¹ Tangami ole beggu hama nawaragu, abi hatena kayi tangadi hitu waddi kanengo, tabollo mu kaba nehodi hitu tangada waddi kam tajayi baka walikayi lai maroba Allah orongo dangayi hitu tayo manyura kawohoka ka nengo la ponu tana. ² Hene ponala kam tajaya yina waddi ka wali la Maroba Allah: hitu waddi kama ngakuni yitui Yesus Kristus na mayo hatuja wungo la kadadi toyo i kawaliya lai Maroba Allah. ³ tangadi waddi jeka hatena yai Yesus, jeka walik mayi lai Maroba Allah, hatu waddi jeka dokukmani yitui Kristus, atu harongo mowami nemeni mono ba hena ne mowani yila pontana ⁴ tangami anagu, yomi kawali lai Maroba Allah mono haboke mowayi hitu toyo manyura kawohoka orona Iyo kanengo nola pola tommurehi bokola nepo kanengo yila ponu tana. ⁵ Hitu toyo manyura kawohoka kawali la ponu tana. oro ineya, bada hanewe wali la ponu tana mono kanengo la ponu tana da rongoya. ⁶ Itango kawali da lai Maroba Allah. Toyo kaha tenaya na Maroba Allah na rongoda itta, tabollo hitu toyo jeka kawali lai Maroba Allah jeda rongok mada. ledena yikala, itta da tajaya na Waddi katena mono waddi ka japata. ⁷ Tangami ole beggu hama nawaragu, madaka kada ha manawara wungo orona yina manawara kawaliya lai Maroba Allah, mono tangana na toyo kamanawara kadadiya wali lai maroba Allah mono na taja yai Allah. ⁸ Toyo jeka manawara jena tajak maya na Maroba Allah orona yitui Allah ba Manawaraya. ⁹ Henenaka yina manawara na Maroba Allah bana patingo dani la barada idda: Allah na ha wedeya-Na Ana Kanahana yila ponu tana kada morho ledeni Iyo. ¹⁰ Hena dalo idoka: ja idda nekma kamanawara mowani yina maroba Allah, tabolla Maroba Allah neyala kama manawarada idda mono na wodani na Ana kanaha-Na lede hadame wani hitu doku jalada itta. ¹¹ tangami ole beggu ha manawaragu, bahe hingukana bana manawarada yina maroba Allah, idda he jala pongo bada hamanawara wungo. ¹² Jane hinguk mahongo ka itteya yina maroba Allah. Bada hamanawara wukango, yina Maroba Allah enga kaknani la pola todda mono yitu manawa-Na na ponya la pola todda. ¹³ Ledena yila da tajaya iddango da engango no lai baroba Allah monoi maroba Allah noya la pola todda oronai maroba Allah na wo mowadani iddango ledeni na waddi-Na. ¹⁴ Mono, yama ma itte mowaya mono ma hamonnoya yitui Bapa na hawede mowaya na ana-Na dadi kaha tolkoyi yina pono tana. ¹⁵ Tangana na toyo ka mangakuni yitui Yesus ba ana nani Allah, Allah na engango la pola tonna mono iyo noya lai Allah. ¹⁶ lodonaka, idda da taja mowaya mono daha tena mowaya na manawara ha dagu nai Allah ba dagu dani iddango. Allah Manawara ya, mono toyo ka engango manawara, na engango lai Allah mono Allah na engango la pola tonna. ¹⁷ Ledena yitu, na manawara da pono wani idda, tonam idda kada kolengo kadongko wuyo yila loda rahi pawatteka da orona kahengo la Iyo, hejala iddango kanengo yila ponu tana. ¹⁸ Jahilu nenekmani naka bohi yila jonga manawara, loppo yina manara ka tanga kohango na wuggaya na kabohi orona yina kabohi na hatuja yila paha jala. toyo ka kabohi jeha bonnuk mahona ni manawara. ¹⁹ Idda da manawara orongo Iyo ulu nepona manawarada idda. ²⁰ Banekango ha wu toyo ka toki heni la, "Yayo manawarani Allah", tabollo na butudi ate ole benna, yina toyoka toyo kawohokaya. Orona, ha wu toyo jeka manawarango ole benna ha piku ittek ho, jena manawarak mani Allah jeha pikuitte. ²¹ Mono, yina li pareha ha hiba dani wali lai Allah: Tangana na toyo kamanawara ni yitui Allah, na manawara nepodi ole benna.