¹ Ja̧'hua̧nö̧ ja̧'a̧ Samuelmä i̧sä̧yu̧ a̧dȩja a̧cuä̧yö̧ ȩmo̧po̧'ö̧, Saúl U huä̧mȩ a̧dȩja dahuipönä da'epinö ja̧'hua̧nö̧ da'epö 'chu̧'o̧pö̧ kä̧nö̧ päinäcu̧: ¿TÖ̧Ä̧NÄ̧HUA̧ jo̧ca̧'a̧ ucuru ttö̧ja̧ ttu̧ru̧hua̧ jö̧nä̧ pojopö ȩmä̧ji̧mä̧? ² Jitä mo̧ro̧ ttöttö 'kä̧cui̧pä̧cho̧mȩnä̧, umätö̧ ta̧ju̧rö̧ Raquel kuhuapiyäba ppeyä ttö̧ja̧cua̧'a̧ cu̧'o̧cui̧'ä̧cua̧, Benjamín idepiyö Salsa pä'ö micuomettö̧. Jahuätötä jittähuäcua̧jä̧: "Burötö̧ u̧sä̧rö̧ cuȩcuä̧chä̧jä̧ö̧rö̧ po̧cui̧pä̧jä̧tö̧jä̧ pä'ömä. Cuä'omä juätö burötö̧rö̧mä̧ täcö a̧'cua̧ ro'ecuocö, ja̧'hua̧nö̧ ja̧'a̧nä̧ jitämä ucuru a̧'cua̧ ro'ecumä pä'ö: ¿Däje jȩchä̧cua̧'a̧ttö̧ chi̧tti̧rö̧mä̧? ³ Ja̧'hua̧nö̧ ja̧'a̧ juorömä oto cui̧'chä̧cua̧jä̧, ja̧'hua̧nö̧ 'chä̧nö̧ encina dau ko̧mȩ Tabor pä'ö micuome cui̧rȩbȩhui̧'ä̧cua̧jä̧. Juhuorötä umätö̧ huämetucuä Betel ötahuiyära̧'a̧ TTÖ̧Ä̧NÄ̧HUA̧RÖ̧ ucuo te'äu 'chä̧törö cu̧'o̧cui̧'ä̧cua̧jä̧, ya̧tȩmä̧ cabra i̧tti̧mö̧ muäyotörö huä̧do̧u̧ ȩpä̧cua̧, ka̧ra̧mä̧ panppä̧ttö̧ huä̧bo̧ppä̧cuä̧ päi'önä 'tocua'a ȩpä̧cua̧, ja̧'hua̧nö̧ jö̧ta'anö ka̧ra̧mä̧ ji̧yȩtȩ odre pä'ö micunä vino isoya ȩpa̧'a̧. ⁴ Jahuätömä te'äu kä̧nö̧ panppä to̧ppä̧rȩ tti̧yä̧cua̧jä̧, ja̧u̧ o̧ppä̧mä̧ cuȩma̧ja̧. ⁵ Ja̧u̧nö o'ca'a, ucumä̧ cui̧'chä̧cua̧jä̧ muä'ca Dios ö̧jä̧'cara̧'a̧, Filisteos su̧ro̧do̧u̧ ttö̧jo̧cuo̧mecu̧. Ötahuiyära̧'a̧ cui'chi'o̧menä̧mä̧, tocu'äcuähuä̧cua̧jä̧ profeta huotö tti̧mejä̧hua̧'a̧ arpacu, tamborcu, flauta ja̧'hua̧ta̧'a̧nö̧ lira'inä̧; jahuätömä̧ 'cuopä̧cuä̧ ji'äu pputtäcuotö. ⁶ Ja̧'hua̧nö̧ päi'omenä̧ TTÖ̧Ä̧NÄ̧HUA̧ A̧'cua̧ru̧hua̧ ucunä̧ ö̧jä̧mä̧dä̧cua̧, ja̧u̧nutä̧ u̧cuo̧cuä̧cua̧ jahuätörö 'cuä̧o̧pä̧cuä̧mä̧, ja̧hua̧nö̧ jo̧menä̧ ö̧jö̧ttö̧'inä i̧mi̧cu̧nä̧ ö̧'o̧rä̧huächä̧cua̧. ⁷ Pi̧yȩ o'cajuiyönä̧ 'cuäopä̧cuä̧ ucuru ichomenä̧mä̧, jȩ'cu̧'a̧ja̧ cu̧munä̧ jȩ'cu̧'a̧ pä'ö ichömä̧, TÖ̧Ä̧NÄ̧HUA̧MÄ̧ ucutäcu kö̧. ⁸ Ttucu ji̧nä̧ yo̧metȩ päcui'a ichí Gilgalra̧'a̧. Ja̧u̧nu̧tä̧ ucucu chi̧'chä̧cua̧sä̧, ttiäre kú icu iyähuä ja̧'hua̧ta̧'a̧nö̧ isa̧rö̧ cuä'ö icu tiyäcuotöjä surojö'inä̧ juiyönä̧. Ji̧mutȩttö̧ todäre mo̧ro̧ tta̧cuä̧ra̧ja̧ ucucu jinä̧ yo̧metȩ pädi'ome jubu ja̧u̧nu̧tä̧ ji̧dä̧huäcua̧jä̧ jȩ'cu'ä̧cuä̧mä̧. ⁹ Ja̧hua̧nö̧ ja̧'a̧ Saúl Samuelrö e'ähui'ö ppa̧huä̧chä̧cho̧menä̧, TÖ̧Ä̧NÄ̧HUA̧ amiso'quinä̧ koromenä̧ amucuädönä̧ jȩi̧nä̧cu̧. Ja̧hua̧nö̧ ja̧'a̧ttö̧ 'cuäopäcua'a pättinö̧mä̧ ji̧yȩnö̧ mo̧ro̧ 'cuäopina'a̧. ¹⁰ Muä'quiyu de'a pätti'omenä̧, yotöte tö̧ä̧nä̧hua̧ pä'ö ji'ähuätö ji̧nä̧yo̧metȩ ca̧ca̧cui̧nä̧tö̧, ja̧hua̧nö̧ jo̧menä̧ Dios A̧'cua̧ru̧hua̧ mȩyȩhui̧'i̧nö̧ ja̧u̧nä̧ jahuätörö 'cuäo̧päcuä̧ jiähua pä'ö. ¹¹ Ä̧cuo̧menä̧ huo̧juä̧chi̧nä̧tö̧mä̧ to̧pä̧ri̧nä̧tö̧ 'cuäopäcua'a pättinö̧ jittähua'a 'cuäopäcua'a jihuätörö, juȩnȩ ka̧cuä̧tö̧mä̧ jitötätä pä'ä'chäcuähuintö̧: "¿Tta̧'a̧nö̧ päi'ärö Cis i̧tti̧mä̧? ¿Jitämä̧ Saúl ja̧'a̧ 'cuäopä̧cuä̧ ji'äumä̧?" ¹² Ya̧tȩ juȩnȩtä̧ kö̧ ädätinö̧: "¿Dí jä̧ttö̧ ja̧u̧ jä'omä̧?" Ja̧'hua̧nö̧ ji̧nomettö̧ pättö chi̧na̧'a̧: "¿Ya̧temä̧ Saúl ja̧'a̧ 'cuäopä̧cuä̧ ji'äumä̧?" ¹³ 'Cuäopä̧cuä̧ ji'äu kä'ädömä̧, 'chi̧nö̧ ju'toju jo̧mecu̧. ¹⁴ Ja̧'hua̧nö̧ ja̧'a̧ imiya̧mä̧ Saúlrö'inä ja̧'hua̧ta̧'a̧nö̧ umöhuä̧ya̧rö̧'inä pä'inö: ¿To i̧u̧ cui̧huä̧jä̧ttö̧? päcu ja̧u̧mä̧ ädätinö: Burötö̧rö̧ usu; ti̧'chä̧ja̧'a̧ tu̧'o̧cui̧'ö̧ juiyönä jä̧u̧mä̧, Samuelrö topö i̧huä̧jä̧tö̧jä̧." ¹⁵ Saúl imiya̧mä̧ pä'inö: "Samuel jiähuäji ji'ähuittö päinäcu̧." ¹⁶ Saúlmä imiya̧rö̧ ädätömä̧ pä'inö: Ja̧u̧mä̧ huäjunätä̧ pä'äji burötö̧mä̧ täcö ttö̧'o̧cui̧'ä̧jä̧u̧ jö̧nä̧tä̧." Ja̧'hua̧nö̧ ja̧'a̧nä̧ ja̧u̧mä̧ Samuel ruhuo tö'cö jiähuäjimä ji'ähuocö pinö imiya̧rö̧mä̧. ¹⁷ Ja̧'hua̧nö̧ jä̧ji̧ o'ca'a TÖ̧Ä̧NÄ̧HUA̧ to̧ä̧ro̧mȩttö̧ Samuelmä̧ ttö̧ja̧rö̧ ca̧ca̧ti̧pi̧nö̧ Mizpanä; ¹⁸ Israel ttö̧ja̧rö̧ pä'inö: "Pi̧yȩ ja̧'a̧ Israel ttö̧ja̧ TTÖ̧Ä̧NÄ̧HUA̧ päömä: Ttömä Israel ttö̧ja̧rö̧mä̧ Egipto rȩjȩttö̧ rä'epö icuinösä̧, Egipto ttö̧ja̧ huettönä ttö̧ja̧cuo̧mȩttö̧ rä'epö chicuinä̧u̧, ja̧'hua̧ta̧'a̧nö̧ o'catoi'önä ruhuo hue'ätö suronä jȩpö̧ huȩttä̧u̧rö̧. ¹⁹ Ja̧'hua̧nö̧ ja̧'a̧nä̧ jitämä, CU̧Ä̧NÄ̧HUA̧TÖ̧CU̧RÖ̧ ya'ocuäjätöjä̧ ucutumä, surojuttö'inä, usurä ȩmä̧huä̧cuä̧ttö̧'inä ttö̧ji̧pönä ppä'ädörö; pä'äjätöjä̧" "Ya̧tȩ tu̧ru̧hua̧rö̧ pojopö iyitö jö̧nä̧. Ja̧'hua̧nö̧ ja̧'a̧ttö̧ TÖ̧Ä̧NÄ̧HUA̧ ä'ca jo̧mȩ i̧jȩcuä̧tu̧cui̧, cu̧tä̧mu̧mi̧nä̧ttö̧ yo'ähui'inätö̧'i̧nä̧ ja̧'hua̧ta̧'a̧nö̧ cui̧tti̧mö̧'i̧nä̧. ²⁰ Samuelmä Israel ttö̧ja̧ ttahuaruhuä 'cotörömä o'catoi'önä̧rö̧ tö'cönä̧nö̧ ttichi'önä jȩpi̧nö̧ ja̧'hua̧ta̧'a̧nö̧ Benjamín ahuaruhuä 'cotö'inä ȩmä̧huä̧chi̧nä̧tö̧. ²¹ Benjamín ahuaruhuä 'cotörömä̧ ttahuaruhuäcu tö'cönä̧nö̧ ttichi'önä jȩpi̧nö̧; ja̧'hua̧ta̧'a̧nö̧ Matrí ahuaruhuä'inä ȩmä̧huä̧chi̧nä̧tö̧, ja̧'hua̧ta̧'a̧nö̧ Cis i̧tti̧ Saúlrö