¹ Ina gauna oya a lakha yati kha o Jisu ina siga ni vacegu ina buto ni were ni sila. Ara sa mata kani na lea tisaipel. Kha tekiru me ra covia dei e ulu kha khania. ² Ia ni sa tolavia na Farisi, ara kwaya va Jisu. Dania, sa tara na lemu tisaipeli na lewa sa lala ni. Vatabui me tara ina siga ni Vacegu. ³ Ia a kwaya va khora o Jisu, mo ba alal ni wilikia na kwa e tara o terita ni sa mata kani qa na tamata icha no vata kwaya? ⁴ A lakha ina sue ni kalou kha khania na madrai ni rarama kha lala ni vatabui va khora me khania kha valawa. Khora ara a no kha khoya ia e dodonu muni ga vua na bete. ⁵ O ba tam kilatia ni wiliki ina lawa ina siga ni vacegu sa vadukadukalitaki ni sa siga ni bete ina sue ni sue tabu ia sa tawacala? ⁶ Ia qu sa kwaya va vatikem ni lia e cecere cake mai na sue tabu sa no tu kwe. ⁷ Ice ba mo kilatia nai balebale ni kwa kwe. Qu gadne via na marau kha lala ni soli cola ona tam borisi khora na tawa cala. ⁸ A sa kalou ni vacegu na dria dria ni tamata. ⁹ Sa qei deidei mai so keni o Jisu kha lakha ina ledra sue ni lotu. ¹⁰ Tolavia, sa lia na tamata sa malai e lima, dra sa tarogi Jisu na Farisi kha kwaya, sa vina me veivabulai ina siga ni vacegu? Me rewa ni ra beitaki khoya ni valavala ca. ¹¹ A kwaya va khora ko Jisu, "A yara ina no ina vatilem maliwa, ko yei, Ba me lia ga na lea sipi e lutu i na lia qwara ina siga ni vacegu, ina lala ni qulumia kha vatubunia? ¹² Sa kwa talei cake sara, o Khoya na tamata mai na sipi! O khoya savina kha me ta tara vina ina siga ni vacegu. ¹³ Sa qei kwaya o Jisu va khoru na tamata kwe"Dokia mai mu lima." A dokia yati, kha sa valesui mai ina colacola ni yago me wetai ga e lima lia leqwa. ¹⁴ Ia ara sa lakha mai na Farisi kha temaki khoya. Ara vadania no na sala me ru varusai khoya kha. ¹⁵ Ni kilatia o Jisu na kwa kwe, ara sa lakha teni mai so keni e bi na tamata ara takuu khoya, kha vacolai khora kece. ¹⁶ A varoti khoya me ru kua ni vatakilai khoya va khora leqwa eso. ¹⁷ Me rewa ni vayacorria, na kwa a laukwai mai va Aisea a kwaya na parofita. ¹⁸ Tolavia, na lequ tamata qu sa digi takinia. Na lequ daulomani, okhoya sa marautaki valevu qu yalo. Qi na vagania vua na qu yalo kha vunautakinia o khoya na lewa vina va khora na kwai matanitu teni. ¹⁹ Ina lala ni tagi se tagi vadomo bi ina lala muni ni lia e rogocia domo ina sala. ²⁰ Ina lala ni vorokua o khoya e lia na kai sa mavoa. Ina lala ni bokocia e liana va sawasawa, me yacoria ni sa teimata na lewa vina khina qwaqwa. ²¹ Ia ina yaco ara na vanuinui kha na matanitu teni. ²² Sa qei la mai va Jis, e lia e tam ttola kha galu, kha qulumia no e lia na nitu. A vacolai khoya kha sa tata kha dania na tamata galu. ²³ E kurabui na lewe ni vanua kha kwaya "e rewa va na luveni tamata i tevita na tamata kwe? ²⁴ Ia a sa rogo na Farisi na lea sue ni vitavaki ara kwaya, sa lala ni vatala na nitu na tamata kwe, vavo boto mai va pelesepeli na ledra tui na nitu. ²⁵ Ia sa kilatia o Jisu na ledra numia kha. Kwaya va khora na veivanua taucoko sa veivala va khora sa lakha kha na lala ni tudei na vikoro se na veisue taucoko sa vivala va ni khora. ²⁶ Khe a vatalai Setani teni o Setani, sa lakha teni va ni khoru sa na dei vayava na lea matanitu? ²⁷ Ia khe qu sa vatalai