¹ Sa qei coviru cokho o Jisu na lea tisaipeli a tinikharua qa solia vuara na qwaqwa mere rewai kora kha na yalo duhadukha, mere lai vikara dei kha, qare va colanira mai na mate cokho ga qana vimataqali raraci cokho ga. ² Ko kwe medra yaca na tisaipeli ei tinikharua. Nai matai, o Saimoni (i dau lai co muni meni Pita), o Adriu o tacia; o Jemesa o luvei Sopete, qai Joni o tacia; ³ O Filipi, qa Pacolomi u: Tomasi, qai Maciu na dau sogoni vacavacava; Jemesa o luvei Alifio, qai Cateo; ⁴ O Saimoni na gugumatua, qai Jutasa Isikarioti, o koya ina soli koya yati. ⁵ O koru na tinikharua kwe sa vatalara yati o Jisu. Sa vakhasalatakhi nira qa kwaya, “Mo kua ni lakha ina lia na vanua ere no kha na koi matanitu teni, qo ba kua ni rusu ina lia na koro kei Samaria. ⁶ Ba lakha vuara na sipi ni vuniwere ni Isireli kore vele tu; ⁷ ia nio basa lakha, vunau qo kwaya; Na matanitu valomalagi sa valekhe; ⁸ Vacola nira na tauvi mate, vadure nira na mate, vasavasavatakhi nira na vukhavukha, qo ba vikhara tira na niru. Nio ba qulu loto, qeba solia loto ⁹ Ba kua ni kau lia na loula, siliva, se kopa ina bausi, ¹⁰ me kua na taga ni vaga ii gaunisala, se rua nai sulu, se vava, se nai toko, doi i dodonu me soli vua na tamata cakacaka na kea magiti. ¹¹ Na koto levu so sewa oba rusu kha, vadania kwi yaga kho, qo lai no vakhalia no kho me yacovia na lem deidei lesu mai. ¹² Niosa rusu ina lia na were, kidavakhi nira. ¹³ Ia maga i yaga na were so kwe, me qei sobu tiru na vakacegu. Ia maga i tam yaga, me qei sukha leqwa mai va vatikem na vakacegu. ¹⁴ Iva kora kece are tam sovikho se varogo na lem tata, nio sa deidei lesu mai ina were se koro, kuretia dei na kuvu ni qwele mai mqeteqete ni la. ¹⁵ Qi sa kwaya vaidu saraga vaiko, ina cakhaca va sewasewa o Sotoma qa Komora ina siga ni lewa mai vua na koro kwe. ¹⁶ Tolavia, qi na vatalakho yati me wetai na sivi ina kedra vibutorakhi na oliva, ia mo vukhu wetai na gwata qa mo yalovina wetai na ruve. ¹⁷ Qarau ni ikho mai vuara na tamata! Nire na mekho cakhe ina mata rileweai, ere na karocakhi ni iko ina ledraviwere ni lotu. ¹⁸ Ena qei yara medru mata na kovana qana tui ina vukhu ni qu yaca, mo tia i vadudu liva kora qai vuara na teni. ¹⁹ Na gaunaere na yaraki ikho cakhe kha, kua sara lomalegatakhi nia ena tata vakayava se na yava mo kwaya, ni kwa kece ena kwaya ina soli va iko ina yauwa sara ga sokwe. ²⁰ Ni tam ni ikho ena tata, ia e Yalo ni Tamaivatikem ina tata nomai va ikho. ²¹ Na tukani ina soli tacia me mate, o tama ina soli luvea. Kora na driadria ere na dure cakhe va kora na ledra i tubutubu qare na va vunia ledra biu yati mere mate. ²² Ena lai cakhati mai va kora cokho na tamata baletia qu yaca. Ia okoya yalia ei vosotia me yacovia nai vakhata otioti, na tamata sokwe ina rewatia na cola. ²³ Nive sa vacacani ikho koro kwe, tuba ina lia leqwa na koro, niqu sa kwaya vaidu va ikho esi tam olivia na vikorokoro i Isireli qa sana yaco mai na Lure ni Tamata. ²⁴ Na tisaipeli ei tam levu mai vua na lea qasenivuli, se na dauviqwavavi mai vua nalea momo. ²⁵ Sa rautia na tisaipeli me wetai muni na lea qasenivuli, qana dauviqwaravi mei wetai na lea momo. Ia maga ere sa covia metia momo ni were o Pielisapupi, ivei ina wetai na kea cakaca na yaca ere na lai co kha na lewe ni vuniwere! ²⁶ O koya so kwe mo suwa ni matakhu cira, ni na lala na kwa ei vunitakhi mena tamlei vatakei, qa tala na kwa i vuni me tam lai kilati. ²⁷ Na kwa qi vecekho ina gigilo, kwaya ina cece, qana kwa o rogo vakasewa mtaliga, ba gisatakhi i dela ni were. ²⁸ Ba kuwa ni matakhu cira na vamate na yago ia ere tam rewa ga ni vamate na yalo. Ia, matakhu ci koya ga koi rewa ni vamate ruarua na yalo qana yago i eli. ²⁹ Ina tam volitakhi na rua na sivaro ina lia na sede? Ia ina lala lia ina lutu ina qwele me tam kilatia o Tamaivatimem. ³⁰ Ia na rau ni ulu ei wilikhi. ³¹ Kuwa ni matakhu. Oba tetelagi sara mai vuara na sivaro ei bi. ³² O koya vakhayalia ina lwai au vuara na tamata, qina kwai koya muni va Tamaiau koi no mai lomalagi . ³³ Ia o koya i cakhitakhi ni au medra mata na tamata, qina cakhitakhi ni koya muni e mata ni Tamai au koi no mai lomalagi. ³⁴ Kua ni numia mequ kau mai na vivinati i vuravura. Qu tam lakha mai mequ kau mai na vivinati, ia nai seleiwau ga. ³⁵ Niqu lakha mai mequ mai wasei koru na tagwane mai va tamaya, na yalewa ma va muaya, vuagoya yalewa mai va gwanitamaya. ³⁶ Ia ina tia meca ni tamata okoru na lea vuniwere. ³⁷ O koya ei lomani tamaya se mnaya vakhalevu mai va au ei tam yaga va au; qai koya i lomani luvea tagwane se luvea yalewa vakhalevu mai va au ei tam yaga va au. ³⁸ O koya i tam dagia cakhe na lea kauvelatai qa takhuci au i tam yaga va au. ³⁹ O koya ina maroroya na lea cola ina va velenia. Ia okoya ina va velenia na lea cola i qu vu ina maroroitia . ⁴⁰ O koya i vacegui iko ei vacegui au, ia okoya ei vacegui au ei vacegui koya muni koya vatalai au mai. ⁴¹ O koya i vacegutia na parofita baletia nitia parofita ina qulu nau votavota mai vua na parofita, qai koya i vacegutia na tamata dodonu baletia ni tia tamata dodonu ina qulu muni nai votavota mai vua na tamata dodonu. ⁴² O koya i solia vua i lia vuara na yasewa kwe ilia boto na bilo wai kalikaliwa me baletia nitia tisaipeli, qisa kwaya vaidu vaikho, ina tam rewa ni vele dei mai vua na lea i votavota.”