¹ diha diha toyo ka ha tena yai yesus bai kristus ya, dadi ka wal lai maroba Allah; mono diha diha toyo ka mana waranii marobba Allah , na manawaradi ana huhuh na ka wal ngo la marobba Allah. ² ne bahena, da tajaya bada manawaradi ana huhuna marobba Allah, bada manawarani mono bada halakoya hapa rehana/lina wol ka rai. ³ oro manawara nai marobba Allah, bada halakoya na li parehana jana butoma. ⁴ orongo, langka ahan ka dadi wal la marobba Allah na ha bokeya na Pon tana ; mono iiilah ka talo kaha bokeya na pon tana: paha tenada ida. ⁵ garan kaha bokeya na pon tana ba ja ika kaha tena ba yesus ba iyo ana nai Marobba Allah? morho jaka haduka neni la baranai Morri Yesus ⁶ ilah ka mayo wango weyo mono ruta: yesus kristus ; ja we belema, i doka we mono ruto ya, waddi ka teng ya ka tajaya ba waddi ka teng ya ka tena. ⁷ orongo, nedi ka tolngo ka tajaya la surga: ⁸ waddi ka teng, weyo, mono ruto; mono ka tolngo i lah hawuheni. ⁹ bada hibakaya na ha tajana na to piyo, ha tajana marobba Allah na rehi kulhoho. orongo, ha tajana moraba Allah ha wona ha tajana na la barana ana na. ¹⁰ toyo kaha tena la baranai ana nai marobba Allah ka tajaya hija neni la pola tona. to jaka ha tena la baranai marobba Allah na raingo na dadi toyo ka jaka lurho at na toyo jana hatena maya la ha tajana ha wonai marobba Allah tutna na ana na. ¹¹ mono, hi itlah hataja: marobba Allah na wodda la barada morho jaka ha duka, mono mor ho neni la barana anai Morri. ¹² diha diha toyo ka daguni na ana nai mori nengo morho la barana; diha diha to jaka nengo ana nai marobba Allah ja nemango morho ka nengo la barana. ¹³ ung tulho mowagunka la baramu kaha tena la ngara ana marobba Allah kam pewedi bamu nengo morho ka jaka ha duka. ¹⁴ mono, ii lah hila haha tenamu ha kolemu la barana,ahan pa ba kareda ka ha mera ha tokna, na rongo da. ¹⁵ mono, bada pewekan na rongoda,tang kohada haka reda, da pewedka tangkohadka ahan ha ka reda la barana nai mori. ¹⁶ ba neka kongango ka iteyi ole bena ka raingo doku jala ka jahatingodi aro hamate donga, ta idoka, nemongo doku jalan ka aro la hamate donga, dohaka toyo natu bana kareya, mono marobba Allah na won morho la toyo ka raingo doku jala ka ja ha tingoni ba nengo ha mate donga, taka iyo, neni hawu doku jala ka aro hamate donga; jagu tok maya bana kapatango tutna doku jala prai. ¹⁷ tangkohada jaka doha iii..lah doku jala, neni yina doku jala ka jaka aro la hamate donga. ¹⁸ da peweni ba diha diha toyo ka dadi wal la marobba ALLAH jaka raingo doku jala, ika wali ka dadi wali la marobba ALLAH na ole angda mono ka bokala jana jojamawu. ¹⁹ da pewen ba wal dani la marobba ALLAH, mono tangu kohana pon tana neni dalo ha kulhoka na ka bokala. ²⁰ mono, da pewen ba ana kanahanai marobba Allah na mayo mono na woda hangada la barada kada tajaya ka tena; mono ida neda la barana ka tena, la barana ana kanahanai morri, yesus kristus, ilah maroba Allah ka tena mono ka morho jaka ha duka. ²¹ ana huhugu, umu marongolah wali horongo manuta marapu.