1
Johane, hupala nine pa lupopo nine te-Tata kei, ura te-tefajuju.
2
Kei te-ninalulu eale, kei te-bamuawo telakete Tata, pa jabamua terihuhufaka.
3
Kei te-Tata bamuake tefija huhfaka pa te-ena bamua no-tetewo tewejujute, pakei Tata bamuake teiheteka.
4
Pakei Kristus-i ma-Ropu pepei kelete-pa, ko bamuai teba tuho keji re-e.
5
Pakei Musa japulei bamuako ma-Ropu: "Teba janore-ei, peako tete-ete.
6
Pa bamuako hupalanavei penunewea: "Hupala meme nunukaka: Ba-etiti petale?, kei:Yesus kekahetotole,
7
na: "Ba-hetiti tebabi jete?, kei: Kristus wakoile tebabi houi kekaetoto.
8
Pa jakelo? Kawe: "Pife kekei watupa to-me, kei kotu lau-meme pa hupala meme." Keia pife hupalanave, pea nenarunete.
9
Pakei lau-memepa kememi, Yesus-i Tata, pa kemi hupala, Tata Ke-keleko kelefuto tebabi-hou, kei elenaiae-ele.
10
Kei hupalapa teba keji-i teni bamua, pa laupa teba keji-i kei te-kelofefele.
11
Kei Ropu Ole nukotu: "Ba-me Ke-kememi, meba rukaka katu."
12
Pakei teba Yahudi pa teba Yunani-i ahaka. Kai. Tata ali-ia tebapate, jahelo nawo te teba Ke-tehiwaete.
13
Pakei, ba bati Keke kehiwale, kekekefufule.
14
Pa tunane tehiwatete Ke-te, ana Ke-ketejika? Tunane Ke-ketejijite, ana Ke-terikai. Tunane Ke-teririte, ana bau Ke-tenika?
15
Pa tunane Ke-teninite, ana te japuteteka? Ana japutukotu: Ferakatafe teba pifekeke wetujaete!"