Kawukku 2

1 Bagu anagu, magu tulha gimidi tutu hitu la baramu ka abum rayini doku. Orona, banekango karayini yika jala, neni ka oleda la aronai Bapa, yitui Kristus Yesus, yitu katena. 2 idoka na karokaya na dame tangada hitu jalada. Mono ja tutu jala bele nekmada, loppo tutu jalada itango la ponu tana. 3 Oro ineyaka itango da tajaya bada domani Allah, bada doku nekado nadi hitu li pareha-Na. 4 Hitu toyo kawena, "Yayo gu taja yai Allah," mono jeda dokukmadi hitu li pareha-Na, iyo toyo matipuyi mono janekmani na tena la jongana. 5 Taidoya, garani ka doku nadi li pare-Na, manawara nai Allah na bonunani na pola tonna. Ineyaka bada taja ita ba noda la jongana Iyo. 6 Toyo ka wenna iyo ba engana nola lai Allah, iyo na morho nepo kahengo na morho nai Yesus. Manawaradi ole todda mono rayini habenai Allah 7 Bagu ole begimi hamanawaragu, jegu tulha migimi pareha bango la barami, ta bollo hitu pareha mema ka nemowango wali kapungena. Pareha mema yitu na Lina ha rongo mowamu kapungena, 8 Tabollo, yayo gu tulha gimi pareha bango tutumi, yitu katena la jongana Iyo mono nola jongamu orona yikaa kapogto at mowani mono yina magakaho katena bahena na derko. 9 Hitu toyo ka wenna iayo neni nola magakaho, tobolo na huddadi ole benna iyo enga nepo nani nola kapogto koha bahena. 10 hitu toyo ka manawarango ole bena engana nola magakaho mono ja nekmango ha wu aki ha rayini widana. 11 Ta idoya, iyo ka butudi ate ole bena engada nola kapogto mono da halako nola kapogto. Iyo jena taja nekmaya ba ge doyo arona orona na kapogto na hamoro nadi matana. 12 Yayo gu tulhayi labarami, yomi anagu, oroda hitu dokumi na pama higo gimidi ledeni na ngara-Na. 13 Yayo gu tulhaya la barami, yomi bagu bapa gimi, orona yomi bam domani Iyo wali kapungena. Yayo gu tulhaya la barami, tangami bomone, orona yomim haboke mowaya yitu kajapata. Yayo gu tulhaya la barami, bagu ana gimi, orona yomim bam doma mowani yitui Bapa. 14 Yayo gu tulha gimini la barami, bagu bapa gimi orona yomi bam doma mowani Iyo wali kapungena. Yayo gu tulhaya la barami, yomi bomone, orona yomim kulhami, mono na li nai Allah engana nola jongami, mono yomi ha boke mowa ya yitu ka japata. 15 Abum manawara kani yina ponu tana mono tangada hitu ka engango la ponu tana. bagara kani kamanawa rani na ponu tana, namanawara Bapa nekmani la jongana. 16 Orona, tangada ka nengo yila ponu tana, hitu habena na kabina, habena na matana, mono yika ele dongani yina morho jeka wali lai Bapa tabollo kawali ya la ponu tana. 17 Yina ponu tana na mojango ole yiha benna, tabolla hitu toyo ka dokuni habenai Allah na morho hakitango. Abum Dokukani Jeka beni Kristus 18 Bagu ana gimi, bahenaka duka morho tanaya; mono kahengo yitu ha rongomi tutuna yitu jek beni Kristus nemedi, mono bahena dangayi hitu je kabeni kristus de kowadi. Ineyaka itango da tajaya bahenaka ba haduka morha ponu tanaya. 19 Idango da mayo wali la jongada itango, tabola idango jeka walikmayi wali la itango. Orona, ba kawali kayi la jongada, idango enga neda bada oleda, Tabollo, idango da ujakada itango koha bahe pijana bajeka wali wali la itango. 20 Ta idoya, yomi ne mowani hamonemi ka Muraha, mono yomim tajaya tangana. 21 Yayo bagu tulhaya la barami ja wuku je taja nekmaya yika tena, tabollo orona yomim tajaya mono oro ja nekmani na kawohoka ka wali yitu ka tena. 22 Garani kaka wohoka oro ja inekma ka kabalini yitui Yesus Ba Kristus? Idoyika hitu jeka beni Kristus, hitu toyo jeka benni Bapa koha Anana. 23 Garani jeka mangakuni na Anana janekmani lai Bapa. Tabollo, tangana kaa mangaku ni na Anana, iyo na dagu jalani Bapa. 24 Ba ahani yitu harongo mowami wali kapungena engana la jongami. Ba ahani yitu harongo mowami wali kapungena ka engango la jongami, yomi enga jalami nolai Anana monoi Bapa. 25 Mono, ini yina rahi ha wona Iyo la barada, yitu na morho jeka haduka. 26 Tangana yitu ha tulha mowagu la barami, he jalana na orona yitu ka ha jolorami. 27 Tabollo, yitu na wemaringi ha hiba mowami kawali la Iyo engana la jongami, mono yomi ja hilum wakmadi hitu toyo hawadeka ka ajarami. Ta idoya, orona yitu na wema ringi-Na na ajarami yomi tutuna tangana -- mono yitu katenaya, je kawoho kakmaya -- ka hengo Iyo ha ajara mowa nagimi yomi, kamengango nola jongana Iyo. 28 Bahena, bagu anagimi, engami nola jongana Iyo baduki kani Iyo ba pa hudda wuna, itango nene naha tena wuda mono jeda moke nekma la arona Iyo ba duki kani na rahi-Na. 29 Yomi bam taja kaya Iyo bana tena, yomim taja jalaya tangana na toyo na rayini katena, ka dadi wali la Iyo.