Pasal 12

JABAMUA NEROTE

1 Kianara, epanebaletu,Tata hupala hevekeko e-pina ni-le, peanya noparae-e elolete anara jaheve, pa tu pa Tata kepule: kei lupopo jabamua. 2 Fito nerope elalaka, kipa mepepute nopara meme nati, peanya ewepute kene Tata hupalke: ja heve kei-te Tata kepule pa te-tupa. 3 Hupalaheve kekeleheto-ni nilote ebatoho lakule: Jafatafa ehuooka jamoto hupalai pea ehioe, ehuo huhufako, ko-noe-e efofo aha anara hupalanave, ka Tata keleheto eba tuho. 2Kor. 1 Peanya e-nileko ke-ehihi, baura Tataletu-kepa pikelelekale, kei kelolo: "Oke ifatepu.!" Pa baura, kekeki: "Oke-i Tata,"Tataletu-ke wofa. 4 Anara nopara ali pa jalelepahemotu, pa jalelepai janokewofa lolokale, 5 anaira-ne, neba nawo, nopara ali hekoto Tataoke; pa nebawowo nekote nebaba. 6 Anaira pipate nene hihi anar pipate kekeleheto-ne: anara pipatei pinetetete keipa pitehuhufa ha hupalanave nene. 7 anara pipate janopanetetete, janopantete; pipate janenarurute, keipa janenaruru; 8 anara pipate pinapupupe, pinapupu. Ba meja mekopemepe, hupala hevepa jamekopememe, ba merube mepepe, rube mepela janopa; ba me hupalaheve, mepe nai-i.

PIKENALU KONETE HUHUFANE
9 Hupalahevei opepeka.! Jafefe pojatete pa jaheve mepememe. 10 Peanya ewowo hupala hevefafa ana neba letu pa teba tabeja mepepe-to, 11 Janomopo ekukuka, letu meme raehakoko pa Tata noja mepememe. 12 Hupalaheve koko jamemome, pumapepe javeve-ra, pa lupopo nave mepememe. 13 Teba-tu japaka noja mepememe pa meokoko no-meme jahuhufa mepememe teba. 14 Ba me-janofefe keleile nopefefe, no[efefe pa ma-mepepeka.! 15 Teba hupala heve mera pakoko, teba fu-teete umpa mera fupememe.! 16 Hupala alipa ele-e-e; ja etemotu ehuooka, hupala meme temomo japaka. No meme tuta mepopoka.! 17 Teba janofefe teete temepepeka; jano hevefa mepememe tebapa.! 18 Anara, jai wekotu-me, hupala heve mepememeteba-pa.! 19 Johane nipule, ewo janopaeleleka, eweletete Tata ma-lele, kei putukoto: Ja-Ni-kepupulei koto Ni-wo. Nia jakepopole, Tata pifeke. 20 Pa, keba me-kehufe kehuki, ja mepe kekaka; kotiepe pa-mepe kekuku.! Mepe noi rawo pofemepe rube keke. 21 Jafefe emowarereka, pa jafefei hevepa ejiji.!