¹ Ja̧'hua̧nö̧ ja̧'a̧ ji̧yȩnö̧ mo̧ro̧ filisteos ttö̧ja̧ ca̧ca̧cui̧nä̧tö̧ su̧ro̧da̧u̧'inä, I̧sra̧ȩl ttö̧ja̧cu̧ ttturhuähua pä'ö. Aquismä pä'inö Davidrö. "Ja̧'hua̧ta̧'a̧nö̧ ucu'inä adiu huo̧jua̧jä̧ ucumä ttöcu räcuopäcua̧jä̧ cumöhuäyotö su̧ro̧da̧u̧cu̧, ucu'inä ja̧'hua̧ta̧'a̧nö̧ ucutä cum'huäyotucu." ² David pä'inö Aquiarö, "Ja̧'hua̧nö̧tä̧ jä̧cua̧'a̧ ucu pä̧i̧cu̧nä̧ hue'ähuotö jȩttä̧cua̧'a̧mä̧." Aquis pä'inö Davidrö: "Ja̧'hua̧nä̧ jö̧ttö̧mä̧ huedäcujä̧ ttörötä tta̧huä̧rä̧cuä̧huä̧ i̧sa̧tä̧ cu̧ja̧ 'cuäopönätä̧." ³ Jitä Samuelmä täcö hua'ö icuinö. ja̧'hua̧ta̧'a̧nö̧ o'catoi'önä Israel ttö̧ja̧mä̧ a̧'u̧ttu̧ ajahuinätö̧ ja̧'hua̧ta̧'a̧nö̧ 'turu tticuinä̧cu̧ Ramanä, chutä amönä idepiyunä, ja̧'hua̧ta̧'a̧nö̧ Saúl i̧rȩjä̧ rȩjȩttö̧mä̧ rä'epö icuinäu̧ surojötä märipänä hua'arenä ucuotätörö. ⁴ Ja̧'hua̧nö̧ ja̧'a̧ttö̧ filisteos ttö̧ja̧mä̧ ca̧ca̧cui̧nä̧tö̧ ja̧'hua̧ta̧'a̧nö̧ ichö ttä'ähuarä aditinätö̧ Sunenä; ja̧'hua̧nö̧ ja̧'a̧nä̧ Saúlmä o'catoi'önä Israel ttö̧ja̧rö̧ ca̧ca̧ti̧pi̧nö̧, ja̧'hua̧ta̧'a̧nö̧ juhuäne ttä'ähuarä aditinätö̧ Gilboanä. ⁵ Saúlmä filisteas ttö̧ja̧ttö̧ su̧ro̧da̧u̧rö̧ topömä, ja̧u̧mä̧ yea'amä ja̧'hua̧ta̧'a̧nö̧ amiso'quimä rö̧ä̧nä̧ ttö̧ä̧hui̧nä̧cu̧. ⁶ Saúlmä TÖ̧Ä̧NÄ̧HUA̧RÖ̧ jä̧'ȩpä̧ri̧nö̧ ppädarö pä'ö, ja̧'hua̧nö̧ jä̧ȩpä̧ra̧'a̧nä̧ TÖ̧Ä̧NÄ̧HUA̧MÄ̧ ädätococö pinö, u̧'cua̧ti̧nä̧'inä, Urim pättönä'inä ja̧'hua̧ta̧'a̧nö̧ TÖ̧Ä̧NÄ̧HUA̧ ucuocu ji'ähuätönä'inä. ⁷ Ja̧'hua̧nö̧ jä̧cu̧ Saúlmä umöhuä̧ya̧rö̧ pä'inö, "Isaju hua'inätö̧cu̧ ucuocuäjuru po̧cui̧pä̧ji̧yä̧tu̧cui̧ttö̧, jahuäju kö̧ja̧'a̧ chi̧'cha̧, jahuäju adihuomenä jijähuö chä̧ju̧cua̧. "Umöhuäyotömä pättinäcu̧ "Topittö, yajute isaju kä̧ju̧ Endor pä'ö micuome, jahuäjumä hua'inä̧tö̧cu̧ ucuocuäju pättä'ijäcua. ⁸ Saúlmä ka̧ra̧ 'cua̧rö̧nä̧ jȩpä̧u̧, ö̧'ca̧tä̧huä̧ti̧yu̧ koro o̧ta̧ 'ka̧tä̧hui̧nö̧, ja̧'hua̧nö̧ 'ka̧tä̧hui̧'ö̧ ja̧u̧mä̧ ta̧ju̧ umötö̧cu̧ 'chi̧nö̧; jahuätömä jahuäju kö̧ja̧'a̧mä̧ yodó 'chi̧nä̧tö̧. Ja̧u̧mä̧ pä'inö: "Hua'inö a̧'cua̧ru̧hua̧rö̧ jäcuepiyattö pä'ösä ja̧'hua̧ta̧'a̧nö̧ i'cächiyittö ja̧u̧ pä'ö jidähuacu." ⁹ Isajumä päjinäcu̧ "Ucumä huo̧jua̧jä̧ Saúl jeäjimä, ja̧u̧mä̧ hua'inätö̧ tta̧'cua̧ru̧hua̧cu̧mä̧ ttucuocua pä'ömä hue'ocö pi̧jä̧ rȩjȩnä̧ ka̧cuä̧tö̧rö̧mä̧. Ja̧'hua̧nö̧ ja̧'a̧mä̧ ¿Tta̧'a̧nö̧ pä'ö cha̧'cua̧rö̧ ka̧cuä̧mö̧ topö 'coru juodächa päcuäcuasättö̧? ¹⁰ Sáulmä TÖ̧Ä̧NÄ̧HUA̧ i̧mi̧nä̧ huȩnȩtö̧ pä'ömä pä'inö: " Ja̧'hua̧nö̧ TÖ̧Ä̧NÄ̧HUA̧MÄ̧ 'cuäopönätä̧ kö̧ ja̧'a̧ttö̧ ucurumä ro̧ȩcuä̧mä̧ 'cuäopoca'a jä̧cua̧'a̧." ¹¹ Ja̧'hua̧nö̧ ja̧'a̧ isajumä pä'inäju̧: ¿Dirö chi'cächiyäcu päcua'attö̧? Saúlmä pä'inö: Samuelrö i'cächiyittö." ¹² Isaju samuelrö tojomenä jahuäjumä rö̧ä̧nä̧ ajahuinäju̧ ja̧'hua̧nö̧ ji̧yä̧cu̧ Saúlmä ucuocumä pä'inö, ¿Tta̧'a̧nö̧ pä'ö cuyaparehuättöttö? Ucumä Saúljä." ¹³ Ru̧hua̧mä̧ jahuäjuru pä'inö, "Yecuecuä, ¿Däje to'cuättö" Isajumä Saúlrö pä'inä̧ju̧, "tö̧ä̧nä̧hua̧ rȩjȩttö̧ ju'tojucu 'chahuächa'a topäjusä." ¹⁴ Ja̧u̧mä̧ jahuäjuru pä'inö, "¿Ja̧u̧mä̧ tocu hua̧jä̧ttö̧? jahuäjumä päjinäcu̧, ya̧tȩ bö̧o̧sa̧ 'cha'achö, ö'catähuä'pi otoä'pi 'ca̧tä̧u̧." Saúl ja̧u̧mä̧ Samuel ja̧'a̧ pä'ö huo̧jui̧nö̧, ja̧'hua̧nö̧ huo̧juö̧mä̧ ö'ä rȩjȩcu̧ päi'önä ja̧rȩyu̧ pä'i'ö ucuotömä i̧jȩpi̧nö̧. ¹⁵ Samuelmä Saúlrö pä'inö, "¿Tocu pä'ö ja̧'hua̧nö̧ jȩpö̧ ju'tojucu 'chacuädäcusättö̧? Saúl ädätinö, rö̧ä̧nä̧ cha̧'cua̧ rodecunä jä̧cu̧sä̧, juhua'amä ttöcu filisteos curä tturohuähuäcu ja̧'hua̧ta̧'a̧nö̧ TÖ̧Ä̧NÄ̧HUA̧MÄ̧ icuipinäcu̧sä̧, yabonö̧mä̧ ttörömä yoröiso ädätocö, TÖ̧Ä̧NÄ̧HUA̧ ucuocu jiäcuähuä i̧sa̧nä̧'inä, 'cua̧ti̧nä̧'inä. Ja̧'hua̧nö̧ jä̧cu̧ ucuru huopäjisä, jȩchä̧cuȩ jicuähuattö pä'ö." ¹⁶ Samuel pä'inö, "¿Ja̧u̧nu̧mä̧ dä̧bu̧ ttorö jäcuepa'ajä̧ttö̧, TU̧RU̧HUA̧TÄ̧ ucuru jaroina̧'a̧mä̧, ja̧hua̧nö̧ jö̧ttö̧mä̧ ja̧u̧mä̧ ucu cuabo'i̧ya̧ tä̧ji̧? ¹⁷ TÖ̧Ä̧NÄ̧HUA̧MÄ̧ ucuru pä'inö chutä jȩä̧cuä̧mä̧. TÖ̧Ä̧NÄ̧HUA̧TÄ̧ ja̧'a̧ ucu curuhuo 'cho'ipömä ja̧hua̧ta̧'a̧nö̧tä̧ iyäji ka̧ra̧ David'rö". ¹⁸ Tocu pä'ö TÖÄNÄ̧HUA̧ i̧huȩnȩ ä̧ju̧cu̧ jȩ'cuo̧ca̧jä̧ttö jahuata'anöta̧ micuä jȩpo̧cö̧ päjijä Amalecrö, Ja̧hua̧ja̧ttö JA̧U̧ pi̧yȩ jȩä̧cu̧jä̧ jitä mo̧ro̧. ¹⁹ Jahua'anö ja̧'a̧näi̧nä̧, TU̧RU̧HUA̧MÄ Filisteos tumunä̧tä̧ iyi̧pä̧cua̧ Israel ttö̧ja̧römä jahuata'anö ucuruinä. Yo̧ȩi̧ mo̧ro̧mä ucumä ttöcutä cu̧jä̧cua̧jä hui̧tti̧mucu̧mä. TTÖÄNÄ̧HUA̧MÄ jahuata'anöta̧ iyipä̧cua̧ Israelttö curä rocuäcutörömä Filisteos tumunä̧ta̧ . ²⁰ Samuel i̧huȩnȩ ä̧ju̧cu̧ juiyó ye'ehuiö yotäcu rȩjȩ mo̧ä̧mi̧nö Saúlmä. Ujuru'ínä jui'inö, u̧cuä̧ uhuoca'a ja̧ja̧ttö ja̧u̧nu̧ mo̧ro̧ o'cajuiyönä , jahuata'anö ja̧u̧nu̧ yodoínä. ²¹ Isaju ichö topinäju̧ Saúl juiyó acua̧ roecua'a, jahuäju päjinä̧cu̧," topi, ucu cumuhuäyaju ä̧ju̧cuä̧ju̧ huihuȩnȩ; Jahua'anö ja̧nä'i̧nä cha̧cua̧rö'i̧nä ra̧huȩpi̧jönä iyähuönö ka̧ju̧sa̧ ucu huecu ä̧ju̧cu̧ jȩpu̧. ²² Ja̧'hua̧ta̧'a̧nö̧ ucuru jä'epäjusä, cumöhuäyaju päjumä ä̧ju̧cui̧jö̧, juhua'atäcu cu̧cuä̧ a̧'u̧cu̧nä̧tä̧ cuä'ca jo̧mȩ chöta hue'ittö. Cuiti cujuru ichacu, mänänä cui̧'cho̧mȩ'i̧nä̧. ²³ Ja̧'hua̧nö̧ päjäcu Saúlmä cuänö jui'ö pä'inö: "Cuocö chä̧cua̧sä̧." umöhuäyotö'inä juhua'atäcu isajucu yoräteunätä ucua pä'ö huȩttä̧ri̧nä̧cu̧, ja̧'hua̧nö̧ pättömä ä̧ju̧cui̧. Ja̧'hua̧nö̧ ja̧'a̧ttö̧ ja̧u̧mä̧ rȩjȩttö̧ ä̧rä̧mi̧'ö̧, ä̧'ä̧huä̧ppä̧nä̧ pä̧mä̧di̧nö̧. ²⁴ Isajumä ya̧tȩ päcäyä bä̧rȩpa̧rö̧ ku̧nä̧ri̧nä̧ju̧, jahuäjumä jurunänö jȩpo̧'ö̧ cuä'inäju̧; jahuäjumä i̧sa̧ppȩ ȩmo̧po̧'ö̧, ya̧'cö̧, ppö̧ä̧mö̧ jähuä juiyönä ȩtti̧nä̧ju̧. ²⁵ Jahuäjumä Saúl'i̧nä̧ umöhuäyotö'inä ttä'ca jo̧mȩ i'cächö iyinäju̧, ja̧'hua̧nö̧ ja̧'a̧ jahuätömä cuinätö. Ja̧'hua̧nö̧ ja̧'a̧ jahuätömä̧ ä̧rä̧mä̧chö̧ yodo i̧hui̧nä̧tö̧.