1 mono, na dadika nola Ikonium, Paulus Monoi Barnabas da tama nola uma hori hoyo toyo Yahudi daha newe tepijja iyaka hitu kahengo nangana natoyo wali hitu toyo Yahudi koha toyo Yunani, nadukidi hatena. 2 Tabollo, hitu toyo Yahudi jeka hatena da wudayi hitu toyo jeka Yahudingo mono da wunyi dadi paha ngadda da kada gobadi hitu toyo kaaha tena ba wedda. 3 Moka, idango da engango noha bali kahekalango madena engada bada hanewe tokinani na ngaranai Mori, kadulkoya tutuna yina li kanyuru-Na, loppona woddi tadjko-tadjko mono balango- balango kadadi lededi limada. 4 Ta idoya, hitu toyo la harona daha bawengo, hawadeka daha ole nola toyo Yahud mono hawadeka noyi la rasul. 5 Baneni yitu pahegeda, wali hitu jeka toyo Yahudingo loppo hitu toyo Yahudi, oledi hitu kapalada, ka haonguyi hitu rsul mono katayi watu baweda, 6 Bada poja taja wani hitui Paulus monoi Barnabas da palayo nola Listra mono Derbe, hitu harona la Likaonia, koha hitu hadoyo la barada. 7 mono, noha bali daha kitango talarani na Liyo. Paulus noyi La Harona Listria mono Harona Derbe 8 Nola, Listra neni naha wu toyo ka ngodo mono na loja hitu witina, na kaliku wali la kabu inyana mono jena halako hingmahongo. 9 Yitu n toyo tongro katanga nani yitui Paulus ba na hanewe, orongo yitui Paulus bana hamatarani mono bana iteyi yina beneni yina hatena ba patogahaya, 10 Paulus nawontoyo bana hanewe, "Dede didarawu wadi ha wittimu." Lodona, yina toyo na takoho mono walngo ka bana halako. 11 Hitu toyo danga bada iteya yitu harayi nai Paulus, dakode ngodi wuda bada wontoya bada hanewe wango hanewe Likaonia, "Hitu dewa-dewa na buruyi la jongada mono dapa tuja wuda yila kadadi toyo!" 12 Hitui toyo na tokiya yitui Barnabas bai Zeus ya monoi Paulus Hermes orongo ba ine ka kodoni yina hanewe. 13 Kapala dewa Zeus hitu kanengo umana nola bali harona, na ngodi hitu wobo hapi mono wola yayu nola bobinna harona. Iyo oledi hitu toyo danga kaha hamanuta kawoni daguna yitui Paulus monoi Barnabas bawedda. 14 Ta idoya, hitui rasul Barnabas monoi rasul Paulus bada rongoya tutuna yitu, da hirayi kalebeda mono na palayo tama nola joga toyo danga, hagapengo bada kawulo, 15 mono wedda, "Bagu ole begimi, aba mam rayinelkadi tangada hitu? yama toyo pi jala kakma hengo yomi kangodi gimini yina li doha labarami kabalimi wali yeka jemangu gonna yila bara nai Allah ka morho, karayini yina langto, mono ponu tana, mono na bonu, mono tangana na ihina. 16 Hitu toyo kaulu pona, dajeda hitu toyo bada halako dokudi lara daguda. 17 Tabollo, Iyo jena jekmana na pola tonna bajenengo katajanani. Orona, Iyo na rayini kadoha ledengo bana wogimini ura kawali langto mono rahi wu yayu kaha bokola gimidi atemi lededi hitu ha muyo mono yina ege ate." 18 Langkag toki koha kayi tangada hitu, jeda duka madi hitu toyo kada jengo rayingo manuta la barada. 19 Tabolo Iyo, Hitu toyo Yahudi nemedi wali yila Antiokhia mono Ikonium, bada poja harodahadi hitu toyo danaga, da wewuyi hitui Paulus wadi watu mono da yoruyi bada palohoyi nola bali harona enga mate mowa nani Paulus baweda. 20 tabollo, hitu ana lima nai Paulus bada woletani, iyo na dede mono na tama habali no la harona. Diha lodo wali jongana, na halako marongani Barnabas la Derbe. Dabali yila Harona Antiokhia yila tanah Siria 21 Bada poja talarani yina li nola harona mono na dangayi ana limada, da bali yila Listra, mono la Ikonium, mono la Antiokhia, 22 hagapengo bada hamodo dadi paha ngada hitu ana limada, hatutudi ka engango bada hamodini naha tenada, mono da toki itango da tama neho nola Hodonai Allah lededi nangai mayila. 23 Hitui Paulus monoi Barnabas bada piddeyi hitu toka tuda tangada hitu toyo hatenada, bada poja kawojo mono datahingo kareba, da woyi hitu toyo katuda yilai Mori, yila bara-Na poja paha tenayi. 24 Lodona, na palakoya Pisidia mono da duki no la Panfilia. 25 lodona, bada poja talarani na li la Perga, da buru wali la Atalia. 26 Wali daka nono, na pala wali la Antiokhia, noyo hado wodadi kanyurui kawali lai Allah tutuna yina hayili hapoja mowada. 27 Bada poja haduki mono bada makoha oledi hitu toyo hatena, datoki kohayi tangadi harayi nadi Allah oleda mono aha nyina Iyo bada bugera binna hatena tutuda hitu toyo hawadeka. 28 Mono, da engango oledi hitu ana lima yina lodo kamojango.