¹ Paulus na majala yila Derbe mono Lista. Mono na iteya neni naha wu toyo na ana limana, ngaranai Timotius, anana yina wu na mawinne Yahudi ka boda hatena mowa, tabollo na bapana toyo Yunaniya. ² Iya da doma doha neni hitu ole hatena kanengo nola Listra mono Ikonium, ³ Paulus na kabu ateni ole halokani yitui Timotius, ia mana kamakoni mono na ngejuya orongo ba toyo Yahudiyi ka engango nola hadoyo. Orona tangada datajaya batoyo Yunaniya. ⁴ Batongroda halako palakayi hitu harona, daha duki tangada apa nehoni hitu patada hadokida hitu toyo kaha tena, hitu poja hapohota mowana hitu rasul mono toyo katungo ka nengo nola Yerusalem. ⁵ Moka, hitu toyo hatena daha ka dongkoyi yila hatenada mono dangada namatabayi diha lodo-diha lodo. Allah nakamakoni Paulus La Makedonia ⁶ Lodona, daha lako palakayina yina Frigia mono Galatia orona na heridi hitu Waddi Katengo bana talarani na li yila Asia. ⁷ kKole bada duki nola Misia, na kabuatengo halako nola Bitinia, tabollo na Waddi nai Yesus jena haloko madi. ⁸ Mokka, pojja bada palakaya yina Misia, na buru wali la Troas. ⁹ Neni yiha itenai Paulus yitu bana hudongo. neni yina hawu toyo kawali la Makedonia na dede mono napaoha la barana wenani, "Mawuka yila Makedonia mono kam tulu kama yama." ¹⁰ Kole bana iteya yitu haitenai Paulus, na malewara halako la Makedonia, bapoja ha pohotaya yitui Allah bana kamako gama kama talarani na Li la barada. Tutu Joranai Lidia ¹¹ Oro ineya, bada poja hapala wali la Troas, yama hakita mamani pala nola Samotrake, mono diha lodo piwali la Neapolis, ¹² Mono wali habali loppo la Filipi, Harona bokola nola Makedonia mono harona haramada hitu Roma. maengango nola harona kapira lodongo. ¹³ Lodona, yina lodo hori, ma halako nola bali bina bokolana nona harona ka aro nola loko tana, nona hadoyo do hangada mani ba neni hadoyo kawojo. Moka, yama mangodo mono mahanewe dongadi hitu mawinne ka tongro makoha. ¹⁴ Naha wu nama winne kangarango Lidia, kawli la harona Tiatira, kamalajango kaba ungu. Mori na bugera nani na atena kana katangaya ahani hatoki nai Paulus. ¹⁵ Mono, poja yitui Lidia mono tangada toyo kaengango la umana ba haihoyi, iyo na paoha la barama wenena, "Bam hangadini yama bama ha tena tepijaka yilai Mori, mami yila umagu mono kam enga noha bali." mono engana bada doheragama. Paulus Monoi Silas la Golu ¹⁶ Botongrona, bama halako nola hadoyo kawojo, neni yitu na ata mawinne, kamangu waddina katagama kabali mata. Iyo na dangai ha utu hangodinani yina morina ledena yina kabali matana. ¹⁷ Yina mawinne na dokuni Paulus mono yama engango bana kawullo, "Hitu toyo paha wedenadi Allah Kahoda Medeta, katoki gimini na lara morho la barami!" ¹⁸ Iyo na rayi hakitani kapri lodongo. Paulus, na dukini bani mono na kawullo habalini yna waddi, "Yayo gu parehawu ledeni yina ngara nai Kristus Yesus kam lohongo wali la pola tona!" Lodona, yina waddina na loho memango. ¹⁹ Tabolo, yitu na morina bana iteya tutuna yitu ka danga ha utu dongana bana bunga, iya mada wopayi hitui Paulus monoi Silas, mono da yori dola hadoyo toyo danga la aroda hitu ka keteni na kuaha. ²⁰ mono, poja bada marongadi hitui Paulus