Pasal 13
ELAKOKO TEBA TAFA
1
Deba wowo nepahenene teba tafa mete neho, kei teba tafa, wa Tata to-ka; pa tebatafa mete, Tata ma-le.
2
Peanya ba-tebatafa pimami, kei Tata ma-ke pimami pa ba janolo, no-kekewo ma kele.
3
Pa ba jahuhufa mepe, teba tafa mefufuka, anara jafefekele. Epule ele-e pa teba tafa efufu ka.? Jahuhufa eleu pa e-ketejiji.
4
Kei tebatafai Tata bapohake ko jahefe nene. Pa anara jametefe, ke-mefufu, feka ta-teremotu. Tebatafai Tata bapoke ko Tata ma-ke terefefe tebA fefe.
5
Peanya nela-no tenene, kei Tata ma-ke faka, pa hupapu nenerai.
6
Anaianya Taimbe lele efuele. Teba janoreetei Tata bapohake.
7
Jaefufu teba jaefufule: Lele elolele teba rerete, Taimbejo elolele teba taimbejo rerete; efufu teba efufule pa ke-ehihi teba ke-ehihile.
HEVEI MA RUPU KELETEMU
8
Tebawe baura hapo eleleka, pa ewowo hupala hevefa. Ba mehupala heve kotu newowo, kei me ma-rupuke mepa.
9
Kei pifekeke: uta elelka, teba ejijika, jeta elelka, ja pututuka pa pefekeke nefa, kei mote pife we, kei: Nebawe pipate maki mepeme anara no-memewo.!
10
Hevei jano fefe newowo mepepekape, kei hevei pe ma rupu kelete-pa.
11
Jawe elele, kei ba-puwe eralu, kei bawe toju ko eba luwe-ele ehalolo. Kei baheve to ne-watupa anara pu ne-keneni.
12
Bawe rahou, feferaetu.Peanya elo jafefe nerojatete pa ta-fefe rope nehehe.!
13
Elo nelano tenene, anara febape, jafefepa pa-ehuhuka, hupala fefe pa utahe ehahaka, ebobo pa hufeferaka.
14
Pa Tataoke ekekuku anara tata fefe pa nomeme mawapeko hupalaheve memera mepepeka.