¹ abamua niloe Kristus toke, onifaka. Hupala nine peworanu Letu Tu-to, ² kei niwe fufanile-e pa hupala fevako. ³ Pakei, nipule ma-niwewe pa huapala ana Kristus nehekeke kei-te johane, tebapa nine nofa. ⁴ Kei tei teba Israel, te-tere-ete teako tete, pa Tata fefeke hetopu-te, pa jakelofako, pa ma Ropu, pa lupopo, pa jakeloko. ⁵ Tei pipave jubepakama, tea Mesias tekefu nopara-Keke ana neba, jalelepa kekole-ho. Kei Tata tabeja netenainene. Rupabe! ⁶ Pakei Tata pifeke wawiwikatu. Kei teba Israel-i tewofaka,  ⁷ pa Abraham pipavekei tefaka, pa: "Kei teja Ishak keia tenini pipave-meme." ⁸   Napepei: Teako nonai Tata teakoke-ka, pa teako kelokoia bamua. ⁹ Kei pifekekei jakelokotu motu: "Banowea Ni-lolole pa Sara ku-baleu pewekokotu. ¹⁰ Pa keifaka. Pafefewoi Ribka ko-pemoi keba ali ko-ke, kei Ishak, jube nene. ¹¹ Pakei po-teakoi matepi taha-aka pa jabamua na heve teteka, - u-ja Tata-keki-i navekoko, janopa-ka, pa Ke-loko - ¹²   kelote Ribka: "Ko-bahui bapu kelele ko-bafai," ¹³ ana putukotu: "Ni Yakub pule, Esau ni-one." ¹⁴   Anara noi, ja-netotote? Keia Tata-i bamuakana? Keiraka! ¹⁵ Kei pi-Kele Musa: "Pipate Ni-lele ba pipatae Ni-lelele pa hupala heve te ba-Ni-hupala hevevetu." ¹⁶ Nya jai neba hupalane wekoka naneba enane, pa te Tata [ipate keke. ¹⁷ Pakei Ropu Tu lote Firaun: "Peanya me-Ni-kefu, noia u-ma Nine Ni-nalu wa-me, pa u-bati Nine tewetujaja fito tupa." ¹⁸ Nya pipate Ke-lele ba Ke-pule pa ba Ke-pule keleko hupalake navevetu. ¹⁹ Pauawe elolo nile: "Anara noi, jara kotu Ke-ehehahale? Pakei ba-hupaup-Keke kekakikile?" ²⁰ Ei ba, hhe eba, ko Tata piehahi? Tunane keba kele lote keba kekele: "Tunaneko ni-mepe noie?" ²¹ Keba hatuole pajakelei  hatuole kekekana, tou keweko jaheve keleko teketute-e jana heve pa jahiu keleko teafia ketute-e? ²²   Nya, fe-Keke kenalulule pa ma-Keke kanalulule, Tata punapa bapale kekeleto jalelepa Ke-hufemotui, kei ketepuko tetakukutu -  ²³ keiko jahelote fefe Keke kenalulu java pipate-Keke ketupipa moko fefekeke, ²⁴ kei ne, neba Ke-loi neba Yahudi wofaka, pakei teba papahirai, ²⁵ ana Ke-lokoira kotu bapuke Hosea rupuke: "Tebapa Ninekai Ni-lolo: Bapa Nine pa peba nipulekai: nipule." ²⁶ Pa jei, kei te-teninite: "Ewei e-bapa Nineka," kefu te-teninite: "Tata hahake tenaiete." ²⁷ Pa Yesaya Israel pinake: "Anara Israel nawo tete ana hatu motu-ba, kei joia tefajujute. ²⁸ Pakei ja-Ke-lokoi, Tata janololo fitowea, tupa pa jojokatu." ²⁹ Pa ana Yesaya lotokoi: "Ana Tata fitobake newe pipave kelofefeka, kara neletata Sodom pa aha-ali ana Gomora."