monoi Silas hitu la kapala pareha, weneda, "Hitu toto, toyo Yahudiyi rayidadi paga goba donga yila harona da itango. ²¹ da hanuwa dadi hitu pata jeka tena kada hibayi mono kada rayini kadadi toyo Roma." ²² Hitu toyo danga daha wungo kode bada tayi hityui Paulus Monoi Silas mono hitu kapala harona da hira dadi kalebe dai Paulus monoi Silas, mono dapa rehayi kada paluyi hitu kadungo toyo. ²³ bada poja hapaluyi hitui Paulus moni Silas, da leto walidi nola golo mono dapa rehaya yina kapala golu kana jawa yi hitui Paulus monoi Silas. ²⁴ Kole pojja hibaya na li pareha, yina kapala golu naha tamadi hitui Paulus monoi Silas nola golu kadoyo dalo mono da radi nadi witina wani kaloro bohi. ²⁵ kole ha tolora hudoya, Paulus monoi Silas batongroda bada kawojo mono da lawitidi tanganai Allah, mono hitu toyo la golu hawadeka da rongoyi. ²⁶ Lodona, kode hawoda na opung bokola ka kedo kohani na golu. Mono, hawingo tangada bina bana ma bugerayi mono hitu kaloro bohi kama radi la diha toyo-diha toyo nama dolahayi. ²⁷ Yitu na kapala golu bana kode mono bana iteyi hitu bina golu bana mabugera, na lohuya nakatopona mono kamha na hamate wudaguna orona paha ngadana hitu toyo lagolu ba pala kadadi. ²⁸ Tabollo, Paulus naka wulo, "Abum hamayila dagu kaya na pola tomu orongo yama ne koha gama hena!" ²⁹ Lodona, yina kapala golu na kareyi hitu api kaha derkoyi mono na halako tama, loppo engana karedi, iyo na kawojo la aro dai Paulus monoi Silas. ³⁰ Poja kanono, iyo na ngodiyi wali la bali hodi mono wena, "Bagu morigimi, apa nehongo harayigu kaha malogaa kiwa?" ³¹ Mono, da bakehaya, "Hatena wua nolai Mori Yesus mono yoyo da ha malogawu, yoyo mono tangada toyo ka engango la umamu." ³² Lodona, Paulus monoi Silas na talarangolinai Mori la kapala golu tangada toyo kaengango la umana. ³³ Pja kanono, iyo nama rongani Paulus mono Silas, no hudo mema, mono na baha nadi kapotada, lodona iyo mono tangada ole benada ha ihoyi. ³⁴ Lodona, Kapala golu na marongadi hitui Paulus mono Silas la umana mono na hagonadi hamuyo. Moka, iyo na ege hija na atena, orona iyo mono tangada ka engango nola umana daha tena mowa lai Allah. ³⁵ Taidoya, dukini noyo didira lodo, hitu kapala pareha harona daha hawedeyi hitu kapirango palihi, weneda, "paholayi kahitu toyo!" ³⁶ Mono, kapala golu na hanayi Paulus, wenena, "Hitu kapala harona da hawede ba holagimi. oro ineyaka, lohongo ka bahena mono kam halako wango dame!" ³⁷ Tabollo, Paulus wennani, "Hitu toyo da palu mowagama la aro toyo danga, jeda kapata lito magama, hitu toyo kawali la Roma, mono da leto mowa gama la golu. Lodona, bahenaka paloho karingi bele modaa gama? jedokmaka! Jekadaka kada mayo dagukada haloho gama." ³⁸ Hitu palihi daa tokiya hitu hatoki da hitu la kapala harona. da kabohi orongo bada rongoyi hitui Paulus monoi Silas ba toyo Roma. ³⁹ moka daamayo ka hawaligama maweda lai Paulus monoi Silas. Bada poja paha lohoyi Paulus moni Silas da kareyi kadungo kada jenaka yina harona. ⁴⁰ Lodona, da lohongo wali lagolu mano da halako la umanai Lidia, mono poja bada iteyi hitu ole hatenada, Paulus monoi Silas da hakadongko dadi ateda, mono da halako.