¹ Na gauna sa valarau oti ka na leya vakasalataki ni koru leya tisaiveli I Jisu, a deidei mai so ka kwe me lai vakavuli qa vunau ledra siti. ² A sa qei rogo mai were ni vivesu o Joni na kwa vina a tara na Karisito, a qei vagania a lia nai tukutuku vuara na leya tisaiveli ³ me lai vece, “O iko ko i dodonu me laka mai, se me mam wacia leqwa i lia?” ⁴ sa qei vecera o Jisu, “Ba lai vece sara va Joni na yava o ba sa dani ya qo ba sa rogo rewa. ⁵ Re sa tola na mata cokoca, re yato na lokiloki , qa re vasavasavataki na vukavuka, re sa rogo leqwa na kwa na dudu, re sa cola leqwa mai na mate tu, qa sa vunautaki na kosiveli vuara na dravuadravua . ⁶ E i na kalougata ko i lia ei tam cakati au. ⁷ Na ledru sa laka na tamata raki kwe, sa qei taula kwai Joni o Jisu vuara na tamata, “Nayava o ba laka taki vikaikai mo ba lai daniya – na sina ko i kuretia no na cagi? ⁸ Na yava ga oba lai dania – e i na tagwane ei vaisulu vina? E i du kwe, o kora na vaisulu vina re na no na were ni tui. ⁹ Na yava ga oba laka taki mo ba lai daniya – e lia na. Varovita? Io, qi sa vecei vatikem e levu cake mai vua i lia na varovita. ¹⁰ Ko kwe ei bale ti koya sa volai rewa tu, ‘ daniya, qi sa vatala ya na lequ dau kaui tukutuku va vatikem, ko ina lai varautaki nia na calevu va vatikem. ¹¹ Qi sa kwaya vakai du va vatikem, o kora coko na sucu inai vuara na yalewa e i lala i teteilagi mai va Joni na Daunivivavitaisotaki. Ko na tamata tam vitavita talia na matanitu vaka lomalagi e i teteilagi mai va koya. ¹² Na gauna lei Joni na Dauvivavitaisotaki me yacovia mai kwe, a sota qa ya na vivacacavu na metanitu vakalomalagi, re qaratia vakaikai sara na tamata dau viva cacaui. ¹³ Na lawa coko qa ra na varovita re varofisai me yaco va Joni; ¹⁴ Ma ga e vinatia mo ciqomia , o koya na Ilaija ko na laka mai. ¹⁵ O koya i tau e taliga me rogo, deinia me rogo. ¹⁶ Na yava me qu vatautauvatataki nia ka nai taba tamata kwe? E i wetai ko ra na driadria re qito tu i vanua ni makete, ko re no tu qa re vitatani tu. ¹⁷ Qa re kwaya, :Me ba uvi vaivo ni vakatagi va iko, qo tam tuisi sara. Ba valoloku no qo tam tagi ya. “ ¹⁸ O Joni a tam kami madrai qa tam som waini na lea laka mai, qa ra kwaya, ‘E i no vali vua e i lia na nitu! ¹⁹ Na luve ni tamata a kani qa som ne leya laka mai qa ra kwaya, ‘ba tolavia, sa ka na dau kani qa dau mateni, qa ledrai tokani vina na dau soqoXXX tia nai vacavacava qara na i valavala caka ca!’ Ia na vuku ina lai dani ga na cakacaka ei tara.” ²⁰ A qei tata borisi tia o Jisu na siti ko a bi talia na ckacaka vina a tara ka, e i baletia na ledra tam vivutuni rewa. ²¹ “E na caka ca o iko, Koresini! E na caka ca o iko, Pecisaita! Me ke tara na cakacaka levu ko a tara va iko i Taia qa Saitino, re sa ma ke vivatuni wale re sulu taga qaraboro ravu. ²² E ri na vina vica o Taia qa Saitoni mai va iko na siga ni lewa. ²³ O iko, Kapenaumi, e numia mo ke lai lagiti cake i lomalagi? I lala, e na bbiu civo I Etesi. Me ke tara i Sotoma na cakacaka levu a tara va iko, a si ke tau tu ni kua. ²⁴ Qi sa vedeko no kwe i na vina cake na vauna o Sotoma na siga ni lewa mai va iko. ²⁵ Na gauna sokwe a qei kwaya o Jisu, “Qi sa vavinavinataki niko, Vava, Momo ni lomalagi qa na vuravura kwe, bale tia na lem vunia na kwa kwe vuara na vuku qa na yalomatua, qo vatakea vuara na driadria ya sewa. ²⁶ Io, vava a kwa rairai vina mmata. ²⁷ Na kwa coko a vakatuku taki nia va au o Vava; a lala lia a kilati luvea o Tamaya ga qa lala lia muni a kilati Tamaya o luvea ga, qa i koya ga e i digia o luvea me vatakei koya ka. ²⁸ Ba laka mai vai au, o kem coko om watete qa bibita lem i dagidagi, qi na vagam kem na vakacegu. ²⁹ Ba taunia na leqiau i kaukau va vatikem qo ba vulicia na kwa va au, do qi yalomalumalum qa qu tam yalo kaikai, o ba na vakawa na vaka cegu ni vatimem yalo. ³⁰ E i rewarewa na leqiau i kaukau qa taumama na leqiau i dagidagi.