khora teni na nitu mai va Pelesepupi sa vatalai khora teni ma va ei na lem driadria? Akwe na vuna ara na lewai vatikem kha? ²⁸ Ia khe qu sa vatalai khora teni na nitu ina yalo ni kalou sa na qei yaco mai va vatikem na matanitu ni Kalou. ²⁹ Ina rewa vayava vua ena lia me rusu ki na sue ni tamata. Kaikai kha mea teni na lea iyau kha lala ni tovole talia na tamata kaikai? ina qei drivatia na lea iyau mai na lea sue. ³⁰ O khoya sa lala ni no vata qa au sa saqati au kha khoya sa lala ni soqo ni vata kha au sa vilayaki. ³¹ O Khoya qu sa kwaya kha va vatikem, na tamata tawayaga qa na drodrobigi taucoko, ia ina lala ni lakha dei na masu me saqatia na yalo. ³² O khoya yalia sa tatania elia na tata me sagatia na luve ni tamata, ina vasoti khoya. Ia ko khoya sa tata vacaca taki na yalo tabu. Kha na lala muni ni vosoti ina vuravura kwe se ina veikwa ina qei yaco mai. ³³ Tara e lia na vunikai me vina vuavua vina, se tara na vunikai caka ca e vua, ni lia na vunikai e kilati mai e vua. ³⁴ O vatikem na kawa ni gwata, ni ba sa ca, e rewa vayava mo ba kwaya na veikwa vina? ni sa tata na gusu mai na bi ni yalo. ³⁵ Na tamata vina mai na i yau vina ni lomaya ina vatuburia na kwa vina, qa na tamata ca mai na i yau khe ba sa vatubunia na kwa ca e lomaya. ³⁶ Qu sa kwaya va vatikem ina siga ni veilewai ara sa na saumi tara kha na tamata ina tata ca taucoko ara kwaya. ³⁷ O sa na vadonui ina lem tata ia ina lem tata o na borisi kha. ³⁸ Ara sa qei Saumia va Jisu a so na vunivola qa na Farisi kha kwaya, i qasenivuli, vativemam gadrevia me kemam tolavia e lia na vatakilakila mai va kemu. ³⁹ Ia saumia kho Jisu kha kwaya va khora, ara sa vasaqara e lia na vatakilakila e lia na taba-tamata ca kha daudriva. Ia ina lala ni lia na vatakilakila ina soli kha vavo ga na i vatakilakila i Jona na Parofita. ⁴⁰ Me wetai ni sa no voli o Jona ina kete ni ika bi me tolu na siga kha tolu na bogi ina wetai muni na luve ni tamata. ⁴¹ Eru na tukata na tamata mai ninive ina ledra vilewai na tamata kha na na vocala, ni ru sa vivutuni takinia na vunau lei Jonah kha tolavia e lia e cecene cake mai va Jona. ⁴² Ina tucake na Rona di ni ceva ina gauna ni vilewai kha ni khora na taba-tamata. A borisi ni khona na lakha mai inai yalayala khei vuravura me rogo na vukui Solomoni kha tolavi me lia cecene mai va khoya. ⁴³ Sa lakha dei mai vua na tamata lia na yalo duka kha lai rusu ina vanua lala me vacegu rewa kha tam dania. ⁴⁴ Sa kwaya, "Qi na lesu leq wa khina lequ Sue qu a lakha mai kha qu sa lesu leqwa qi mai dania na sue a sa lala kha vasa savatakhi tu. ⁴⁵ Sa lakha kha qulumia leqwa e vitu na yalo velavela e bi mai va khoya i mata kha sa qei ca Sara qa na wetai ga so kwe va khora na taba - tamata. ⁴⁶ A se tata vali o Jisu va khorei na lewe vuqa Dania eru sa dure tu e yasai khoya o tinaya kha taciya. Kha ru sagatia me ru tata vua. ⁴⁷ Elia na tamata kwaya vua, tolavia na lem nene kha o tacim e no ina buto ni sue e ru mata tata va kho. ⁴⁸ A saumia o Jisu va khora o ey leqwa lequ nene qa o ei leqwa o taci au? ⁴⁹ Sa qei dodo kia yati e lima va khora na Fisaipeli kha kwaya to lavia kwe na lequ vuniwere. ⁵⁰ Ia okhoya yalia sa tara na lomai tamai keau mai lorualagi. Akwe o taci au qa tinai au.