¹ Lodona, nedi kapirango toyo buru wali la Yudea mono daha hanuwa ddi hitu ole toyo hatenada, " Yomi ba je ngejukami kahengo yina pata dai Musa, yomi jena dadikma ba pamahigo gimi." ² lodona, bana dadi yina haribbango hitui Paulus mono Barnabas gobadi hitu toyo, da pohotaya hitui Paulus monoi Barnabas , oledi hitu kapira walingo toyo, da poneneho la Yerusalem kada dukidi hitu rasul mono toka tungo tutuna yitu paha bare dongada. ³ Moka, pa poja ha lotayi atu la lara oledi hitu toyo hatena, da palakaya Fenisia mono Samaria hagapengo bada dulkoya dohaya tutu jora hitu toyo hawadeka, mono tutuna yitu na ngodiya ege ate la jongada hitu ole hatenada. ⁴ Bada kole haduki nola Yerusalem, da hiba hadoyi hitu ole hatenada, rasul, mono toka tungo, lodona da dulkoya tangada hitu harayi nai Allah lededi idango. ⁵ tabollo, kapirango toyo kawali hila kalibo Farisi kahatena mowa da kode dede mono wedda, "hado wonana ba ngejukayi mono kaha rehayi kada dokuni yina patanai Musa!" ⁶ Hitu Rasul mono toka tungo da toboka dobayi bada haneweni tutuna yitu. ⁷ pojaya nona hagobango kamojango, Petrus na dede mono wenna la barada, "Bagu ole begimi, yomim tajaya ullunana yitui Allah pidemoya la jongami ledeni na wobagu, hitu toyo hawadeka da rongoya yina Li mono dukidi hatena. ⁸ Monoi, Allah, ka tajaya na ate toyo, katoki moya labarada bada wodi Waddi Katengo la barada, kahengo harayi-Na labarada, ⁹ mono Iyo jena hawate-wate mada ita mono idango, poja Iyo bana bana hamura hadi ateda ledena hatenada. ¹⁰ Bahenaka, aba mam kaba nelkani yitui Allah ledengo bana tayana tukla ka buto la kokoda hitu ana lima, wali hitu obu waikada koha itango, jeda duka mani taguda? ¹¹ Tabollo, ita daha tena oro hamalogadaledena yina kanyurunai Mori Yesus, hejala idango." ¹² Lodona, tangada hitu kangojoka toyo da kadona mono da rongoyi Barnabas monoi Paulus, batongroda hitu kadungo rasul bada tokiya tangada hitu tadjko mono balango harayinai Allah lededa idango la jongada hitu toyo hawadeka. ¹³ bada poja hangahu hanewe, Yakobus na baleha, "Bagu ole begimi, rongo dowa yayo. ¹⁴ Simon da tokimowa dani aha nyinai Allah wali kapungena naha matara di toyo hawadeka, kada dekeyi hitu toyo jongada hitu toyo yina hawuyo kangote la ngara-Na. ¹⁵ Haatokida hitu nabi daha tenaya tutuna yitu, kahengo kamatulho, ¹⁶ 'Pojaka yiyo, Yayo gu balikawa. mono hakode habaliya yina umanai Daud kama manyegara mowa. Yayo gu hakode habaliyi kaka wudka, mono yayo gu habayi, ¹⁷ hitu kadadi toyo kaenga hongo na dadi bada mayegani Mori, mono hitu toyo hawadeka haka mako ledeni na ngara-Gu, karayini tangana yitu,' linai Allah, na rayini tangana yitu, ¹⁸ poja hatajaya wali kawunga doyo. ¹⁹ Bahenaka, yayo pahangadagu ida jahilu da hamayilla nekmayi hitu diha toyo kabali yilai ALlah. ²⁰ Tabollo, itango da tulho nepoyi ka maro wungo rayidi hitu habonuna kajala, mono hitu jala tutu ha olengo mono wali hitu kama hokela mono wali la rutto. ²¹ Orona, wali hitu kadadi ullu, Musa nemowani , la diha harona- diha harona, hitu toyo da bahayi la diha uma hori diha uma hori, diha lodo hori-diha lodo hori." Hurata tangada hitu toyo Hatena Jeka Toyo Yahudingo ²² Lodona, na doha abaweda hitui rasul, mono hitu toka tungo, mono tangada hitu toyo hatena, dapede toyo wali lajongada paha wede nola Antiokhiaoledi hitui Paulus monoi Barnabas. Da hawedeyai Yudas yitui Barnabas hawengo, monoi Silas, hitu ka kapaladi hitu ole hatena, ²³ Mono da tulho hura wadi limada, wenena: ²⁴ Orona yama marongo mowaya kapirango toyo wali la yama, hitu labarama jeha woma pareha, da rega gimi wadi hitu hatokida ka hagedo gimidi dewami, ²⁵ tutuna yitu kadohaya wenema yama, bama poja ngoni, bapiddengo toyo mono kahawedeyi labaramu oledi hitu ole bema hamanawarama, Barnabas monoi Paulus, ²⁶ Kawoya na morhana oro ngara nai Mori da, Kristus Yesus. ²⁷ Oro ineyaka, mama hawedeyi hitui Yudas monoi Silas, idokala katoki dagu gimini tutuna yitu kahengo wadi woba daguda. ²⁸ Orona, nene hona dohana tutunai Waddi Katengo mono tutuma yama ba hadeto gimi la balemi jeka rehi buto wali yika benni, ²⁹ Orona yomi bam hama ro wungo wali yila pa horomi yika jala, mono kawali la rutto, mono kawali apadi hitu kamate hakohela, mono ka wali hila jala japata oleda. ³⁰ Bada poja ka hanayo, da buru la Antiokhia, mono bada poja hakohayi hitu toyo hatena, da woiya yina hurata. ³¹ hitu toyo hatena bada bahhaya, na ege yi ateda oro yiha ege ate dongaya. ³² Yudas monoi Silas ba nabi dagu jalayi, daha moddodi mono daha kulhoyi itu ole hatena dawadi hatoki ka danga. ³³ Mono, pada poja ha engango nono kapira lodongo, hitu toyo hatena da paholayi bali wango dame la bara hitu toyo kaha wedeyi. ³⁴ [Taidoya, doha wenenai Silas ba engaango noha bali.] ³⁵ Tabollo, Paulus monoi Barnabas da engango nola Antiokhia, hagapengo bada ajara mono talarani na li nai Mori ole jaladi hitu toyo danga. Paulus Monoi Barnabas Dahewa ³⁶ Dukini kapira lodongo, Paulus wena lai Barnabas, "madaka kada duki habali hitu ole hatenada la diha harona-diha harona, yitu hadoyo talara dani na li nai Mori kada iteyi baha nyikakida." ³⁷ Barnabas nabejalango oleni yitui Yohanes yitui Markus hawengo. ³⁸ Ta idoya, paha ngada nai Paulus bana dadi neho kamaronga nedi hitu toyo ka jena yina Pamfilia mono je maronga nekmadi yitu paha yilli. ³⁹ Mokka, na dadi yina mahewa ka loki koha bada mahewa diha-diha. Barnabas na marongani Markus mono da pala nola Siprus, ⁴⁰ Taboloi Paulus na pede yai Silas mono daha lako, bada poja ha joladi hitu ole hatena la Li Kanyuru nai Mori. ⁴¹ Mono, iyo na palakaya na Siria mono Kilikia hagapengo bada hamoddodi hitu toyo hatena.