¹ Kaipa nihowe: Tata-i bapakei kenakina? Noi ka! Kei niwora niba Israel, Abraham pipaveke, Benyamin kebapake. ² Tata bapake keki-i kenakika. Na elukana, ja Ropu-Tu nukoto Elia-i, pu Israel katife Tata: ³ "Tata, bapuha-Me tejilo, kaku-Meme tetaki; nirawofa le-ele pa pu-ninera tekekete." ⁴ Pa none Tata pife te-te? "Teba 7.000 Ni-lufate tete-e ko-Ni, kebate tabeja teteka." ⁵ Aniara puwe jo-nya te-ete, pipate keke loko. ⁶ Pa anara jai lewa piptekeke, kei janopaka, pa-ana noika, pipatekekei pipateka. ⁷ Nya tunane, Israel ja-tejajuei teweka, pa teba kekipai teawe. Pa teba kau huve, ⁸ ana putukotu: "Tata leko teleweko tejaelou, luto keloleko tefufuka pa lo-keloleko teririka, wakoto uabawe." ⁹ Pa Daud lo: "Tarira tetei ana a-tekefaku pa teba atetete, teihetete pa luputo. ¹⁰ Pa lutotete lopakoko, u-jatefufuka, mepeko oetete tepakeke." ¹¹ Kaipa ni-howe: Te-jitafifi pa teihetetetena? Noiraka! Pakei jafefe tete, nefajuju wakotete teba papahite, u-teteko tehufefe. ¹² Pakei jenofefe tete tipa tefito jahelope, pa japaka tetei jahelo te teba papa kau, kei jatupipitu tetei nawo! ¹³ Nilote e: He ebapapa Yahudi-ka. Pakei ni-hahake kote tebapapa Yahudi-ka, nihio kei janaheve te janoniloe, ¹⁴ kei anara janileko tebapa nine tehefefe nopara nebane pa teba nararau tenilofefe. ¹⁵ Pakei anara teotei fito hefefetu, ana teterei janahuka kotutebabina? ¹⁶ Anara hao bahui-tu, kei jahao pewaeira-tu, pa ana halera-tu, kei nepepera-tu. ¹⁷ Peanya anara ne-kau tebante pa e-to-hi tuto wawa hounyate pa era jako elolo zaitun tu-halipepe hi-nawo, ¹⁸ nei noenaluluka! Ana no-enalu, e-emomo, hali-i ea lihahika, pa hali-ia e-lipewawi. ¹⁹ Noipa elonawewele: rinekau tebante, u-nitekefai ana-to. ²⁰ Hevewo! Te-tebatei kei ketejika, pa e-terejutololo kei hupalanave e-e. No-enaluka, pa efufu! ²¹ Pakei Tata rinewoi pipate keleka, Ke-ra e-pipate kelelekale. ²² Peanya Tata hupala heve keke  ekalei pa neve-Keke, kei nave te tebaihetei, pa te-e heve-Keke, kei eletai heve-Keke; ana noika, era tejajate. ²³ Pa tera lau tewawate, anara hupalanavepa ketejika, kei Tata ma-Keke telau kewawale. ²⁴ Pakei ana e-teja zaitun ne-hi , pa lawakotu nopara e-ei tewa zaitun-tu tetewo, nawopepei tebawe, kei je-te-telejai tewawa zaitun-tu tetewo?

²⁵ Pakei ebaletu, u-noe-e tuta eloloka, ni-pulei e-jawekowe elulu: Teba Israel riu robenave tenaruko teba papahi ahatenikoi te-ketete. ²⁶ Loma noiau teba Israel tupai tefajuju, ananukotu: Kefajujule keka Sion totole, jafefe motu Yakub-i kelopeti. ²⁷ Pa kewe Ja-Ni-loko-te, anara nole tete Ni-ju." ²⁸ Pa Pife tetei kei ealeko Tata teheve, pa ana kekikile tei Tata pipateke kei jobepakama-ko. ²⁹ Kei Tata pipatekei keo-okale pa Tata-loko. ³⁰ Pakei ana era lopa Tata elatepaka, pa uawe te-latepakaiako pipate ewe, ³¹ anairab teua telate paka, u-pipate ewei, tera pipatei tewewe. ³² Pakei Tata Pakei Tata tebapa latepakai kefalu, u-pipate Keke kenalulu tebapa. ³³   O, jahelo nawofata, hupalakeke pa Tata tutake! Ja-Ke-lamoi bamua nelafu tape pa bamua loma-Keke-i nehuotape! ³⁴ Pakei, ba Tata hupalake kelu? Na ba-Ke pinapume? ³⁵ Na ba-jau pepe-Ke, ko li-Ke-lele? ³⁶ Pakei jalelepa wa-Kea, pa te-Kea: Te Ke-fa fefekeke konaia kokotu!