeda yina lodo kabongada, bahenaka Allah na toki dani tangada toyo kada jora koha, ³¹ Oro ineya Iyo na poja mowa tokiya na lodo rahi parehana yina ponu tana wango ate matibara yina Toyo poja paha tutu-Na, poja Iyo mana wodi tangada toyo bada hakodeya yina Toyo wali la jonga toyo mate." ³² Mono, bada poja harongoya tutuna yina kode habalina wali jonga toyo mate, kapirango toyo weneda, "Yama mabeni rongo wali tutuna yitu." ³³ Moka, Paulus naha lako wali la jongada. ³⁴ Ta idoya, kapirango toyo da makoha oleni mono na dukini hatena, nola jongana neni yitui Dionnisius, hitu Areopagus, mono ha wuna mawine kangarongo Damaris, mono kapirango toyo oleda.