¹ Teba hupala nave tete eku elolo pa jau mehopepeka. ² Bau keki, kei jajo palelepa kekakale, pa keba hupala nave eko kei pufa kekakale ³ Ba-ma, teba taka menamimika, pa ba-jamaka teba jata ma-mepepeka, kei Tata kebai keke. ⁴ Ei-ba, ko teba tebapohate ma elel.? kei kekalona, kekohetina, kei kotu kewo. pa kei kekalolole, kei Tata kekeleko kerufa rurule. ⁵ Kebau kelo bau heve pa ba kau fe, tekau teni ba-lelepa ahaali. Eba tuho hupala bamua eoo. ⁶ Ba bau mepekotufa, keleko tete Tata. Pa ba jakaile, pera kelok tete Tata, kei janawo kewaete Tata. Pa ba jakaka, keleko tete Tata, kera janawo kewaetete Tata. ⁷ Nebawe baura keleiko nokekewo, baura kewako nokekewo raka. ⁸ Anara netenete, neteneko Tata, pa anara newuwute, newuko tete Tata. Peanya netenetena newuwutena, newe Tata-ke. ⁹ Anaiko Tata Oke kewapa kera lefuto, u-Kei Tata, kote teba-bi na teba tupa. ¹⁰ Pa me, jatuko jume ma-mepe.? Na jatuko jume menami.? Pa nebawe nenako nene Tata hote ne Ke-lopa lafufule. ¹¹ Kei putukotu: "Neteneteweako, anai Tata pifeke, tebalelepa Ni-tabeja tetete pa tebalelepa Ni-piteninite." ¹² Anaia nebawe newowo no-nene nane juju Tata-hoke kojalelepa nete fitowe newo noro fufu Tata-ho. TEBA TETE TATA-TE ENENUNUKA/teba neteko faweweka/jaura fa-weweka ¹³ . Peanya newowowe baura ma-neteteka.! Pa heve-i jawea newekoko: Johane neteko teitete na nole tetete kei neteteka. ¹⁴ Ni-lu pa kenihi Tata Oke-to. Jaura fe nokekewoi koka. Kei teba niete, jalei fe, kebaia kea-fe. ¹⁵ Anara jomeu ja memamepei mepeko kehupalafe, kei mepemepe hupala heve nope mepaka. Jajo tuko jume mehufe keira-fe, kei Tata Oke kewako-ke. ¹⁶ Jaheve, me-pekotu, teba jafe teninika. ¹⁷ Pa Tata Paikei jajo pa pai huhuka, kei ja-bamua, pa hupala heve pa hupala raupa wa Tata Letuke. ¹⁸ anara bau me Tata nerowepa jamepemepe, Tata ke-Ke-pule pa teba ke-tabeja tetete. ¹⁹ . Peanya elo ja-hupala heve nanunu pa heve ko-nebaba newenunu. ²⁰ Jaja putuko Tata janoke kue-nela kei-fe.! Jalelepai-tu, pa janofe ebea, jajo putuko tebakau nole nete notete. ²¹ Hevei ati-mamaka na pa-nave mumuka, na jautute johame hufefe. Hupala nave meme pea mepekoko, kei nopara meme te Tata-ho. Mei hevewo, kai nomemewo ma-mepe jaleu mepora keiheve jamepemepe. ²² Hupala nave meme pea mepekoko, kei nopara meme te Tata-ho. Mei hevewo, kai nomemewo ma-mepe jaleu mepora keiheve jamepemepe. ²³ . Pa ana bau me-rowo, kei ja-mema, ke-ma-tete, kei jakelala hupalanave-ka. Japalelepa hupalanave-pa-ka, kei nole.