¹ Saúl filisteas ttö̧ja̧rö̧ rö̧'ä̧rö̧ i̧huä̧ji̧'ca̧ ppa̧huä̧cho̧mȩnä̧ pättinäcu̧: Davidmä de'a juiyä̧jä̧ttö̧ Engadi pättome kö̧. ² Ja̧'hua̧nö̧ ja̧'a̧ Saúlmä Israel ttö̧ja̧ o'catoi'önä̧ttö̧ pojopö ȩmä̧huo̧tö̧ttö̧mä̧ 3.000nö jo̧mȩnä̧ huotö u̧mä̧tö̧rö̧ ȩmi̧nö̧ ja̧'hua̧nö̧ jȩpö̧ Davidrö'inä ja̧u̧tä̧ umöhuäyotörö'inä usu 'chi̧nö̧ cabras möä'cara̧'a̧. ³ Ja̧u̧mä̧ ovejastö̧rö̧ do'ädö ttö̧jö̧nä̧'i̧jo̧mȩ rȩbȩhui̧pi̧nö̧ mä̧nä̧ttö̧mä̧ idorä ro̧mȩ. Saúlmä juorä idorä jacuä do'ächi'inö itecua pä'ö. Ja̧'hua̧nö̧ ja̧'a̧ Davidmä umöhuäyotucu idorä jacuorä pinö. ⁴ David umöhuäyotömä ja̧u̧rö̧ pä'inä̧tö̧: Jitä mo̧ro̧ ja̧'a̧ TÖ̧Ä̧NÄ̧HUA̧ ucuocu pa̧'a̧nö̧ päinö mo̧ro̧mä̧: Ucumä cumönä cuaboiya̧rö̧ chi̧yä̧cua̧jä̧, ucurutä pä̧huä̧rö̧jo̧mȩnä̧ jȩ'cua̧rö̧." Ja̧u̧ jä̧ji̧ o'ca'a Davidmä ä̧rä̧mä̧chö̧ 'corujueinä ä'cacu do'ähuächö, Saúl ö̧'ca̧tä̧huä'pi beipome 'cui'opinö. ⁵ Pi̧yȩ 'cuäopäji o'ca'a David amiso'quinä a̧'cua̧ tta̧huȩcui̧na̧'a̧ juhua'amä Saúl ö'catähuä'pi päjure 'cui'opö icua'a jä̧cu̧. ⁶ Ja̧u̧mä̧ umöhuäyotörö pä'inö: TÖ̧Ä̧NÄ̧HUA̧MÄ̧ ja̧u̧mä̧ jȩchamä pä'okö chu̧ru̧hua̧mä̧ juhua'amä TÖ̧Ä̧NÄ̧HUA̧TÄ̧ pojopö u̧ju̧ni̧nä̧cu̧ ja̧'a̧ttö̧ ttö suronä jȩcha̧rö̧ pä'ömä huocö tochomenämä ja̧u̧mä̧ TÖ̧Ä̧NÄ̧HUA̧TÄ̧ pojopö u̧ju̧ni̧nä̧cu̧ ja̧'a̧. ⁷ Davidmä umöhuäyotörömä pa̧'a̧nö̧ pä'ö ra̧huä̧ri̧nö̧ ja̧'hua̧nö̧ ja̧'a̧ttö̧ Saúlrö tturohuähua pä'ö hue'ocö pinö, Saúlmä ä̧rä̧mä̧chö̧ idorättö rä'opächö i̧'cha̧ pä'acutä 'chi̧nö̧. ⁸ Ja̧u̧nö̧ o'ca'a David'inä idorättö rä'opächö Saúlrö huopinö: "Chu̧ru̧hua̧ ru̧hua̧" Saúl o'ca'acu kärächi'ö toomenä Davidrö ja̧rȩyu̧ pä'i'inö i'ä rȩjȩ mȩä̧huä̧chö̧nä̧ ja̧'hua̧nö̧ jȩpö̧ ucuotömä i̧jȩpi̧nö̧. ⁹ Davidmä pä'inö Saúlrö ¿Tta̧'a̧nö̧ pä'ö ucuru suronä jȩa̧ pä'ö usäcujä̧ Davidmä pä'ätörömä cuä̧ju̧cua̧'a̧ttö̧? ¹⁰ Jitä huiäriyänä topäjijä TÖÄNÄ̧HUA̧TÄ̧ ttö chumunä iya'a ji̧yȩnö idoränä töji̧nö'nö. Korotö punä pättinäcu̧sä̧ cuäö icuirö, jahua'anö ja̧'a̧nä ttötä ja̧'a̧tä̧ tochinä̧cu̧jä̧. Ttö päinösä̧: Ttö chu̧ru̧hua̧ uhuo ru̧hua̧römä toi'jicumä jȩpo̧kösä̧; tocu päö TTÖÄNÄ̧HUA̧TÖ̧ a̧dȩja da̧ȩcua̧ ja̧'a̧ttö̧. ¹¹ Topi , chäo, ucu cu̧mu jäyänä ttö chumupiyäcu̧. Tocu päö cu̧'ca̧ta̧huä̧ppi jäyätä 'cuidopäjäcutu jahua'amä cuäö chihuiyapäö ,ucumä topu cu̧huo̧juä̧chi̧'a̧ päö ja̧'a̧ ttönämä juiya'a suronä jȩpu̧ jȩä̧cuä̧'cuä̧mä̧, jahua'anöta̧ ttömä ucurumä jäyäcu suronä̧mä jȩpo̧'cösä̧ ,ucutätä ja̧'a̧ ttörö cuäöä cuicua päö usumä. ¹² TTÖ̧ÄNÄ̧HUA̧TÄ̧ ro̧ȩpu̧ pä̧cua̧mä ttö jö̧ttö̧'i̧nä ucuru jötttö'inä TÖÄNÄ̧HUA̧TA̧ micuä jönä jȩä̧cua̧sä̧ ucumä. ¹³ Mo̧ täbocö pättinöanö proverbionä :Suronä̧ jȩpä̧ttötö̧ta̧ ichö surojömä. Jahua'anö ja̧'a̧ttö̧ ttö chumuttömä ji̧ya̧cua̧'a̧ ucurumä. ¹⁴ ¿Di o'ca'anä räopäjättö̧ Israel ru̧hua̧mä̧? ¿Dirö ru̧huä̧ra̧'a̧jättö̧? ¡Ähuiri 'corujuo'ächinö̧rö̧! ¡Ttacuoró! ¹⁵ TTÖ̧A̧NHUA̧TÄ̧ röji pähuä pä̧cua̧mä̧ ujuturu ucu'cö̧ ja̧hua̧ta̧'a̧nö̧ ttö'cö̧, topötä, ja̧u̧mä̧ ttöröta ppädö'anö ja̧'a̧ u̧cu̧ ttörö huecu juiya pä'ö." ¹⁶ David pi̧yȩ huȩnȩ Saúlru ucuocu kädomenä, Saúl pä'inö: "¿Pi̧yȩmä̧ ucutä cui̧huȩnȩ, chi̧tti̧ David?" Saúl ä̧rä̧mi̧'ö̧ pä̧i̧cu̧nä̧ ajahuinö. ¹⁷ Davidrö pä'inö ja̧u̧mä̧: ucumä adiu jȩpö̧jä̧ ttöttö'inä abonänö, ja̧'hua̧nö̧ ja̧'a̧nä̧ adiutä cuimitähuäcusä ttörömä, ttö surojönä jȩcha̧'a̧nä̧. ¹⁸ Ucumä adiunä jȩ'cuä̧cu̧sä̧ jitä mo̧ro̧ tocu ja̧'a̧ttö̧ adiu jȩ'cuä̧ttö̧, ja̧'hua̧nö̧ ja̧'a̧ ucumä cuä'ö icuocö päjijä̧ ja̧'hua̧nö̧ ja̧'a̧ tu̧ru̧hua̧ Dios ucu cumönä ötäja'anä. ¹⁹ Isopäi'önä̧ ya̧tȩ ubo aboi̧ya̧rö̧ ö̧'o̧cui̧'ö̧ttö̧mä̧, ¿Ja̧'a̧tä̧ toa pä'ö ja̧'a̧? Ja̧'hua̧nö̧ ja̧'a̧ttö̧ Tu̧ru̧hua̧ Dios ppädacujä̧ adiu jȩ'cuä̧ji̧mä̧ jitä mo̧ro̧. ²⁰ Ttö huo̧jua̧sä̧ ucu isopäi'önä ru̧hua̧ cu̧jä̧cua̧'a̧mä̧ ja̧'hua̧ta̧'a̧nö̧ ucuo ru̧hua̧ ja̧'a̧ttö̧ ucu cumönä ja̧'a̧. ²¹ TÖ̧Ä̧NÄ̧HUA̧ i̧mi̧nä̧ huȩnȩtö̧ cuahuaruhuärömä cuä'ö icuocösä pä'ittö, ja̧'hua̧ta̧'a̧nö̧ cuä'o ahuaruhuä tti̧mi̧'inä si'epömä icuocö chä̧cua̧sä̧." ²² Ja̧'hua̧nö̧ ja̧'a̧ttö̧ Davidmä ö̧ä̧nä̧hua̧ i̧mi̧nä̧ huȩnȩtö̧ pä'inö Saúlrömä. Ja̧'hua̧nö̧ jä̧ji̧ o'ca'a Saúlmä ojusodera̧'a̧tä̧ i̧hui̧nö̧, ja̧'hua̧nö̧ i̧hua̧'a̧nä̧ Davidmä umöhuäyotucu dajahuächö ttö̧'ä̧jo̧mȩcu̧ 'cha'achinätö̧.