pojopö ȩmi̧nä̧tö̧. Ja̧'hua̧nö̧ ttȩmä̧cu̧ ja̧'a̧nä̧ ttusi'omenä, ttö̧'o̧cui̧'o̧co̧cu̧ pinö. ²² Ja̧'hua̧nö̧ ja̧'a̧ ttö̧ja̧mä̧ TÖ̧Ä̧NÄ̧HUA̧RÖ̧ juhua'a yabonä jä̧ttȩpä̧ra̧ pätta'anä: "¿Ttö̧ja̧sa̧mä̧ täcö ichi'äji?" TÖ̧Ä̧NÄ̧HUA̧mä̧ ädätinö: "Ja̧u̧mä̧ sacuyu 'kä̧tȩ dajahuächäji pä'ötä. ²³ Ja̧'hua̧nö̧ ji̧ä̧huä̧ö̧ jopächö Saúlrömä ödahuächäjomettö rä'epö icuinätö̧. Ttö̧ja̧ jäyänä ttö̧ja̧cua̧'a̧nä̧ kä'co ö̧jä̧mä̧da̧'a̧, jahuätöttö o'catoi'önä ttu'upi'quiyöttö'inä yabonänö otopinö. ²⁴ Ja̧'hua̧nö̧ ja̧'a̧ Samuelmä ttö̧ja̧rö̧ pä'inö: ¿Ucutumä topäjätöjä̧ ya̧tȩ TÖ̧Ä̧NÄ̧HUA̧ pojopö ȩmä̧jä̧cu̧rö̧? ¡Ja̧u̧'a̧nö̧ hua̧mä̧ ya̧tȩ'i̧nä̧ toa'a pitö ttö̧ja̧ o'catoi'önä̧ttö̧mä̧! "Ttö̧ja̧ huopinä̧tö̧ "¡Ru̧hua̧mä̧ 'cuäopönätä̧ ö̧jä̧cua̧!" pä'ö. ²⁵ Ja̧'hua̧nö̧ ja̧'a̧ Samuelmä ucuocuinö ötahuiyä ttö̧ja̧rö̧ ttö̧tä̧mu̧mi̧nä̧ jȩtti̧nö̧ ja̧'hua̧ta̧'a̧nö̧ ruhuo hueähuä huȩnȩ cuyäru'tänä i̧huȩyu̧ti̧nö̧ja̧'hua̧ta̧'a̧nö̧ ja̧u̧mä̧ TÖ̧Ä̧NÄ̧HUA̧ ä'ca jo̧mȩ i̧jȩpi̧nö̧. Ja̧'hua̧nö̧ jȩpä̧ji̧'ca̧ Samuelmä o'catoi'önä tȩä̧hui̧'ä̧u̧ yotucupönä ttojusodera̧'a̧cu̧ i̧hui̧nä̧tö̧. ²⁶ Ja̧'hua̧ta̧'a̧nö̧ Saúl'inä Guibeára̧'a̧ ppa̧'ä̧chi̧nö̧, ja̧'hua̧ta̧'a̧nö̧ umätö̧ juruhuätucu, jahuätörö ja̧u̧cu̧ tti̧'cha̧ pä'ö TÖ̧Ä̧NÄ̧HUA̧ ttamiso'quinä meäja̧'a̧ttö̧. ²⁷ Ja̧'hua̧nö̧ tti̧'chi̧yä̧u̧ yotucu pönä suropätömä pä'inä̧tö̧: ¿Tocu chujua ttö̧ja̧sa̧mä̧ ujuturu rä̧huä̧pi̧jö̧ttö̧ tö̧ji̧pö̧nä̧ ppädäcua'attö̧? Saúl ku'cocotö päjätömä mippounä iyähuämä ji̧yȩtȩ'inä ȩmo̧co̧tö̧ pinätö̧. Ja̧'hua̧nö̧ 'cuäopa'anä Saúlmä 'curu jö̧nä̧tä̧ ki̧nö̧.