Idango Ana Huhu Nada Maroba Allah ¹ Hamatarakinla ahanyinehingna manawarana Morda Maroba Allah labarada koha ida anai Allah ya ba wedada, taidoyaka ana mema nada Maroba Allah. Tabollo ponutana jada tajakmada ida orongo ponu tana jada tajakma-Ya. ² Tangam olebeg hamanawaragu, nebahena ana nadai Maroba Allah, taidoyaka jada pewenekmani ahani kadadi nemme. tabolo dapewe nehoni ba nemini laponu tana da hatuja la Iyo orongo bana iteya la tuba tonna. ³ Ngaradukkada to kaka makngo la Morda Maroba Yesus, na hamuraha wungo, kanhengo Maroba Yesus kamuraha. ⁴ Ngaradukkada to karayini kajala mono kalai pata orongo jala nana halaina pata. ⁵ Mu tajaya Mori Maroba Yesus bana opiyi tangada doku jala, mono labara-Na janekmango doku jala. ⁶ Ngara dukkada to kaha tena la bara-Na jada rayikmango doku jala; janekmango hawu to jala kaiteya mono ka tajaya Iyo. ⁷ Anagu,, abum jekana hawu to kahajolorogu. To karayini ka doha nana to tenaya, kaha tuja Morda Maroba Yesus nana katena. ⁸ To karayini doku jala walna la pajode orongo pajode na doku jala wal kapungena. Ana Morda Maroba Alla ka mayo mono hakamakna: Kaghamohod ngaradukkada harayida pajode. ⁹ Janekmango hawu toyo kadadi wali la Maroba Allah karaingo doku jala orongo dohana Maroba Allah enganeda la pola tona; mono jana dadikma bana rayini kajala orongo baha dadiya wal la Morda Maroba Allah. ¹⁰ Maineyaka, Garan ana Maroba Allah mono garan ana pajode tajayaka. to jaka rayin ka tena jawalmanani la Maroba Allah, moka hejalango to jaka manawarango ole benna. Hamanawara wungo ¹¹ Orongo yina lina harongom walka pungena, dahamanawara wunehoda. ¹² Abum tujakayai Kain, kawal to bokala mono kahamateya na Arina. Mono, abi Kain mana hamateya na Arina? Orongo, harainai Kain kajadoha mono haraina na Arina na tena ¹³ Ngaradukam bag olebegim, abum bangarau yi ponu tana bana butug ate. ¹⁴ Da tajaya idango bada hepoya na mate mo bada arongo morha oro bada hama nawara wuda olebeyo. To jaka manawarango olebena enggana lahadu mate. ¹⁵ Tangada to ka butngo ate ole bena to hamate to ya, mu tajaya bajanengo to hamate to ka tolko manemara morhana lapola tona. ¹⁶ Henengo ida katajaya manawa: Maroba Yesus na hatabarani na morha-Na tangada ida. Nebahena, da hatabara nehon na morhada tutda hi ole bedda. ¹⁷ Tabollo, banekango hapote ponu tana hi toyo, mono bana itekaya ole na bena ba nengo hawadonga, tabollo na tonya na atena labara ole bena, ahanyihingkana manawarana Morida Maroba Allah ba neni dalo la atena. ¹⁸ Anagu, makada hamanawara wuda abu la hanewe beleka nomo abu la loma belekada, taidoya rayinehoni mono hatena pija nehoya. ¹⁹ Mona iya, ida da taja nehoya ba kawalda la katena mono hamoddon na ateda ida la arona Maroba Allah. ²⁰ Tabollo, na ateda bana hajalakada ida, Maroba Allah na rehi bokola la ateda, mono iyo na tajayi ngara dukkana. ²¹ Ngara dukam bag ole begim hamanawarag, nana ateda ida ba jana hajalakada , ne ida neni naha tena la arona Maroba Allah. ²² Langka ahakan ha kareda, da hibaya walila Maroba Allah orongo bada dokun pa hawede-Na mono narayin ba ahan habenna labara-Na. ²³ Mono, ikayi ha rehana Maroba Allah, tonam kada hatena dalo la bara ana-Na, Maroba Yesus Kristus, mono kada hamanawarawuda kahenggo ahan harehana la barada. ²⁴ To kadokuni hawedena Maroba Allah engango labarana, mono Maroba Allah enggango labarada. Maineya ida da tajaya Maroba Allah engango lapola todda, wad teng hawonna Maroba Allah labarada.